|
ഐശ്വര്യാറായി ഷാരൂഖ് ഖാന്റെ നായികയായി അധികം താമസിക്കാതെ ബോളിവുഡിലേക്ക് മടങ്ങിയെത്തുമെന്ന് സൂചന. 'രാമണ്ണ' എന്ന തമിഴ് ചിത്രത്തിന്റെ ഹിന്ദി റീമേക്കിലൂടെയാണ് ആഷ് മടങ്ങിവരികയെന്നും റിപ്പോര്ട്ടുകളുണ്ട് .'മദ്രാസ് കട്ട്' എന്ന പേരിലാവും 'രാമണ്ണ' ഹിന്ദിയിലെത്തുക. സംവിധായകന് സഞ്ജയ് ലീലാ ബന്സാലിയാണ് ഈ ചിത്രത്തിന്റെ നിര്മ്മാതാവ്.
തന്റെ വിദ്യാര്ത്ഥികളായിരുന്നവരുടെ സഹായത്തോടെ അഴിമതിയെ തുടച്ചു നീക്കാന് യത്നിക്കുന്ന ഒരു അദ്ധ്യാപകന്റെ കഥയാണ് 'രാമണ്ണ' പറയുന്നത്. 2002 ല് ദീപാവലി ദിനത്തില് പ്രദര്ശനത്തിനെത്തിയ ഈ തമിഴ് ആക്ഷന് ചിത്രം വന് വിജയമായിരുന്നു. വിജയകാന്തും സിമ്രാനും പ്രധാനവേഷത്തിലെത്തിയ ചിത്രം തമിഴ്നാട്ടിലെ തിയേറ്ററുകളില് 150 ദിവസം നിറഞ്ഞോടി. എ ആര് മുരുകദോസാണ് രാമണ്ണയുടെ സംവിധായകന്.
തമിഴില് ചിത്രം വന്വിജയമായതിനെത്തുടര്ന്ന് തെലുങ്കില് ചിരഞ്ജീവിയെ നായകനാക്കി 'ടാഗോര്' എന്ന പേരിലും കന്നഡയില് വിഷ്ണുവര്ദ്ധനെ നായകനാക്കി 'വിഷ്ണുസേന' എന്ന പേരിലും 'രാമണ്ണ' റീമേക്ക് ചെയ്തിരുന്നു. |
