ന്യുജഴ്‌സി : ലയണല്‍ മെസ്സിയുടെ ഹാട്രിക്കിന്റെ മികവില്‍ ബ്രസീലിനെ അര്‍ജന്റീന 4-3 ന് തോല്‍പ്പിച്ചു . അമേരിക്കയിലെ ന്യൂജഴ്‌സിയില്‍ നടന്ന സൗഹൃദ മത്സരത്തിലാണ് അര്‍ജന്റീന ബ്രസീലിനെ പരാജയപ്പെടുത്തിയത്് . 23 ാം മിനിറ്റില്‍ നെയ്മറുടെ ഫ്രീക്കിക്കില്‍നിന്ന് ബ്രസീലാണ് ആദ്യം ലീഡെടുത്തത്. റൊമുലോയായിരുന്നു സ്‌കോറര്‍. മൂന്നു മിനിറ്റിനിടെ, 31 ാം മിനിറ്റിലും 34 ാം മിനിറ്റിലും മെസ്സിയുടെ അതിവേഗ മുന്നേറ്റം ബ്രസീല്‍ വല ചലിപ്പിച്ചു. എന്നാല്‍, 55 ാം മിനിറ്റില്‍ ഓസ്‌കറിലൂടെ ബ്രസീല്‍ ഒപ്പമെത്തി. നെയ്മറാണ് ഈ ഗോളിനും വഴിതുറന്നത്. 71 ാം മിനിറ്റില്‍ ഹള്‍ക്ക് ബ്രസീലിനെ വീണ്ടും മുന്നില്‍ക്കടത്തി. മൂന്നുമിനിറ്റുകള്‍ക്കുശേഷം ഫ്രെഡറിക്കോ ഫെര്‍ണാണ്ടസിലൂടെ അര്‍ജന്റീന ഒപ്പമെത്തി. 85 ാം മിനിറ്റില്‍ തന്റെ ഹാട്രിക് ഗോളോടെ മത്സരം ലയണല്‍ മെസ്സി അര്‍ജന്റീനയ്ക്ക് അനുകൂലമാക്കുകയും ചെയ്തു.