Subscribe : | Download Font | | RSS | | Get News In Email |
 
  1 POUND=0 INR  1 EURO=0 INR
ukmalayalampathram.com
Tue 23rd Jan 2018
 
 
സിനിമ
  Add your Comment comment
ചോദ്യം: തമിഴിലേക്ക് പോവുകയാണോ? ഉത്തരം: ഇവിടുന്നാരും വിളിക്കുന്നില്ല
reporter
ഫഹദ് ഫാസില്‍ അഭിനയിക്കുന്ന തമിഴ് ചിത്രമായ വേലൈക്കാരന്‍ ഈ ആഴ്ച്ച റിലീസ് ചെയ്യുകയാണ്. പിന്നാലെ ട്രാന്‍സിലും ഫഹദ് അഭിനയിക്കുന്നുണ്ട്.


വേലൈക്കാരന്‍ റിലീസുമായി ബന്ധപ്പെട്ട് കൊച്ചിയില്‍ നടത്തിയ വാര്‍ത്താ സമ്മേളനത്തിലാണ് തമിഴിലേക്ക് പോകുവാണോ എന്ന ചോദ്യത്തിന് ഇവിടുന്നാരും വിളിക്കുന്നില്ലെന്ന മറുപടി ഫഹദ് ഫാസില്‍ പറഞ്ഞത്. തമാശയായി നല്‍കിയ ഉത്തരത്തിന് പിന്നാലെ താന്‍ മലയാളത്തില്‍ ചെയ്യാന്‍ പോകുന്ന പ്രോജക്ടുകളുടെ വിശദാംശങ്ങളും താരം പങ്കുവെയ്ക്കുന്നുണ്ട്.

ചിന്തിക്കുന്ന ഭാഷയില്‍ തന്നെ ഡയലോഗ് ഡെലിവറി എന്നതാണ് തനിക്ക് എളുപ്പമെന്ന് ഫഹദ് പറഞ്ഞു. മലയാളത്തിലാണെങ്കില്‍ ഇംപ്രൊവൈസ് ചെയ്യാന്‍ സാധിക്കും. മറ്റ് ഭാഷകളില്‍ അതിന് പരിമിതിയുണ്ടെന്നും ഫഹദ് ഫാസില്‍ പറഞ്ഞു. വേലൈക്കാരന്റെ ഷൂട്ടിംഗ് തുടങ്ങുന്ന സമയത്ത് തനിക്ക് ഭാഷാ പരിമിതികളുണ്ടെന്ന് അദ്ദേഹം തുറന്ന് സമ്മതിച്ചു. പിന്നീട് പോകെ പോകെ ഭാഷയോട് പൊരുത്തപ്പെടുകയായിരുന്നെന്നും ഫഹദ് പറഞ്ഞു.

ഫഹദ് ഫാസില്‍ ഒരു ഇന്റര്‍നാഷ്ണല്‍ ആക്ടറാണെന്ന് ചെന്നൈയില്‍ പറഞ്ഞ പ്രസ്താവന കൊച്ചിയില്‍ വന്നപ്പോള്‍ ശിവകാര്‍ത്തികേയന്‍ ആവര്‍ത്തിച്ചു. ഏത് പോയിന്റിലാണ് ഫഹദ് ഒരു അന്താരാഷ്ട്ര നടനാണെന്ന് ശിവകാര്‍ത്തികേയനോട് ചോദിച്ചപ്പോള്‍, ഫഹദ് ഇടയില്‍ കയറി പറഞ്ഞത് ' അത് ശിവകാര്‍ത്തികേയന്‍ ചുമ്മാ പറഞ്ഞതാണെന്നാണ്'.
 
Other News in this category

 
 




 
Close Window