തിരുവനന്തപുരം: ഏപ്രില് മാസത്തിലും ഗാര്ഹിക ഉപഭോക്താക്കള്ക്ക് വൈദ്യുതി സര്ചാര്ജ് ഈടാക്കില്ലെന്ന് കെഎസ്ഇബി അറിയിച്ചു. പകരം രണ്ട് മാസത്തിലൊരിക്കല് ബില് അടക്കുന്ന ഗാര്ഹിക ഉപഭോക്താക്കള്ക്ക് യൂണിറ്റിന് ഒരു പൈസ വീതം തിരികെ നല്കും. ഇത് അടുത്ത ബില്ലില് വരവ് വയ്ക്കും. മാര്ച്ചിലും ഇതേ രീതിയില് ഒരു പൈസ തിരികെ നല്കിയിരുന്നു. മാസം തോറും ബില് അടയ്ക്കുന്ന വാണിജ്യ, വ്യവസായ ഉപഭോക്താക്കള്ക്കും സര്ചാര്ജ് ഇല്ല. ഇവരുടെ സര്ചാര്ജ് പൂജ്യമാണ്. മാര്ച്ചില് ഇവര്ക്ക് യൂണിറ്റിന് രണ്ട് പൈസ വീതം തിരികെ നല്കിയിരുന്നെങ്കിലും ഏപ്രിലില് അത് ഉണ്ടായിരിക്കില്ലെന്ന് കെഎസ്ഇബി വ്യക്തമാക്കി.
