Subscribe : | Download Font | | RSS | | Get News In Email |
 
  1 POUND=108.9206 INR  1 EURO=90.9587 INR
ukmalayalampathram.com
Fri 07th Feb 2025
 
 
Teens Corner
  Add your Comment comment
ബ്രസീലില്‍ 61 കാരി ക്രിസ്മസിന് തയ്യാറാക്കിയ കേക്കില്‍ കൊടും വിഷമായ ആര്‍സെനിക് കലര്‍ത്തി മൂന്ന് പേരെ കൊലപ്പെടുത്തി.
Text By: Reporter, ukmalayalampathram
ബ്രസീലിലെ റിയോ ഗ്രാന്‍ഡെ ഡോ സുളിലെ ടോറസില്‍ നിന്നുള്ള, തെരെസിന്‍ഹ സില്‍വ ഡോസ് അന്‍ജോസ് എന്ന 61കാരിയാണ് ക്രിസ്മസിനോടനുബന്ധിച്ചുള്ള കുടുംബ സംഗമത്തില്‍ വിളമ്പുന്നതിനായി തയ്യാറാക്കിയ കേക്കില്‍ ആര്‍സെനിക് ചേര്‍ത്ത് 3 പേരെ കൊലപ്പെടുത്തിയത്. 43 കാരിയായ ടാറ്റിയാന ഡെനിസ് സില്‍വ ഡോസ് അന്‍ജോസ്, 58 കാരിയായ മൈഡ ബെറനിസ് ഫ്‌ലോറസ് ഡാ സില്‍വ, 65 കാരിയായ ന്യൂസ ഡെനിസ് സില്‍വ ഡോസ് അന്‍ജോസ് എന്നിവരാണ് കേക്ക് കഴിച്ച് മരിച്ചത്.

കൂടാതെ കേക്ക് തയ്യാറാക്കിയ സ്ത്രീയും അത് കഴിച്ച 10 വയസ്സുകാരിയും ആശുപത്രിയില്‍ ചികിത്സയിലാണ്. മരിച്ച മൂന്ന് പേരുടെയും ശരീരത്തില്‍ ആര്‍സെനിക് അടങ്ങിയിട്ടുണ്ടെന്ന് പോസ്റ്റ്മോര്‍ട്ടത്തില്‍ കണ്ടെത്തിയതായി പൊലീസ് പറഞ്ഞു. ഈ വര്‍ഷം സെപ്റ്റംബറില്‍ ആര്‍സനിക് വിഷബാധയേറ്റ് ഈ സ്ത്രീയുടെ ഭര്‍ത്താവും മരിച്ചിരുന്നു. ഇയാളുടെ മരണത്തിന് ഈ സംഭവവുമായി ബന്ധമുണ്ടോയെന്ന് പൊലീസ് അന്വേഷിക്കും. ഭക്ഷ്യവിഷബാധയേറ്റാണ് ഇയാള്‍ മരിച്ചതെന്നാണ് പൊലീസ് ആദ്യം കരുതിയിരുന്നത്.

യുവതിയുടെ വീട്ടില്‍ നടത്തിയ പരിശോധനയില്‍ നിന്നും വെള്ള ദ്രാവകം അടങ്ങിയ മരുന്ന് കുപ്പികള്‍ ഉള്‍പ്പെടെ കാലാവധി കഴിഞ്ഞ ഉല്‍പ്പന്നങ്ങള്‍ പൊലീസ് കണ്ടെത്തിയിട്ടുണ്ട്. ഇവയെല്ലാം പരിശോധിച്ച് വരികയാണ്. ബ്രസീലിയന്‍ മാധ്യമങ്ങളുടെ റിപ്പോര്‍ട്ട് പ്രകാരം കേക്ക് തയ്യാറാക്കിയ സ്ത്രീ മാത്രമാണ് രണ്ടു കഷ്ണങ്ങള്‍ കഴിച്ചതെന്നും ഇവരുടെ ശരീരത്തില്‍ നടത്തിയ പരിശോധനയില്‍ വലിയ അളവില്‍ ആര്‍സനിക് കണ്ടെത്തിയതായും റിപ്പോര്‍ട്ട്. കേക്കിന് കുരുമുളകിന്റെ രുചിയുണ്ടെന്ന് കുടുംബാംഗങ്ങളില്‍ ചിലര്‍ പരാതിപ്പെട്ടതായി പോലീസ് മേധാവി മാര്‍ക്കോസ് വിനീഷ്യസ് വെലോസോ പറഞ്ഞു.
 
Other News in this category

 
 




 
Close Window