|
കൊല്ലം സ്വദേശിനിയായ മലയാളി യുവതിയെ ഷാര്ജയിലെ ഫ്ലാറ്റില് തൂങ്ങിമരിച്ച നിലയില് കണ്ടെത്തി. കൊല്ലം ചവറ കോയിവിളയില് അതുല്യ സതീഷ് (30) ആണ് ഷാര്ജ റോളയിലെ ഫ്ലാറ്റില് തൂങ്ങിയ നിലയില് കണ്ടെത്തിയത്.
ഇന്നലെ രാത്രിയാണ് സംഭവം. ദുബായിലെ കെട്ടിടനിര്മാണ കമ്പനിയില് എന്ജിനീയറായ ഭര്ത്താവ് സതീഷുമായി വഴക്കിട്ടതിനു പിന്നാലെയാണ് യുവതി ജീവനൊടുക്കിയതെന്ന് ബന്ധുക്കള് പറയുന്നു.
ഭര്ത്താവ് സതീഷ് സ്ഥിരം മദ്യപിക്കുന്നയാളാണെന്നും, മദ്യപിച്ചാല് അതുല്യയെ ദേഹോപദ്രവം ഏല്പ്പിക്കാറുണ്ടെന്നും പറഞ്ഞിരുന്നതായി ബന്ധുക്കള് ആരോപിക്കുന്നു.
ദമ്പതികളുടെ ഏക മകള് ആരാധിക (10) അതുല്യയുടെ മാതാപിതാക്കള്ക്കൊപ്പം നാട്ടിലെ സ്കൂളില് പഠിക്കുകയാണ്. ഷാര്ജ ഫോറന്സിക് വിഭാഗത്തിലുള്ള മൃതദേഹം നിയമപരമായ നടപടികള് പൂര്ത്തിയാക്കിയ ശേഷം നാട്ടിലേക്ക് കൊണ്ടുപോകുമെന്നാണ് നിലവിലെ റിപ്പോര്ട്ട്.
അതേസമയം,
വിവാഹം കഴിച്ച കാലം മുതല് അതുല്യയ്ക്ക് പ്രശ്നങ്ങളുണ്ടായിരുന്നു. ഒരിക്കലും സ്വസ്ഥത ഉണ്ടായിരുന്നില്ല. സതീഷ് മദ്യപാനിയായിരുന്നു. വിവാഹത്തിന് ശേഷമാണ് അത് ഞങ്ങള് അറിഞ്ഞത്. ആദ്യം ചെറിയ രീതിയിലായിരുന്നു മദ്യപാനം. എന്നാല് പിന്നീട് എപ്പോഴും മദ്യപിക്കുന്നത് പതിവായി. പിന്നാലെയാണ് അവളെ മര്ദിക്കാന് തുടങ്ങിയതെന്ന് അതുല്യയുടെ പിതാവ് പറഞ്ഞു. |
