റേച്ചല്‍ റീവ്സിന്റെ ബജറ്റ് പ്രഖ്യാപനങ്ങള്‍ക്ക് പിന്നാലെ ബാങ്ക് ഓഫ് ഇംഗ്ലണ്ടിന്റെ തീരുമാനങ്ങളിലേക്കാണ് മോര്‍ട്ട്ഗേജ് വിപണി ശ്രദ്ധ കേന്ദ്രീകരിക്കുന്നത്. ക്രിസ്മസ് സമ്മാനമായി പലിശ നിരക്കുകള്‍ കുറയ്ക്കുമെന്ന പ്രതീക്ഷ വിപണിയില്‍ ശക്തമാകുകയാണ്.

- ബജറ്റിന് ശേഷം പലിശ കുറയ്ക്കാന്‍ ബാങ്ക് ഓഫ് ഇംഗ്ലണ്ട് നടപടി സ്വീകരിക്കുമെന്ന് 93% സാധ്യത വിപണി മുന്നോട്ട് വെയ്ക്കുന്നു.

- ഡിസംബര്‍ 18ന് നടക്കുന്ന മോണിറ്ററി പോളിസി കമ്മിറ്റി യോഗത്തില്‍ ബേസ് റേറ്റ് 4%ല്‍ നിന്നും 3.75% ആയി താഴുമെന്നാണ് സിറ്റി ട്രേഡര്‍മാരുടെ വിലയിരുത്തല്‍.

- ഒരാഴ്ച മുന്‍പ് 85% ആയിരുന്ന സാധ്യത ഇപ്പോള്‍ 93% ആയി ഉയര്‍ന്നിട്ടുണ്ട്.

- അടുത്ത വര്‍ഷം അവസാനം വരെ കൂടുതല്‍ പലിശ കുറയാന്‍ സാധ്യതയുണ്ടെന്നും വിപണികള്‍ കരുതുന്നു. മാര്‍ച്ച്, ജൂലൈ മാസങ്ങളില്‍ 3.25% വരെ നിരക്ക് താഴാമെന്ന് ലണ്ടന്‍ സ്റ്റോക്ക് എക്സ്ചേഞ്ച് ഗ്രൂപ്പ് ഡാറ്റാ സൂചിപ്പിക്കുന്നു.

ഫിക്സഡ് റേറ്റ് മോര്‍ട്ട്ഗേജ് നിരക്കുകളെ സ്വാധീനിക്കുന്ന സ്വാപ് റേറ്റ് ബജറ്റിന് ശേഷം താഴ്ന്നിട്ടുണ്ട്. ഇതനുസരിച്ച് നേഷന്‍വൈഡ്, വിര്‍ജിന്‍ മണി എന്നിവര്‍ ഫിക്സഡ് മോര്‍ട്ട്ഗേജ് ഡീലുകളില്‍ നിന്നും 0.19% പോയിന്റ് കുറച്ചിട്ടുണ്ട്. സാന്‍ടാന്‍ഡര്‍ രണ്ട് വര്‍ഷത്തെ ഫിക്സഡ് ഡീല്‍ 3.55% നിരക്കില്‍ നല്‍കുന്നുണ്ട്.