|
മുഖ്യമന്ത്രി പിണറായി വിജയന്റെ മകളും പൊതുമരാമത്ത് മന്ത്രി പി എ മുഹമ്മദ് റിയാസിന്റെ ഭാര്യയുമായ ടി വീണയുടെ കമ്പനി എക്സാലോജിക്കിനെതിരെ കേന്ദ്ര കമ്പനികാര്യ മന്ത്രാലയം അന്വേഷണത്തിന് ഉത്തരവിട്ടു. സാമ്പത്തിക പരാതികളില് അന്വേഷണം വേണമെന്ന വിലയിരുത്തലിലാണ് ഉത്തരവ്. മൂന്നംഗ സംഘമാണ് അന്വേഷണം നടത്തുക. നാലുമാസത്തിനുള്ളില് അന്തിമ റിപ്പോര്ട്ട് സമര്പ്പിക്കണം. ക്കാര്യത്തില് അന്വേഷണം ആവശ്യപ്പെട്ട് ഷോണ് ജോര്ജ് ഉള്പ്പടെയുള്ളവര് ഹൈക്കോടതിയില് ഹര്ജി നല്കിയിരുന്നു
കര്ണാടക ഡെപ്യൂട്ടി രജിസ്ട്രാര് ഓഫ് കമ്പനീസ് വരുണ് ബി എസ്, ചെന്നൈ ഡെപ്യൂട്ടി ഡയറക്ടര് കെ എം ശങ്കര നാരായണന്, പോണ്ടിച്ചേരി ആര്ഒസി എ. ഗോകുല്നാഥ് എന്നിവര്ക്കാണ് അന്വേഷണ ചുമതല. എക്സാലോജിക് കമ്പനി നിയമ ലംഘനങ്ങള് നടത്തിയെന്ന് രജിസ്ട്രാര് ഓഫ് കമ്പനീസ് ബെംഗളുരു നടത്തിയ പ്രാഥമിക അന്വേഷണത്തില് ഇത് വ്യക്തമായതോടെയാണ് വിശദമായ അന്വേഷണത്തിന് ഉത്തരവായത്. |
