പതിനെട്ടുവയസില് താഴെ പ്രായമുള്ള ഭാര്യയുമായി ലൈംഗിക ബന്ധത്തിലേര്പ്പെടുന്നത് പീഢനമായി കണക്കാക്കുമെന്ന് സുപ്രീം കോടതി. എന്നാല് 15നും 18 നും ഇടയില് പ്രായമുള്ള വിവാഹിതകളെ ഇതില്നിന്ന് ഒഴിവാക്കിയിരുന്നു. ഈ വ്യവസ്ഥ തള്ളിക്കൊണ്ടാണ് സുപ്രീം കോടതിയുടെ വിധി. 18 വയസ്സില് താഴെ പ്രായമുള്ള ഭാര്യയുമായി ഒരാള് ലൈംഗികബന്ധത്തില് ഏര്പ്പെടുന്നത് കുറ്റകരമാണ്. പ്രായപൂര്ത്തിയാകാത്ത ഭാര്യക്ക് ഭര്ത്താവിനെതിരെ ഒരു വര്ഷത്തിനുള്ളില് പരാതി നല്കാം കോടതി നിരീക്ഷിച്ചു. ജസ്റ്റിസ് മദന് ബി ലോകുര്, ദീപക് ഗുപ്ത എന്നിവരടങ്ങിയ ബെഞ്ചാണ് വിധി പ്രസ്താവിച്ചത്.
രാജ്യത്ത് ശൈശവ വിവാഹം നടത്തുന്നത് തടയുന്നതിന് കേന്ദ്ര, സംസ്ഥാന സര്ക്കാരുകള് നടപടികള് സ്വീകരിക്കണമെന്ന് സുപ്രീംകോടതി ആവശ്യപ്പെട്ടു. ബലാത്സംഗം, മാനഭംഗം, അശ്ലീലം, ലൈംഗിക കുറ്റകൃത്യം എന്നീ കുറ്റങ്ങള്ക്ക് വധശിക്ഷ നല്കാന് വ്യവസ്ഥയുണ്ട്. വിവാഹേതര ലൈംഗികബന്ധം സംബന്ധിച്ച വിഷയത്തില് ഇത് ഇടപെട്ടിട്ടില്ലെന്ന് കോടതി വ്യക്തമാക്കി.
എന്നാല് വിവാഹബന്ധത്തിലെ ബലാത്സംഗ(മാരിറ്റല് റേപ്പ്) വിഷയത്തില് ഇടപെടുന്നില്ലെന്നും കോടതി വ്യക്തമാക്കി. സന്നദ്ധ സംഘടനയായ ഇന്ഡിപെന്ഡന്റ് തോട്ടാണ് 15നും പതിനെട്ടിനും ഇടയില് പ്രായമുള്ള വിവാഹിതകളെ ഒഴിവാക്കിയ വ്യവസ്ഥയ്ക്കെതിരെ സുപ്രീം കോടതിയെ സമീപിച്ചത്.
ഭരണഘടനയിലെ 14,15,21 അനുച്ഛേദങ്ങളുടെ ലംഘനമാണ് വ്യവസ്ഥയെന്നും ഇന്ഡിപെന്ഡന്റ് തോട്ട് കോടതിയില് പറഞ്ഞു.
15 വയസ്സിനു മുകളില് പ്രായമുള്ള ഭാര്യയുമായി ലൈംഗികബന്ധത്തില് ഏര്പ്പെടുന്ന ഭര്ത്താവിനെതിരെ ബലാത്സംഗക്കുറ്റം ആരോപിക്കാനാവില്ലെന്ന നിലപാടാണ് കോടതിയില് കേന്ദ്രസര്ക്കാര് സ്വീകരിച്ചത്. |