Subscribe : | Download Font | | RSS | | Get News In Email |
 
  1 POUND=86.87 INR  1 EURO=77.13 INR
ukmalayalampathram.com
Wed 20th Sep 2017
 
 
ആരോഗ്യം
  Add your Comment comment
വീഴ്ചകള്‍ പില്‍ക്കാലത്ത് നട്ടെല്ലിന് ക്ഷതമുണ്ടാക്കുന്നു
reporter
മുന്‍കാലങ്ങളില്‍ സംഭവിച്ചിരിക്കുന്ന അപകടങ്ങള്‍, വീഴ്ചകള്‍ എന്നിവ മൂലം നട്ടെല്ലിനുണ്ടാകുന്ന ക്ഷതങ്ങള്‍ പിന്നീട് ആ ഭാഗങ്ങളില്‍ നീര്‍ക്കെട്ടിനും വേദനയ്ക്കും കാരണമാകുന്നു.
ഈ അസുഖത്തിന് ആയുര്‍വേദത്തില്‍ ഫലപ്രദമായ ചികിത്സയുണ്ട്. ആദ്യമായി ക്ഷതം സംഭവിച്ച ഭാഗത്തെ നീര് മാറുന്നതിനും, പേശികള്‍ക്കും അസ്ഥികള്‍ക്കും അയവു ലഭിക്കുന്നതിനും യുക്തമായ ലേപനങ്ങള്‍ ഉപയോഗിക്കണം.
നട്ടെല്ലിനെ ബാധിക്കുന്ന അസുഖങ്ങളില്‍ പ്രധാനപ്പെട്ടവയാണ് സെര്‍വിക്കല്‍ ആന്‍ഡ് ലംബാര്‍ സ്‌പോണ്‍ഡൈലോസിസ്, ലംബാര്‍ ഡിസ്‌ക് പ്രൊലാപ്‌സ് എന്നിവ. നട്ടെല്ലിലെ കശേരുക്കളുടെ സ്ഥാനഭ്രംശം മൂലമാണ് ഇത്തരം നടുവേദന അനുഭവപ്പെടുന്നത്.

ആയുര്‍വേദത്തില്‍ ഇത്തരം അസുഖങ്ങളെ കടീഗ്രഹം,ഗൃദ്ധസി വിഭാഗത്തില്‍ ഉള്‍പ്പെടുത്തിയിരിക്കുന്നു. ലംബാര്‍ റീജിയനില്‍ അഭിഘാതം മൂലം സയാറ്റിക് നെര്‍വിനു നടുവിനും കാലിനും ശക്തമായ വേദനയും മരവിപ്പും അനുഭവപ്പെടുന്നു.

നട്ടെല്ലിനുണ്ടാകുന്ന ക്ഷതം, കശേരുക്കളുടെ സ്ഥാനഭ്രംശം, നിര്‍ക്കെട്ട്, സുഷുമ്‌ന സംബന്ധിയായ പ്രശ്‌നങ്ങള്‍, അസ്ഥികള്‍ക്കുണ്ടാകുന്ന ക്ഷയം, ജീര്‍ണത, ട്യൂമര്‍ തുടങ്ങി നട്ടെല്ലിനെ ബാധിക്കുന്ന നിരവധി അസുഖങ്ങളുടെ ലക്ഷണമായി നടുവേദന കാണപ്പെടുന്നു.

കൂടാതെ പേശികള്‍ക്കുണ്ടാകുന്ന നീര്‍ക്കെട്ട്, വൃക്ക രോഗങ്ങള്‍, സ്ത്രീകളില്‍ ആര്‍ത്തവതകരാറുകള്‍, ഗര്‍ഭാശയ രോഗങ്ങള്‍ ഇവ മൂലവും നടുവേദന അനുഭവപ്പെടാം.

ആദ്യമായി ശരിയായി രോഗനിര്‍ണയം നടത്തേണ്ടത് അത്യാവശ്യമാണ്. ആധുനീക സാങ്കേതിക വിദ്യകളായ എക്‌സ് റേ, സ്‌കാന്‍ തുടങ്ങിയ ഉപാധികള്‍ രോഗനിര്‍ണയത്തിനു ഉപയോഗപ്പെടുത്താണ് ഉത്തമം.
 
Other News in this category

 
 




 
Close Window