ജാന്വി കപൂറിന്റെ ഗ്ലാമറസ് ഗാനരംഗത്തിന് ഒരു ദിവസം അര കോടി വ്യൂവേഴ്സ്
Text By: Team ukmalayalampathram
കൊരട്ടല ശിവയുടെ എന്.ടി.ആര്. ചിത്രം ദേവര പാര്ട്ട് 1 എന്ന ചിത്രത്തിലെ രണ്ടാമത്തെ ഗാനം പുറത്തിറങ്ങി. 'കണ്ണിണതന് കാമനോട്ടം' എന്നു തുടങ്ങുന്ന ഗാനം ഒരു റൊമാന്റിക് മെലഡിയാണ്. മാദക സുന്ദരിയായി ജാന്വി കപൂര് നിറഞ്ഞാടിയ വീഡിയോ ഒരു ദിവസം തികയും മുന്പേ അരക്കോടിയിലേറെ വ്യൂസ് നേടി. അനിരുദ്ധ് സംഗീതം നല്കുന്ന ഗാനത്തിന്റെ മലയാളം വരികള് എഴുതിയിരിക്കുന്നത് മങ്കൊമ്പ് ഗോപാലകൃഷ്ണനാണ്. ശില്പ റാവുവാണ് ഈ ഗാനം ആലപിച്ചിരിക്കുന്നത്. വലിയ ബജറ്റില് രണ്ടു ഭാഗങ്ങളായാണ് ചിത്രം ഒരുങ്ങുന്നത്. ചിത്രത്തിന്റെ നേരത്തെ പുറത്തിറങ്ങിയ ഗാനവും പോസ്റ്ററുകളും ഗ്ലിംപ്സ് വീഡിയോയും ഏറെ ശ്രദ്ധിക്കപ്പെട്ടിരുന്നു. സെപ്റ്റംബര് 27-നാണ് ചിത്രം തീയറ്ററുകളിലെത്തുക.
Watch Video:-
കൊരട്ടല ശിവയും എന്ടിആറും ജനതാ ഗാരേജിന് ശേഷം ഒരുമിക്കുന്ന ചിത്രത്തില് ബോളിവുഡ് താരങ്ങളായ ജാന്വി കപൂറും സെയ്ഫ് അലി ഖാനും പ്രധാന വേഷങ്ങളില് എത്തുന്നുണ്ട്. ജാന്വിയുടെ ആദ്യ തെലുങ്ക് ചിത്രം കൂടിയാണ് ദേവര. യുവസുധ ആര്ട്ട്സും എന്ടിആര് ആര്ട്സും ചേര്ന്ന് നിര്മിക്കുന്ന ചിത്രം നന്ദമുരി കല്യാണ് റാം ആണ് അവതരിപ്പിക്കുന്നത്. പ്രകാശ് രാജ്, ശ്രീകാന്ത് മേക്ക, ഷൈന് ടോം ചാക്കോ, നരേന് തുടങ്ങി ഒട്ടനവധി അഭിനേതാക്കള് ചിത്രത്തിന്റെ ഭാഗമാകുന്നുണ്ട്.
