Subscribe : | Download Font | | RSS | | Get News In Email |
 
  1 POUND=0 INR  1 EURO=0 INR
ukmalayalampathram.com
Sun 25th Feb 2018
 
 
കായികം
  Add your Comment comment
ശ്രീശാന്തിന് ക്രിക്കറ്റ് കളിയില്‍ ഏര്‍പ്പെടുത്തിയ ആജീവനാന്ത വിലക്ക് ഹൈക്കോടതി ശരിവച്ചു
reporter
മുന്‍ ഇന്ത്യന്‍ ക്രിക്കറ്റ് താരം എസ് ശ്രീശാന്തിന് ബിസിസിഐ ഏര്‍പ്പെടുത്തിയ ആജീവനാന്ത വിലക്ക് തുടരും. ഇക്കാര്യത്തില്‍ ബിസിസിഐ സമര്‍പ്പിച്ച അപ്പീല്‍ ഹൈക്കോടതി അംഗീകരിക്കുകയായിരുന്നു. നേരത്തെ ശ്രീശാന്തിനെ കുറ്റവിമുക്തനാക്കിയ സിംഗിള്‍ ബെഞ്ചിന്റെ വിധി ഹൈക്കോടതി ഡിവിഷന്‍ ബെഞ്ച് റദ്ദാക്കി.
ഇതോടെ ഐപിഎല്‍ വാതുവെപ്പ് കേസില്‍ ശ്രീശാന്തിന് ആജീവനാന്ത വിലക്ക് തുടരും. സിംഗിള്‍ ബെഞ്ച് വിധിയില്‍ ശ്രീശാന്തിനെ കുറ്റവിമുക്തനാക്കിയിട്ടില്ലെന്ന് ഡിവിഷന്‍ ബെഞ്ച് നിരീക്ഷിച്ചു. ബിസിസിഐയുടെ അന്വേഷണത്തില്‍ അപാകത തോന്നിയിട്ടില്ലെന്നും കോടതി വ്യക്തമാക്കി.

അതെസമയം വിധിയക്കെതിരെ ശ്രീശാന്ത് രംഗത്ത് വന്നു. തനിക്ക് സ്വാഭാവിക നീതി ലഭിച്ചില്ലെന്നും തനിക്ക് മാത്രം വേറെ നിയമമാണോയെന്നും ശ്രീശാന്ത് ചോദിക്കുന്നു. ട്വിറ്ററിലൂടെയാണ് ശ്രീശാന്തിന്റെ പ്രതികരണം.

കഴിഞ്ഞ ഓഗസ്റ്റിലാണ് ശ്രീശാന്തിനെ കുറ്റവിമുക്തനാക്കി ഹൈക്കോടതി സിംഗിള്‍ ബെഞ്ച് ഉത്തരവിറക്കിയത്. എന്നാല്‍ ശ്രീശാന്തിന് ഏര്‍പ്പെടുത്തി ആജീവനനാന്ത വിലക്ക് റദ്ദാക്കാന്‍ ബിസിസിഐ തയ്യാറായില്ല. മാത്രമല്ല വിധിയ്‌ക്കെതിരെ ഹൈക്കോടതിയില്‍ ബിസിസിഐ അപ്പീല്‍ പോകുകയും ചെയ്തിരുന്നു.
2013 ഐ.പി.എല്‍ സീസണില്‍ വാതുവെപ്പു സംഘങ്ങളുമായി ചേര്‍ന്ന് ഒത്തുകളിച്ചുവെന്നാരോപിച്ച് രാജസ്ഥാന്‍ റോയല്‍സ് താരങ്ങളായ ശ്രീശാന്ത്, അങ്കിത് ചവാന്‍, അജിത് ചാന്‍ഡില എന്നിവരെ ഡല്‍ഹി പോലീസ് അറസ്റ്റ് ചെയ്തിരുന്നു. പിന്നീട് ഇവര്‍ക്കെതിരെ ഉന്നയിച്ച കുറ്റങ്ങള്‍ക്ക് തെളിവില്ലെന്ന് കണ്ടെത്തി കോടതി കുറ്റവിമുക്തരാക്കുകയായിരുന്നു.
 
Other News in this category

 
 




 
Close Window