|
സര്ക്കാര് മെഡിക്കല് കോളേജില് ചികിത്സ നടത്തിയതുകൊണ്ട് രക്ഷപ്പെട്ടെന്ന് വിശ്വസിക്കുന്ന ആളാണ് താനെന്ന് എല്ഡിഎഫ് കണ്വീനര് ടി. പി. രാമകൃഷ്ണന്. സ്വകാര്യ ആശുപത്രിയില് ചികിത്സ തേടിയെങ്കില് തന്റെ ജീവന് പോയേനെയെന്നും ടി. പി. രാമകൃഷ്ണന് പറഞ്ഞു. കോഴിക്കോട് മാധ്യമങ്ങളോട് സംസാരിക്കുകയായിരുന്നു അദ്ദേഹം.
മന്ത്രി സജി ചെറിയാന്റെ പരാമര്ശത്തെ സംബന്ധിച്ചും ടി.പി രാമകൃഷ്ണന് സംസാരിച്ചു. അദ്ദേഹം സ്വന്തം അനുഭവം പറഞ്ഞതാകാമെന്നായിരുന്നു ടി പി രാമകൃഷ്ണന്റെ അഭിപ്രായം. കേരളത്തിലെ ആരോഗ്യ മേഖലയുടെ വളര്ച്ചയെന്നാല് സര്ക്കാര് ആശുപത്രികളുടെ വളര്ച്ച മാത്രമല്ല, സ്വകാര്യ ആശുപത്രികളും വലിയ പങ്ക് വഹിക്കുന്നുണ്ട്. സര്ക്കാര് ആശുപത്രികളിലെ ന്യൂനതകള് ചൂണ്ടിക്കാട്ടുന്നതില് തെറ്റില്ലെന്നും ടി. പി. രാമകൃഷ്ണന് വ്യക്തമാക്കി. |
