സിദ്ധാര്‍ത്ഥ് ആനന്ദ് സംവിധാനം ചെയ്യുന്ന 'കിംഗ്' ചിത്രത്തിന്റെ ചിത്രീകരണത്തിനിടെ ബോളിവുഡ് സൂപ്പര്‍ താരം ഷാരൂഖ് ഖാന് പരുക്കേറ്റു. പുറത്തേറ്റ പരുക്കിനെ തുടര്‍ന്ന് യു.എസില്‍ ചികിത്സ തേടിയ ഷാരൂഖ് ഇപ്പോള്‍ കുടുംബത്തോടൊപ്പം യു.കെയിലെ വീട്ടില്‍ വിശ്രമത്തിലാണ്. എന്നാല്‍ ഈ പരുക്ക് ഗുരുതരമല്ലെന്നും താരം വേഗത്തില്‍ സുഖം പ്രാപിച്ചുവരികയാണെന്നുമാണ് റിപ്പോര്‍ട്ടുകള്‍.
മുംബൈയിലെ ഗോള്‍ഡന്‍ ടുബാക്കോ സ്റ്റുഡിയോയില്‍ സംഘട്ടന രംഗം ചിത്രീകരിക്കുന്നതിനിടെയാണ് ഷാരൂഖിന് പരുക്കേറ്റത്. ഒരു മാസത്തെ പൂര്‍ണ്ണ വിശ്രമമാണ് താരത്തിന് നിര്‍ദ്ദേശിച്ചിരിക്കുന്നത്. ഈ സാഹചര്യത്തില്‍ നേരത്തെ നിശ്ചയിച്ചിരുന്ന ശ്രീലങ്കന്‍ യാത്ര ഷാരൂഖ് മാറ്റിവച്ചു. 'കിംഗ്' സിനിമയുടെ ചിത്രീകരണം താല്‍ക്കാലികമായി നിര്‍ത്തിവെച്ചിരിക്കുകയാണ്. സെപ്റ്റംബറില്‍ ഷൂട്ടിംഗ് പുനരാരംഭിക്കുമെന്നാണ് പ്രതീക്ഷിക്കുന്നത്.