ലണ്ടന്: പുതിയ നിയമനിര്മാണം മുഖേന ഇംഗ്ളണ്ടില് ജീവിക്കാന് അനുവാദമില്ലാത്ത അനധികൃത കുടിയേറ്റക്കാരെ വീട്ടുടമസ്ഥര് ഒഴിപ്പിച്ചു തുടങ്ങി. അഭയാര്ഥി അപേക്ഷകള് തള്ളുന്നപക്ഷം കോടതി അനുമതിപോലുമില്ലാതെ കുടിയേറ്റക്കാരെ ഒഴിപ്പിക്കാമെന്ന് കഴിഞ്ഞ ആഴ്ച സര്ക്കാര് ഉത്തരവ് പുറപ്പെടുവിച്ചിരുന്നു.
കുടിയേറ്റക്കാര്ക്ക് വീടുകള് വാടകക്ക് നല്കുന്നതിന് മുമ്പേ അവരുടെ അപേക്ഷയുടെ സ്ഥിതി പരിശോധിക്കണമെന്ന് പുതിയ ബില് വീട്ടുടമസ്ഥരോട് ആവശ്യപ്പെടുന്നുണ്ട്. ഇതില് വീഴ്ച വരുത്തുന്നവര്ക്ക് അഞ്ചുവര്ഷംവരെ തടവുശിക്ഷയാണ് കുടിയേറ്റ ബില്ലില് വ്യവസ്ഥചെയ്യുന്നത്.
അഭയാര്ഥി അപേക്ഷ തള്ളിയവര്ക്കുള്ള സാമ്പത്തിക സഹായം എടുത്തുകളയും. കുടുംബവുമായി ബ്രിട്ടനില് താമസിക്കുന്നവര്ക്കെല്ലാം (അപേക്ഷ തള്ളിയവരടക്കം) ആഴ്ചയില് 36 പൗണ്ട് നല്കി സഹായിക്കുന്നതാണ് അവസാനിപ്പിക്കാന് പോകുന്നത്. അഭയാര്ഥി അപേക്ഷ തള്ളുന്നവര് നല്കുന്ന ഹരജിയില് കോടതികള് വേഗത്തില് നടപടിയെടുക്കണമെന്ന് ബില് ആവശ്യപ്പെടുന്നുണ്ട്.
