കല്‍പ്പറ്റ: അബ്കാരി കേസില്‍ റിപ്പോര്‍ട്ടര്‍ ടിവി ഉടമ ആന്റോ അഗസ്റ്റിന്റെ ജാമ്യാപേക്ഷ ബത്തേരി കോടതി തള്ളി. ഇതോടെ അദ്ദേഹം മാനന്തവാടി ജില്ലാ ജയിലില്‍ തുടരും. ജാമ്യം നിഷേധിക്കപ്പെട്ട സാഹചര്യത്തില്‍ ആന്റോ അഗസ്റ്റിനെ കസ്റ്റഡിയില്‍ വാങ്ങി വിശദമായി ചോദ്യം ചെയ്യാനുള്ള നടപടികളിലേക്ക് എക്‌സൈസ് നീങ്ങുമെന്നാണ് വിവരം. വീട്ടില്‍ നിന്ന് അനുവദനീയമായ അളവില്‍ കൂടുതല്‍ മദ്യം കണ്ടെത്തിയതുമായി ബന്ധപ്പെട്ട കാര്യങ്ങളില്‍ ഉള്‍പ്പെടെ കൂടുതല്‍ വിവരങ്ങള്‍ ശേഖരിക്കാനാണ് അന്വേഷണസംഘത്തിന്റെ ശ്രമം. തനിക്കെതിരെ ഗൂഢാലോചന നടക്കുന്നുണ്ടെന്നാണ് ആന്റോ അഗസ്റ്റിന്‍ ജാമ്യാപേക്ഷയില്‍ ഉന്നയിച്ച പ്രധാന വാദം. പരിശോധന നടന്ന വീടിന്റെ ഉടമസ്ഥാവകാശവുമായി ബന്ധപ്പെട്ട് തര്‍ക്കം

വടക്കാഞ്ചേരി: മുണ്ടൂരില്‍ നിന്ന് കാണാതായ പിക്കപ്പ് വാന്‍ ഡ്രൈവറുടെ മൃതദേഹം വടക്കാഞ്ചേരിയിലെ വനമേഖലയില്‍ കത്തിക്കരിഞ്ഞ നിലയില്‍ കണ്ടെത്തി. കിള്ളിമംഗലം മഞ്ഞക്കാട് തൊടിവീട്ടില്‍ ബാബു (52) ആണ് മരിച്ചത്. ഇന്ന് രാവിലെയോടെയാണ് വനത്തിനുള്ളില്‍ മൃതദേഹം കണ്ടെത്തിയത്. സ്ഥലത്തെത്തിയ ബന്ധുക്കള്‍ മൃതദേഹം ബാബുവിന്റേതാണെന്ന് തിരിച്ചറിഞ്ഞു. ഒരു കരാറുകാരന്റെ കീഴില്‍ പിക്കപ്പ് വാന്‍ ഡ്രൈവറായി ജോലി ചെയ്തുവരികയായിരുന്നു ബാബു. മുണ്ടൂരില്‍ കരാറുകാരന്റെ നിര്‍മാണ പ്രവൃത്തികള്‍ നടക്കുന്ന സ്ഥലത്തുനിന്നാണ് വ്യാഴാഴ്ച മുതല്‍ അദ്ദേഹത്തെ കാണാതായത്. തുടര്‍ന്ന് ബന്ധുക്കള്‍ പേരാമംഗലം പൊലീസ് സ്റ്റേഷനില്‍ പരാതി നല്‍കിയിരുന്നു. പരാതിയുടെ അടിസ്ഥാനത്തില്‍ പൊലീസ് നടത്തിയ

