Subscribe : | Download Font | | RSS | | Get News In Email |
 
  1 POUND=87.00 INR  1 EURO=77.10 INR
ukmalayalampathram.com
Tue 19th Sep 2017
 
 
സിനിമ
  Add your Comment comment
സിനിമാ രംഗത്തേക്കു വരുന്ന പെണ്‍കുട്ടികള്‍ പീഡിപ്പിക്കപ്പെടുന്നുണ്ട്: ഇന്നസെന്റിനെ തിരുത്തി നടികളുടെ വനിതാ സംഘടന
reporter
മലയാള സിനിമ ലൈംഗിക പീഡന വിമുക്തമേഖലയല്ലെന്ന് വിമന്‍ ഇന്‍ സിനിമാ കലക്ടീവ്. നടിയെ ആക്രമിച്ചുണ്ടായ സംഭവ വികാസങ്ങളില്‍ വിമന്‍ ഇന്‍ സിനിമാ കലക്ടീവ് ഇന്നസെന്റിന്റെ അഭിപ്രായത്തെ തള്ളിക്കളഞ്ഞു. അവസരം തേടിവരുന്ന പലരും പലതരം ചൂഷണങ്ങള്‍ക്ക് ഇരയാകുന്നുണ്ട്. ഇന്നസെന്റിന്റെ പരാമര്‍ശം കണ്ണടച്ച് ഇരുട്ടാക്കലെന്നും സംഘടന ഫെയ്‌സ്ബുക് പോസ്റ്റില്‍ വ്യക്തമാക്കി. കിടക്കപങ്കിടുന്ന മോശംസ്വഭാവക്കാര്‍ ഇപ്പോള്‍ ഇല്ലെന്നായിരുന്നു വാര്‍ത്താ സമ്മേളനത്തില്‍ ഇന്നസെന്റിന്റെ പരാമര്‍ശം.

വിമന്‍ ഇന്‍ കലക്ടീവിന്റെ കുറിപ്പ് പൂര്‍ണരൂപം:


വിമെന്‍ ഇന്‍ സിനിമാ കളക്ടിവിനെ സ്വാഗതം ചെയ്തു കൊണ്ട് അമ്മ പ്രസിഡന്റ് ഇന്നസെറ് എടുത്ത നിലപാടിനോട് ഞങ്ങളുടെ നന്ദി അറിയിക്കുന്നു. പക്ഷേ ചലച്ചിത്ര മേഖല ലൈംഗിക പീഡന വിമുക്ത മേഖലയാണ് എന്ന മട്ടില്‍ അദ്ദേഹം നടത്തിയ പ്രസ്താവനയോട് ഞങ്ങള്‍ തീര്‍ത്തും വിയോജിക്കുന്നു. നിലവിലുള്ള സാമൂഹ്യ ബന്ധങ്ങള്‍ അതേപടി പ്രതിഫലിക്കപ്പെടുകയോ പുനരുല്പാദിപ്പിക്കപ്പെടുകയോ ചെയ്യുന്ന മേഖലയാണ് സിനിമയും എന്നാണ് ഞങ്ങള്‍ മനസ്സിലാക്കുന്നത്..സമൂഹത്തിലുള്ള മേല്‍ കീഴ് അധികാരബന്ധങ്ങള്‍ അതേപടി അവിടെയും ആവര്‍ത്തിക്കപ്പെടുന്നുണ്ട്. അവസരങ്ങള്‍ ചോദിച്ചു ഈ മേഖലയിലേക്ക് കടന്നു വരുന്ന പുതുമുഖങ്ങളില്‍ പലരും പലതരം ചൂഷണങ്ങള്‍ക്ക് വിധേയമാകേണ്ടി വരുന്നതും മേല്‍ സൂചിപ്പിച്ച അധികാര ഘടന വളരെ ശക്തമായി ഇവിടെ നിലനില്ക്കുന്നതുകൊണ്ടാണ്. എന്തിന് ,ഞങ്ങളുടെ സഹപ്രവര്‍ത്തകരായ ചിലര്‍ കാസ്റ്റിംഗ് കൗച്ചിനെ കുറിച്ച് ഉറക്കെ സംസാരിച്ചതും ഈ അടുത്ത കാലത്താണ്. പാര്‍വ്വതി, ലക്ഷ്മി റായ് തുടങ്ങിയ നടിമാര്‍ ഇതുമായി ബന്ധപ്പെട്ട് തങ്ങളുടെ അനുഭവങ്ങള്‍ മാധ്യമ'ങ്ങളുമായി പങ്കുവച്ചിരുന്നു. സര്‍ക്കാര്‍ നിയമിച്ച ജസ്റ്റീസ് ഹേമ കമ്മീഷന്‍ ഈ വിഷയത്തില്‍ കാര്യക്ഷമമായ അന്വേഷണം നടത്തുമെന്നാണ് ഞങ്ങളുടെ പ്രതീക്ഷ. അതുകൊണ്ട് തന്നെ വസ്തുതകളെ കണ്ണടച്ച് ഇരുട്ടാക്കി കൊണ്ട് നടത്തുന്ന ഇത്തരം പ്രസ്താവനകളെ കുറിച്ച് ചലച്ചിത്ര മേഖലയിലുള്ളവര്‍ ജാഗ്രത്താകണമെന്ന് WCC ആവശ്യപ്പെടുന്നു.
 
Other News in this category

 
 




 
Close Window