Subscribe : | Download Font | | RSS | | Get News In Email |
 
  1 POUND=85.68 INR  1 EURO=76.52 INR
ukmalayalampathram.com
Tue 17th Oct 2017
മകളുടെ മരണത്തില്‍ നീതി തേടി കുരിശുമേന്തി പിതാവിന്റെ പ്രതിഷേധം

തിരുവനന്തപുരം: മകളുടെ മരണത്തില്‍ നീതി തേടി പിതാവിന്റെ വ്യത്യസ്തമായ പ്രതിഷേധം. മകള്‍ രുദ്രയുടെ മരണത്തില്‍ നീതി ലഭ്യമാക്കണമെന്ന് ആവശ്യപ്പെട്ട് സുരേഷ് കുരിശുമേന്തി തിരുവനന്തപുരം നഗരത്തില്‍ പ്രതിഷേധ പ്രകടനം നടത്തി. സുരേഷ്-രമ്യ ദമ്പതികളുടെ മകള്‍ രുദ്ര തിരുവനന്തപുരം എസ്.എ.ടി ആശുപത്രിയില്‍ ചികിത്സയിലിരിക്കെ 2016 ജൂലൈ പത്തിനാണ് മരണമടഞ്ഞത്. ആശുപത്രി അധികൃതരുടെ വീഴ്ചയാണ് മകളുടെ മരണത്തിന് കാരണമെന്നാണ് സുരേഷിന്റെ ആരോപണം.

മകളുടെ മരണത്തില്‍ ശരിയായ അന്വേഷണം നടത്തി തങ്ങള്‍ക്ക് നീതി ലഭ്യമാക്കണമെന്ന് ആവശ്യപ്പെട്ട് സുരേഷും രമ്യയും കഴിഞ്ഞ ഒരു വര്‍ഷമായി സെക്രട്ടറിയേറ്റ് പടിക്കല്‍ സമരത്തിലാണ്. ഒരു വര്‍ഷം സമരം ചെയ്തിട്ടും അധികൃതര്‍ കണ്ണു തുറക്കാത്തതില്‍ പ്രതിഷേധിച്ചാണ് സുരേഷ് കുരിശിമേന്തി നഗരത്തില്‍ പ്രകടനം നടത്തിയത്. തങ്ങള്‍ക്ക് സ്വാധീനശേഷിയില്ല. ശ്രദ്ധിക്കപ്പെടാന്‍ വേണ്ടിയാണ് വ്യത്യസ്തമായ സമരമാര്‍ഗം സ്വീകരിച്ചത്-സുരേഷ് പറഞ്ഞു.

കഴിഞ്ഞ 273 ദിവസമായി ഞങ്ങള്‍ സമരത്തിലാണ്. ഞങ്ങളെ സഹായിക്കുന്നതിന് പകരം സെക്രട്ടറിയേറ്റ് കണ്‍ട്രോള്‍ റൂം ഞങ്ങള്‍ക്കെതിരെ 17 കേസുകള്‍ ചുമത്തുകയാണ് ചെയ്തത്. സമരം തുടങ്ങി ഒരു വര്‍ഷമായിട്ടും അധികൃതര്‍ക്ക് അനക്കമില്ലെന്നും സുരേഷ് പറഞ്ഞു. ഭാര്യ രമ്യയ്ക്കും മറ്റൊരു മകള്‍ ദുര്‍ഗയ്ക്കും ഒപ്പമാണ് സെക്രട്ടറിയേറ്റ് പടിക്കല്‍ സുരേഷ് നടത്തുന്ന സമരം.

പോഷകാഹാരക്കുറവ് കൊണ്ടാണ് തന്റെ മകള്‍ മരിച്ചതെന്നായിരുന്നു എസ്.എ.ടി ആശുപത്രി അധികൃതര്‍ നല്‍കിയ വിശദീകരണം. എന്നാല്‍ മകള്‍ക്ക് ന്യുമോണിയ ബാധ ഉണ്ടായിരുന്നതായി പോസ്റ്റ്മോര്‍ട്ടം റിപ്പോര്‍ട്ടില്‍ വ്യക്തമായതായി സുരേഷ് പറഞ്ഞു. വിവാദങ്ങള്‍ അവസാനിപ്പിക്കാന്‍ ആശുപത്രി അധികൃതര്‍ പണം വാഗ്ദാനം ചെയ്തിരുന്നു. എന്നാല്‍ തങ്ങള്‍ക്ക് പണം വേണ്ട മകളുടെ മരണത്തില്‍ നീതി ലഭിക്കണമെന്നും സുരേഷ് പറഞ്ഞു.

 
Other News in this category

  • മകളുടെ മരണത്തില്‍ നീതി തേടി കുരിശുമേന്തി പിതാവിന്റെ പ്രതിഷേധം
  • സരിത നായരെ വിമര്‍ശിച്ച പെണ്‍കുട്ടി പൊട്ടിക്കരഞ്ഞ് വീണ്ടും എഫ്ബി ലൈവില്‍
  • എന്തിനാ ഇങ്ങനെ.. എന്റെ മകളെ വെറുതെ വിടൂ... അഭ്യര്‍ഥനയുമായി സച്ചിന്‍
  • ഹര്‍ത്താലിനെതിരേ ഫാദര്‍ ഡേവിസ് ചിറമ്മേലിന്റെ കൈയും കാലും കെട്ടി പ്രതിഷേധം
  • കപടസദാചാരത്തിനെതിരായ പോരാട്ടവുമായി 'ഏക'; ആദ്യ ട്രെയിലര്‍ പുറത്തുവന്നു




  •  
    Close Window