കണ്ണൂര്: നിയമസഭാ തെരഞ്ഞെടുപ്പിലെ സ്ഥാനാര്ഥിത്വത്തില് പിന്നോട്ടില്ലെന്ന സൂചന നല്കി കോണ്ഗ്രസ് നേതാവ് കെ. സുധാകരന്. സ്ഥാനാര്ഥിത്വം സംബന്ധിച്ച് പാര്ട്ടി തീരുമാനിക്കുമെന്നും, അതനുസരിച്ച് തന്നെ മുന്നോട്ട് പോകുമെന്നും സുധാകരന് വ്യക്തമാക്കി. ഡല്ഹിയിലേക്ക് പോകുമോ എന്ന ചോദ്യത്തിന് മറുപടി നല്കാന് അദ്ദേഹം തയ്യാറായില്ല. കണ്ണൂരിലെ കാപ്പാടന് രമേശന്റെ കുടുംബത്തിന് വീട് കൈമാറുന്ന ചടങ്ങിനിടെയാണ് സുധാകരന് മാധ്യമങ്ങളോട് പ്രതികരിച്ചത്.
സ്ഥാനാര്ഥിത്വം പ്രഖ്യാപിക്കേണ്ടത് എഐസിസിയാണെന്നും, കെ. സുധാകരന് സ്ഥാനാര്ഥിയായാല് സന്തോഷമാണെന്നും ജില്ലാ നേതൃത്വത്തിന്റെ പ്രതികരണമാണ്. കണ്ണൂരില് പ്രതിസന്ധിയില്ലെന്നും, മാധ്യമങ്ങള് കെ. സുധാകരനെ ആക്രമിക്കുകയാണെന്നും കോണ്ഗ്രസ് പ്രവര്ത്തകന് ഷമ മുഹമ്മദ് പറഞ്ഞു. മുതിര്ന്ന നേതാവ് എന്ന നിലയില് സുധാകരന് മത്സരിക്കുന്നതില് തെറ്റില്ലെന്നും അദ്ദേഹം കൂട്ടിച്ചേര്ത്തു. സ്ഥാനാര്ഥിത്വവുമായി ബന്ധപ്പെട്ട വിഷയത്തില് എം.പി. നേതൃത്വത്തിന്റെ അനുനയശ്രമങ്ങള്ക്ക് വഴങ്ങാന് സുധാകരന് തയ്യാറല്ലെന്ന സൂചന നേരത്തെ ഉണ്ടായിരുന്നുവെന്നും, തിങ്കളാഴ്ച രാഹുല് ഗാന്ധിയുമായി കൂടിക്കാഴ്ചയ്ക്കുള്ള ക്ഷണം നിരസിച്ചതായും റിപ്പോര്ട്ടുകളുണ്ട്
