ആലപ്പുഴ: പാര്ട്ടിയില് നിന്ന് പുറത്താക്കപ്പെട്ട എംഎല്എ രാഹുല് മാങ്കൂട്ടത്തലുമായി പാലക്കാട് എംപി വി.കെ. ശ്രീകണ്ഠന് അടൂരിലെ സ്വകാര്യ ഹോട്ടലില് കൂടിക്കാഴ്ച നടത്തി. കൂടിക്കാഴ്ച അവിചാരിതമായിരുന്നുവെന്ന് മാധ്യമങ്ങളോട് ശ്രീകണ്ഠന് വ്യക്തമാക്കി.
രാഷ്ട്രീയ ചര്ച്ചകള്
- കൂടിക്കാഴ്ചയില് രാഷ്ട്രീയവും ചര്ച്ചയായതായാണ് വിവരം.
- വിഡി സതീശന്, രമേശ് ചെന്നിത്തല അടക്കമുള്ള മുതിര്ന്ന നേതാക്കള് രാഹുലുമായി അകലം പാലിക്കുമ്പോള്, പാര്ട്ടിയില് ഒരുവിഭാഗം ഇപ്പോഴും അദ്ദേഹവുമായി സൗഹൃദം തുടരുന്നുണ്ടെന്ന് സൂചന.
- പാര്ട്ടിക്ക് പുറത്തായെങ്കിലും രാഹുലുമായി അടുപ്പം പുലര്ത്തുന്ന നേതാക്കളില് ഒരാളാണ് വി.കെ. ശ്രീകണ്ഠന്.
ശ്രീകണ്ഠന്റെ വിശദീകരണം
- ''ഹോട്ടലില് ഭക്ഷണം കഴിക്കുമ്പോള് രാഹുല് സുഹൃത്തിനെ കാണാന് എത്തിയതാണ്. അവിചാരിതമായ കണ്ടുമുട്ടലായിരുന്നു. മറ്റ് ഉദ്ദേശ്യങ്ങളൊന്നുമില്ല,'' എന്നും ശ്രീകണ്ഠന് പറഞ്ഞു.
- ''പാലക്കാട് എംഎല്എയെ കണ്ടാല് പാലക്കാട് എംപി മിണ്ടാതിരിക്കുമോ? പാര്ട്ടി തന്നെ രാഹുലുമായി ചര്ച്ച നടത്താന് ഏല്പ്പിച്ചിട്ടില്ല,'' എന്നും അദ്ദേഹം കൂട്ടിച്ചേര്ത്തു.
വ്യക്തിപരമായ ബന്ധം
ഇരുവരും ഏറെ അടുത്ത സുഹൃത്തുക്കളാണെന്നും, കഴിഞ്ഞ തവണ ശബരിമല ദര്ശനത്തിന് ഒരുമിച്ചാണ് എത്തിയതെന്നും റിപ്പോര്ട്ടുകള് വ്യക്തമാക്കുന്നു
