ബെംഗളൂരു: സുഖചികിത്സയ്ക്കായി ബെംഗളുരുവിലെത്തി ബ്രിട്ടനിലെ ചാള്‍സ് മൂന്നാമന്‍ രാജാവ്. ഭാര്യ കാമില രാജ്ഞിക്കൊപ്പമായിരുന്നു സ്വകാര്യ സന്ദര്‍ശനം. രാജാവായി അധികാരത്തിലെത്തിയ ശേഷമുള്ള ചാള്‍സ് മൂന്നാമന്റെ ആദ്യ ഇന്ത്യ സന്ദര്‍ശനമാണിത്.ഈ മാസം ആദ്യമാണ് രാജാവും ഭാര്യയും ബെംഗളൂരുവിലെ 'സൗക്യ' ഇന്റര്‍നാഷണല്‍ ഹോളിസ്റ്റിക് ഹെല്‍ത്ത് സെന്ററില്‍ (എസ്‌ഐഎച്ച്എച്ച്സി) നാല് ദിവസം ചെലവഴിക്കാനെത്തിയത്.
ഒക്ടോബര്‍ 27 നാണ് ഇരുവരും എത്തിയതെന്ന് റിപ്പോര്‍ട്ടുകള്‍ സൂചിപ്പിക്കുന്നു. യോഗ, ധ്യാന സെഷനുകള്‍, തെറാപ്പികള്‍ എന്നിവയുള്‍പ്പെടെയുള്ള പുനരുജ്ജീവന ചികിത്സയാണ് രാജാവിന് തയാറാക്കിയിരിക്കുന്നത്. വര്‍ഷങ്ങളായി ആയുര്‍വേദത്തെ പിന്തുണയ്ക്കുന്ന ആളാണ് ചാള്‍സ്. സമോവയില്‍ നടന്ന 2024 ലെ കോമണ്‍വെല്‍ത്ത് ഗവണ്‍മെന്റ് തലവന്മാരുടെ മീറ്റിംഗില്‍ പങ്കെടുത്ത ശേഷമാണ് രാജാവ് ബെംഗളൂരുവില്‍ എത്തുന്നത്. സുഖചികത്സ കഴിഞ്ഞ് ഒക്ടോബര്‍ 30 ന് ഇരുവരും ബ്രിട്ടനിലേക്ക് മടങ്ങുമെന്നാണ് ഔദ്യോഗിക വൃത്തങ്ങള്‍ സൂചിപ്പിക്കുന്നത്.
