Subscribe : | Download Font | | RSS | | Get News In Email |
 
  1 POUND=108.0847 INR  1 EURO=89.9766 INR
ukmalayalampathram.com
Wed 12th Feb 2025
 
 
രാഷ്ട്രീയ വിചാരം
  Add your Comment comment
എന്‍സിപിയില്‍ നിര്‍ണായക നീക്കം; മന്ത്രി ശശീന്ദ്രന്‍ സ്ഥാനം ഒഴിയണമെന്നാണ് അന്ത്യശാസനം
Text By: Reporter, ukmalayalampathram
എ കെ ശശീന്ദ്രന്‍ മന്ത്രി സ്ഥാനം സ്വയം രാജിവെച്ച് ഒഴിയണമെന്നാണ് നേതൃത്വത്തിന്റെ അന്ത്യശാസനം.ഇന്നലെ കൊച്ചിയില്‍ സംസ്ഥാന അധ്യക്ഷന്‍ പിസി ചാക്കോയുടെ നേത്യത്വത്തില്‍ എന്‍സിപിയുടെ നേതൃ യോഗം ചേര്‍ന്നിരുന്നു. 200 ഓളം പേര്‍ പങ്കെടുത്ത യോഗത്തില്‍ വനം മന്ത്രി എ കെ ശശീന്ദ്രന്‍ സ്വയം രാജിവെച്ച് ഒഴിയണമെന്ന് പരസ്യമായി ആവശ്യപ്പെട്ടിരുന്നു. ഇല്ലെങ്കില്‍ പുറത്താകേണ്ട സാഹചര്യം ഉണ്ടാകുമെന്നും യോഗത്തില്‍ വ്യക്തമാക്കിയിരുന്നു. പകരം മന്ത്രി സ്ഥാനം കിട്ടിയാലും ഇല്ലെങ്കിലും ശശീന്ദ്രന്‍ രാജിവെക്കുന്ന കാര്യത്തില്‍ ഒരു മാറ്റവും ഇല്ലെന്നാണ് എന്‍സിപി നേതൃ യോഗത്തില്‍ പിസി ചാക്കോ പ്രഖ്യാപിച്ചത്. എന്‍സിപിയുടെ മന്ത്രിസ്ഥാനം സംബന്ധിച്ച് പി സി ചാക്കോയും തോമസ് കെ തോമസും നാളെ ശരത് പവാറുമായി ചര്‍ച്ച നടത്തും. ശരത് പവാറിനെ കൊണ്ട് മുഖ്യമന്ത്രിയില്‍ സമ്മര്‍ദം ചെലുത്താനാണ് നീക്കം.
 
Other News in this category

 
 




 
Close Window