ലണ്ടന്: വിവാഹ വിഡിയോ തട്ടിപ്പുമായി ബന്ധപ്പെട്ട് 200ലധികം പേരെ വഞ്ചിച്ച യുവതി അറസ്റ്റില്. യുവതിയുടെ വിഡിയോഗ്രഫി സേവനങ്ങള്ക്കായി മുന്കൂര് പണം നല്കിയ പല ദമ്പതികളും പരാതിയുമായി രംഗത്തെത്തിയതിനെത്തുടര്ന്നാണ് അറസ്റ്റ്. കെന്റില് നിന്നുള്ള 34കാരിയായ യുവതിക്ക് എതിരെ തട്ടിപ്പ്, മോഷണം തുടങ്ങിയ കുറ്റങ്ങള് ചുമത്തിയിട്ടുണ്ട്. മുന്കൂര് പണം സ്വീകരിച്ച ശേഷം വിവാഹ ദിനത്തില് വിഡിയോഗ്രഫി സേവനം നല്കാന് സാധിക്കില്ലെന്ന് പലരോടും യുവതി അറിയിച്ചു. ചില ദമ്പതികള്ക്ക് വിഡിയോ ലഭിക്കുന്നതിനായി മൂന്ന് വര്ഷത്തോളം കാത്തിരിക്കേണ്ടി വന്നു. '' വിവാഹദിനത്തില് ഒരു ദിവസം നീളുന്ന വിഡിയോ ചിത്രീകരണത്തിന് അവരെ ചുമതലപ്പെടുത്തിയിരുന്നു. 10% ഡിസ്കൗണ്ട് ലഭിക്കുന്നതിനായി പണം മുന്കൂറായി നല്കി. സമൂഹ മാധ്യമത്തില് ഇവര് തട്ടിപ്പ് നടത്തുന്നതായി പല ആരോപണങ്ങളും കണ്ടു. അത് വിശ്വാസിക്കാന് ഞാന് തയ്യാറായില്ല. അവരെ ബന്ധപ്പെട്ടപ്പോള് ജൂലൈ ആറിന് വരുമെന്ന് ഉറപ്പു നല്കി.
ഞാന് അവരുടെ വാക്കുകളില് വിശ്വസിച്ചു. എന്നാല് വിവാഹത്തിന്റെ രാവിലെ അവര് എനിക്ക് ഇമെയില് അയച്ച് വരാന് കഴിയുന്നില്ലെന്ന് അറിയിച്ചു. അത് എന്റെ ജീവിതത്തിലെ ഏറ്റവും വലിയ ദിവസമായിരുന്നു. ഞാന് ഇമെയിലുകള് പരിശോധിച്ചില്ല. അവര് എത്തിയില്ല. അത് വളരെ ദുഃഖകരമായിരുന്നു. വിഡിയോഗ്രഫര് ഇല്ലാത്ത സാഹചര്യത്തില് വിവാഹ ചടങ്ങുകള് പൂര്ണ്ണമായി വിഡിയോയില് ചിത്രീകരിക്കാന് സാധിച്ചില്ല.എന്റെ ഫൊട്ടോഗ്രഫര്ക്ക് ഒരു സ്പെയര് ക്യാമറ ഉണ്ടായിരുന്നു. അദ്ദേഹം ഫസ്റ്റ് ഡാന്സ് തുടങ്ങിയവയുടെ ചില ഹൈലൈറ്റ് വിഡിയോകള് എടുത്തു. അദ്ദേഹത്തിന് നന്ദി പറയാന് വാക്കുകളില്ല.'
ഷാനിയ പറഞ്ഞു: 'ഞങ്ങള്ക്ക് ഈ സംഭവം വലിയ തിരിച്ചടിയായി. ഞങ്ങള്ക്ക് 600 പൗണ്ട് മുന്കൂര് നല്കിയിരുന്നു. അവര്ക്ക് എന്തെങ്കിലും പ്രത്യേക അനുഗ്രഹമുണ്ടോ, അതുകൊണ്ടാണ് അവര് എത്തിയില്ലാത്തത്. അവര് ഒരു മാപ്പോഴും കൊടുത്തില്ല. ഞങ്ങള്ക്ക് 28 ദിവസത്തിനുള്ളില് പണം തിരിച്ചു നല്കുമെന്ന് അവര് പറഞ്ഞു ' - പരാതികാരില് ഒരാളായ ഷാനിയ സ്റ്റാന്ടണ് പറഞ്ഞു.
