ഇടുക്കിയിലെ ലോറേഞ്ചില് വേനല് മഴയില് നാശനഷ്ടം. കനത്ത കാറ്റിലും മഴയിലും ഇടപ്പള്ളിയില് ഇലക്ട്രിക് കേബിളുകള് പൊട്ടിയതിനെ തുടര്ന്ന് താറുമാറായ ട്രെയിന് ഗതാഗതം രണ്ടര മണിക്കൂറിനു ശേഷം പുനഃസ്ഥാപിച്ചു.
ശക്തമായ കാറ്റിലും മഴയിലും കോട്ടയം വൈക്കപ്രയാറിലും കിഴക്കേനടയിലും മരങ്ങള് വീണു. വൈക്കത്ത് പലയിടത്തും വൈദ്യുതി പോസ്റ്റുകള് ഒടിഞ്ഞു. നഗരപ്രദേശത്ത് ഉള്പ്പെടെ വൈദ്യുതി നിലച്ചു. ഇടുക്കി തൊടുപുഴയില് കനത്ത മഴയിലും ശക്തമായ കാറ്റിലും മരം വീണ് വീട് തകര്ന്നു. മലയോര മേഖലയിലും ഇടവെട്ടു മഴ പെയ്യുന്നുണ്ട്. കരുണാപുരത്ത് മരം കടപുഴകി വീണു, ആര്ക്കും പരുക്കില്ല. കൊച്ചിയില് കാറ്റിലും മഴയിലും പലയിടങ്ങളിലും ഗതാഗത കുരുക്ക് അനുഭവപ്പെട്ടു. |