Subscribe : | Download Font | | RSS | | Get News In Email |
 
  1 POUND=82.55 INR  1 EURO=72.14 INR
ukmalayalampathram.com
Sat 27th May 2017
 
 
അസോസിയേഷന്‍
  Add your Comment comment
യുകെയില്‍ മലയാളികളുടെ മരണം തുടര്‍ക്കഥയാകുമ്പോള്‍
reporter

ലണ്ടന്‍: യുകെയില്‍ മലയാളികളെ മരണം വട്ടമിട്ട് പറക്കാന്‍ തുടങ്ങിയിട്ട് ഏറെ നാളായി. അകാലത്തില്‍ പൊലിഞ്ഞ പോണ്‍ ജോണിന്റെ (42) വാര്‍ത്ത കേട്ട് അധികം വൈകാതെ മലയാളികളെ തേടി മറ്റൊരു മരണവാര്‍ത്ത കൂടി എത്തിയിരിക്കുന്നു. ഈസ്റ്റ്ഹാമില്‍ കൊല്ലം മയ്യനാട് സ്വദേശി റിച്ചാര്‍ഡ് ജോസഫ് (64) ആണ് മരിച്ചത്. ഇന്ത്യന്‍ എയര്‍ഫോഴ്സ് റിട്ടയേര്‍ഡ് ഉദ്യോഗസ്ഥനായിരുന്ന. ഒരു വര്‍ഷമായി ലണ്ടനില്‍ അര്‍ബുദ രോഗ ചികിത്സയിലായിരുന്നു. ലണ്ടനിലെ വൂള്‍വിച്ചില്‍ 'ലക്കി ഫുഡ്‌സ് സെന്റര്‍ ' എന്ന സ്ഥാപനത്തില്‍ജോലിചെയ്തു വരികെയാണ് കാന്‍സര്‍ രോഗം സ്ഥിരീകരിക്കപ്പെട്ടത്. എയര്‍ഫോഴ്സില്‍ നിന്നും റിട്ടയര്‍ ചെയ്ത ശേഷം രണ്ടു വര്‍ഷത്തോളം ദുബായിയിലും സേവനം ചെയ്ത ശേഷം 2007 ലാണ് ഭാര്യക്കൊപ്പം ഒത്തുചേരുവാനായി റിച്ചാര്‍ഡ് ഇംഗ്ലണ്ടിലേക്ക് വന്നത്.

ലീന റിച്ചാര്‍ഡ് ആണ് പരേതന്റെ ഭാര്യ. ഈസ്റ്റ് ഹാമിലുള്ള ഫോര്‍ സീസര്‍ കെയര്‍ ഹോമില്‍ ജീവനക്കാരിയായ ലീന 2003 ല്‍ ആണ് ലണ്ടനില്‍ വന്നത്. അബുദാബിയില്‍ ജോലി നോക്കുന്ന ഹണിസണ്‍ ആണ് ഏക മകന്‍ . ഹണിസണിന്റെ കുടുംബം കൊല്ലത്തു തന്നെയാണ് താമസിക്കുന്നത്. പരേതന്റെ ഏക മകളായ ഹാരി മോള്‍ കൊല്ലത്തു തന്നെ കുടുംബ സമേതം താമസിക്കുന്നു. ഫ്രാന്‍സീസ് ജോസഫ്, ജെറാള്‍ഡ് ജോസഫ്, ടൈറ്റസ് ജോസഫ്, സീലി മരിയദാസ് എന്നിവര്‍ പരേതന്റെ സഹോദരങ്ങളാണ്.

കുടുംബ സുഹൃത്തുക്കളും, നാട്ടുകാരും, സഹപ്രവര്‍ത്തകരും ഒക്കെയായി നിരവധി ആള്‍ക്കാര്‍ ഭവനത്തിലെത്തി ദുഃഖത്തില്‍ പങ്കു ചേരുകയും അനുശോചനം അറിയിക്കുകയും ചെയ്യുന്നുണ്ട്. അടുത്ത ബന്ധുക്കള്‍ പലരും ഇംഗ്ലണ്ടില്‍ ഈയാഴ്ച തന്നെ വന്നു ചേരുമെന്ന് ലീന റിച്ചാര്‍ഡ് അറിയിച്ചു. 

പരേതന്റെ അന്ത്യാഭിലാഷം മാനിച്ച് റിച്ചാര്‍ഡ് ജോസഫിന്റെ മൃതദേഹം ഈസ്റ്റ് ഹാമില്‍ തന്നെ സംസ്‌കരിക്കുവാന്‍ തീരുമാനിച്ചുവെന്ന് കുടുംബത്തിന്റെ അടുത്ത സുഹൃത്തുക്കള്‍ അറിയിച്ചു. മാര്‍ച്ച് 21 ശനിയാഴ്ച രാവിലെ 10 മണിക്ക് അന്ത്യോപചാര ശുശ്രുഷകളും തുടര്‍ന്ന് സംസ്‌കാരവും നടത്തപ്പെടും.

സെന്റ് മൈക്കിള്‍ ചര്‍ച്ച്, 21,ടിന്‍ബറി റോഡ്, ഈസ്റ്റ് ഹാം,

ലണ്ടന്‍ ഇ 6 6 ഇ ഡി.

 
Other News in this category

 
 




 
Close Window