ജാമ്യം ലഭിച്ചിട്ടും പുറത്തിറങ്ങാതെ ബോബി ചെമ്മണ്ണൂര്. മറ്റ് കേസുകളില് പ്രതിചേര്ക്കപ്പെട്ട് ജയിലില് കഴിയുന്നവരില് ജാമ്യം ലഭിച്ചിട്ടും പല കാരണങ്ങളാലും പുറത്തിറങ്ങാന് കഴിയാതെ ജയിലിനുള്ളില് കഴിയുന്നവര്ക്ക് ഐക്യദാര്ഢ്യം പ്രഖ്യാപിച്ചാണ് ബോബി ചെമ്മണ്ണൂര് ജയില് മോചിതനാകാന് തയാറാകാത്തത്.
വിവിധ കേസുകളില് പ്രതിചേര്ക്കപ്പെട്ട് ജയിലില് കഴിയുന്നവരില് ജാമ്യം ലഭിച്ചിട്ടും പല കാരണങ്ങളാലും പുറത്തിറങ്ങാന് കഴിയാതെ ജയിലിനുള്ളില് കഴിയുന്ന നിരവധി പേരുണ്ട്. അവര്ക്കും ജയില് മോചിതരാകാന് സാധിച്ചാലേ താനും ജയിലില് നിന്ന് പുറത്തിറങ്ങൂവെന്നാണ് ബോബി ചെമ്മണ്ണൂര് പറയുന്നത്. ഹൈക്കോടതി ഉത്തരവ് അനുസരിച്ചുള്ള ജാമ്യ വ്യവസ്ഥകള് അംഗീകരിച്ചുകൊണ്ട് ജയിലിനുള്ളിലെ ബുക്കില് ഒപ്പിടാന് തയാറാകാതിരിക്കുകയാണെന്നാണ് വിവരം. നിലവില് കാക്കനാട് ജില്ലാ ജയിലിലാണ് ബോബി ചെമ്മണ്ണൂര് ഉള്ളത്. |