Subscribe : | Download Font | | RSS | | Get News In Email |
 
  1 POUND=0 INR  1 EURO=0 INR
ukmalayalampathram.com
Mon 22nd Jan 2018
 
 
കായികം
  Add your Comment comment
ബ്ലാസ്‌റ്റേഴ്‌സിന് സമനില, ഏഴാം സ്ഥാനത്ത് തുടരുന്നു
reporter

ചെന്നൈ: ഐഎസ്എല്‍ കേരള ബ്ലാസ്റ്റേഴ്സിന് സമനില. പരിക്കുസമയത്ത് മലയാളി താരം സി.കെ. വിനീത് നേടിയ ഗോളിനാണ് ബ്ലാസ്റ്റേഴ്സ് ചെന്നൈയിന്‍ എഫ്സിയെ 1-1ന് സമനിലയില്‍ തളച്ചത്. സമനിലയിലേക്ക് നീങ്ങുകയാണെന്ന് തോന്നിച്ച കളിയുടെ 89-ാം മിനിറ്റില്‍ ചെന്നൈയിന്‍ ലീഡ് നേടി. അവര്‍ക്ക് ലഭിച്ച പെനാല്‍റ്റി റെനെ മെഹ്ലിക്കാണ് പെനാല്‍റ്റി ലക്ഷ്യത്തിച്ചു. ലീഡ് വഴങ്ങിയതോടെ ആക്രമണം കടുപ്പിച്ച ബ്ലാസ്റ്റേഴ്സ് പരിക്കുസമയത്തിന്റെ അവസാന മിനിറ്റില്‍ സമനില ഗോള്‍ നേടുകയായിരുന്നു.സമനിലയോടെ 7 മത്സരങ്ങളില്‍ നിന്ന് 13 പോയിന്റുമായി ചെന്നൈയിന്‍ പട്ടികയില്‍ ഒന്നാം സ്ഥാനത്തേക്കുയര്‍ന്നു. ബ്ലാസ്റ്റേഴ്സ് ആറ് കളികളില്‍ നിന്ന് ഏഴ് പോയിന്റുമായി ഏഴാം സ്ഥാനത്തുതന്നെ.

പന്തടക്കത്തിലും അവസരങ്ങള്‍ സൃഷ്ടിക്കുന്നതിലും മുന്നിട്ടുനിന്നത് ചെന്നൈയിന്‍ എഫ്സിയായിരുന്നു. നോര്‍ത്ത് ഈസ്റ്റിനെ തോല്‍പ്പിച്ചതിന്റെ ആത്മവിശ്വാസത്തില്‍ ചെന്നൈയില്‍ കളിക്കാനിറങ്ങിയ ബ്ലാസ്റ്റേഴ്സിന് ആ മികവ് നിലനിര്‍ത്താനായില്ല. കഴിഞ്ഞ മത്സരത്തിലെ അതേ ടീമിനെ ഇന്നലെയും കളത്തിലിറക്കി. വെസ് ബ്രൗണ്‍ ഡിഫന്‍സീവ് മിഡ്ഫീല്‍ഡറുടെ റോളില്‍ കളിമെനഞ്ഞു. ഡിസംബര്‍ 31ന് കൊച്ചിയില്‍ ബെംഗളൂരു എഫ്സിയുമാണ് ബ്ലാസ്റ്റേഴ്സിന്റെ അടുത്ത കളി.

 
Other News in this category

 
 




 
Close Window