സദ്യയില്‍ കുറച്ച് രസം പകരാന്‍ രസം തന്നെ വേണം.സദ്യയുടെ അവസാനം രസം ഒഴിച്ച് കഴിച്ചില്ലെങ്കില്‍ പിന്നെ എമന്ത് രസം.

ഇന്‍സ്റ്റന്റ് രസം

പഴുത്ത തക്കാളി-5എണ്ണം
തുവരപ്പരിപ്പ്-4ടേബിള്‍ സ്പൂണ്‍
രസപ്പൊടി-1ടീ സ്പൂണ്‍
കടുക്-അര ടീസ്പൂണ്‍
കായം-കുറച്ച്
മല്ലിയില-1തുണ്ട്
കറിവേപ്പില-1തുണ്ട്
ഉപ്പ്-പാകത്തിന്

പാകം ചെയ്യുന്ന വിധം

ആദ്യമായി തുവരപ്പരിപ്പ് വേവിച്ചുടച്ചുവയ്ക്കണം.തക്കാളി കഷണങ്ങളാക്കി ഒരു കപ്പ് വെള്ളത്തില്‍ രസപ്പൊടിയും ഉപ്പും ചേര്‍ത്ത് തിളപ്പിക്കണം.10മിനിറ്റ് കഴിയുമ്പോള്‍ വേവിച്ചുടച്ചുവച്ച പരിപ്പ് ചേര്‍ക്കണം.തിളയ്ക്കുമ്പോള്‍ കറിവേപ്പിലയും മല്ലിയിലയും ചേര്‍ത്ത് കടുക് വറുത്തിടണം.