കൊച്ചി: മലയാളിയുടെ ജീവിതം മാറ്റിമറിച്ച മൊബൈല്‍ ഫോണ്‍ വിപ്ലവത്തിന് ഇന്ന് 30 വയസ്. ലാന്‍ഡ് ഫോണുകളുടെ പരിമിതികളില്‍ ഒതുങ്ങിയിരുന്ന കേരളത്തിലേക്ക് മൊബൈല്‍ ഫോണ്‍ സേവനം എത്തിയത് 1996 സെപ്റ്റംബര്‍ 17-നായിരുന്നു. മലയാള സാഹിത്യത്തിലെ അതികായന്‍ തകഴി ശിവശങ്കരപ്പിള്ളയും പ്രശസ്ത എഴുത്തുകാരി മാധവിക്കുട്ടിയും സാക്ഷിയായ ആ ചരിത്ര നിമിഷം മൂന്ന് പതിറ്റാണ്ടുകള്‍ പിന്നിടുമ്പോഴും കേരളത്തിന്റെ സാങ്കേതിക മുന്നേറ്റത്തിലെ നിര്‍ണായക അധ്യായമായി തുടരുന്നു. എസ്‌കോടെല്‍ മൊബൈല്‍ കമ്യൂണിക്കേഷന്‍സിന്റെ കേരളത്തിലെ സേവനങ്ങള്‍ക്ക് തുടക്കം കുറിച്ചുകൊണ്ട് എറണാകുളം ഹോട്ടല്‍ അവന്യൂ റീജന്റിലായിരുന്നു ആദ്യ മൊബൈല്‍ കോള്‍ നടന്നത്. ജ്ഞാനപീഠ ജേതാവ് തകഴി ശിവശങ്കരപ്പിള്ള അന്നത്തെ ദക്ഷിണമേഖലാ

കോട്ടയം: ഔദ്യോഗിക പദവിയിലിരിക്കെ വരവില്‍ കവിഞ്ഞ സ്വത്ത് സമ്പാദിച്ചെന്ന കേസില്‍ മുന്‍ ഡിജിപി ടോമിന്‍ ജെ. തച്ചങ്കരി കുറ്റക്കാരനെന്ന് കോട്ടയം വിജിലന്‍സ് കോടതി കണ്ടെത്തി. 2013ല്‍ അന്വേഷണം പൂര്‍ത്തിയാക്കി കുറ്റപത്രം സമര്‍പ്പിച്ച കേസിലാണ് കോടതി വിധി പറഞ്ഞത്. കേസിലെ ശിക്ഷ ഉച്ചയ്ക്ക് രണ്ടുമണിക്ക് പ്രഖ്യാപിക്കും. ശിക്ഷ സംബന്ധിച്ച് എന്തെങ്കിലും പറയാനുണ്ടോയെന്ന് കോടതി ചോദിച്ചപ്പോള്‍ ആരോഗ്യപ്രശ്‌നങ്ങളുണ്ടെന്നും ഹൃദയശസ്ത്രക്രിയയ്ക്ക് വിധേയനായിട്ടുണ്ടെന്നും രണ്ട് ദിവസം മുന്‍പ് നെഞ്ചുവേദന അനുഭവപ്പെട്ടിരുന്നെന്നും തച്ചങ്കരി കോടതിയെ അറിയിച്ചു. അതേസമയം, ഔദ്യോഗിക പദവി ദുരുപയോഗം ചെയ്താണ് അനധികൃത സ്വത്ത് സമ്പാദിച്ചതെന്നും പ്രതിക്ക് പരമാവധി ശിക്ഷ നല്‍കണമെന്നും

