Subscribe : | Download Font | | RSS | | Get News In Email |
 
  1 POUND=0 INR  1 EURO=0 INR
ukmalayalampathram.com
Tue 23rd Jan 2018
 
 
വാര്‍ത്തകള്‍
  Add your Comment comment
അമ്പലത്തില്‍ കയറുമ്പോഴെങ്കിലും ദൈവത്തെ ഓര്‍ത്ത് മൊബൈല്‍ ഫോണ്‍ മാറ്റിവയ്ക്കുക
reporter
യേശുദാസ് സമീപ കാലത്തു നടത്തിയ ഏറ്റവും നല്ല വര്‍ത്തമാനം കൊല്ലൂരില്‍ നിന്നു പുറത്തു വരുന്നു. അമ്പലത്തില്‍ വരുമ്പോഴെങ്കിലും മൊബൈല്‍ ഫോണ്‍ മാറ്റി വയ്ക്കാന്‍ പറ്റില്ലേ എന്നായിരുന്നു ഗാന ഗന്ധര്‍വന്റെ ചോദ്യം. എഴുപത്തേഴാം പിറന്നാള്‍ ദിനത്തില്‍ മൂകാംബിക ക്ഷേത്രത്തില്‍ എത്തിയതായിരുന്നു യേശുദാസ്.
'മൊബൈല്‍ ഫോണ്‍ ഉപയോഗിക്കേണ്ടിടത്ത് ഉപയോഗിച്ചാല്‍ നമ്മുടെ ചിന്താഗതിയും അമ്മയോടുള്ള അടുപ്പവും കൂടുതലാകാന്‍ ഇടയാകും. ഇതിലിപ്പോള്‍ ശ്രദ്ധ എന്തെന്ന് വച്ചാല്‍ ഈ മനുഷ്യ ജന്മങ്ങളായ ഞങ്ങളുടെ ഫോട്ടോ എടുക്കാനുള്ള ആഗ്രഹമല്ലാതെ അമ്മയെപ്പറ്റിയുള്ള ഒരു ചിന്തയും നിങ്ങളുടെ തലയില്‍ ഇല്ല. അതുകൊണ്ട് ദൈവത്തെ ഓര്‍ത്തു ഇവിടെ വരുമ്പോഴെങ്കിലും ആ പടിക്കല്‍ കേറുമ്പോള്‍ അമ്മയെ നമസ്‌കരിച്ച് കഴിഞ്ഞാല്‍ അമ്മയുടെ ധ്യാനവും അമ്മയുടെ ജപവും അമ്മയുടെ ചിന്തയും അല്ലാതെ മറ്റാരെ കണ്ടാലും തിരിഞ്ഞു നോക്കാതെ അങ്ങ് പോയി അമ്മയില്‍ അര്‍പ്പിക്കുക. ഞങ്ങളൊക്കെയതിന്റെ അംശമാണെന്നുള്ളതല്ലാതെ കൂടുതല്‍ ബഹളങ്ങളൊന്നും ഏല്‍ക്കാതെ ഈ പരിസരം പിന്നെയും അങ്ങേയറ്റത്തൊരു ശുദ്ധതയുടെ ഒരു സ്ഥലമാക്കി മാറ്റുക.' യേശുദാസ് പറയുന്നു.
ഇതിപ്പോള്‍ എല്ലാവരും എന്നെ കണ്ണ് മിഴിച്ചു നോക്കുന്നത് പോലെയാണ് എനിക്ക് തോന്നുന്നത്. ക്രൂരതയോടു കൂടി. ഒരു ശാന്തതയും എനിക്ക് തോന്നുന്നില്ല. ഇതില്‍ നിന്നെന്താണ് കിട്ടാന്‍പോകുന്നത് ? ഒന്നും തന്നെ കിട്ടാന്‍ പോകുന്നില്ല യേശുദാസ് പറഞ്ഞു.


ഭക്തിയും പ്രാര്‍ത്ഥനയും നിറഞ്ഞ് നില്‍ക്കേണ്ട സ്ഥലത്ത് കാണുന്നതെല്ലാം മൊബൈല്‍ ക്യാമറയില്‍ പകര്‍ത്താന്‍ ആളുകള്‍ കൂടുതല്‍ ശ്രദ്ധ ചെലുുത്തുന്നതിനെ അദ്ദേഹം വിമര്‍ശിച്ചു. അമ്പലത്തില്‍ വരുമ്പോഴെങ്കിലും അവയുടെ ഉപയോഗം കുറയ്ക്കണമെന്നും അദ്ദേഹം പറഞ്ഞു.
 
Other News in this category

 
 




 
Close Window