തൊടുപുഴ: രാസലഹരി ഉപയോഗിച്ചെന്നാരോപിച്ച് തൊടുപുഴ മുന്‍ നഗരസഭാ ചെയര്‍മാനും കോണ്‍ഗ്രസ് നേതാവുമായ സനീഷ് ജോര്‍ജിനെ പൊലീസ് അറസ്റ്റ് ചെയ്തു. സംസ്ഥാനത്തെ ലഹരിവിരുദ്ധ ദൗത്യമായ 'ഓപ്പറേഷന്‍ തൂഫാന്റെ' ഭാഗമായി പ്രത്യേക സംഘം നടത്തിയ പരിശോധനയ്ക്കിടെയാണ് അറസ്റ്റ്. ആളൊഴിഞ്ഞ സ്ഥലത്ത് സനീഷ് ലഹരി ഉപയോഗിക്കുന്നതായി രഹസ്യവിവരം ലഭിച്ചതിനെ തുടര്‍ന്നാണ് പ്രത്യേക അന്വേഷണ സംഘം സ്ഥലത്തെത്തിയതെന്നാണ് പൊലീസ് പറയുന്നത്. പൊലീസ് എത്തുമ്പോഴേക്കും ലഹരി ഉപയോഗിച്ചുകഴിഞ്ഞിരുന്നുവെന്നും സ്ഥലത്തുനിന്ന് സിറിഞ്ച് ഉള്‍പ്പെടെയുള്ള വസ്തുക്കള്‍ കണ്ടെത്തിയെന്നും റിപ്പോര്‍ട്ടുകളുണ്ട്. എന്നാല്‍ സനീഷിന്റെ കൈവശത്തുനിന്ന് രാസലഹരി കണ്ടെത്തിയിട്ടില്ലെന്നാണ് ലഭ്യമായ വിവരം.

തിരുവനന്തപുരം: സംസ്ഥാനത്തെ വൈദ്യുതി പ്രതിസന്ധി പരിഹരിക്കാന്‍ സര്‍ക്കാര്‍ അടിയന്തര നടപടികള്‍ സ്വീകരിച്ചുവരികയാണെന്ന് മുഖ്യമന്ത്രി വി.ഡി. സതീശന്‍. ലഭ്യമായ എല്ലാ ഉറവിടങ്ങളില്‍നിന്നും വൈദ്യുതി വാങ്ങാനുള്ള ശ്രമമാണ് നടക്കുന്നതെന്നും ഒഡീഷയില്‍നിന്ന് 150 മെഗാവാട്ടും ന്യൂക്ലിയര്‍ പവര്‍ കോര്‍പ്പറേഷനില്‍നിന്ന് 150 മെഗാവാട്ടും ഇതിനകം ലഭ്യമാക്കിയിട്ടുണ്ടെന്നും അദ്ദേഹം വാര്‍ത്താസമ്മേളനത്തില്‍ പറഞ്ഞു. കൂടുതല്‍ വൈദ്യുതി കണ്ടെത്തുന്നതിനായി എട്ട് സംസ്ഥാനങ്ങളുമായി ചര്‍ച്ചകള്‍ തുടരുകയാണെന്നും മുഖ്യമന്ത്രി അറിയിച്ചു. നിലവിലെ പ്രതിസന്ധി മറികടക്കാന്‍ ഹ്രസ്വകാല, ദീര്‍ഘകാല പദ്ധതികളാണ് സര്‍ക്കാര്‍ തയ്യാറാക്കുന്നത്. മഴക്കുറവ് മാത്രമല്ല, വൈദ്യുതി ഉപഭോഗത്തിലെ വര്‍ധന,

തിരുവനന്തപുരം: സംസ്ഥാനത്തേക്ക് വരുന്ന നിക്ഷേപങ്ങള്‍ക്ക് ആവശ്യമായ അനുമതികളും ലൈസന്‍സുകളും വേഗത്തിലാക്കുന്നതിനായി 'സരള്‍ കേരളം' എന്ന പുതിയ പദ്ധതിക്ക് രൂപം നല്‍കിയതായി മുഖ്യമന്ത്രി വി.ഡി. സതീശന്‍ അറിയിച്ചു. 'സിംപ്ലിഫൈഡ് ആന്‍ഡ് ആക്സിലറേറ്റഡ് റെഗുലേറ്ററി അപ്രൂവല്‍ ആന്‍ഡ് ലൈസന്‍സസ്' എന്നതിന്റെ ചുരുക്കപ്പേരാണ് 'സരള്‍'. പദ്ധതിയുടെ ഭാഗമായി നിലവിലുള്ള 19 നിയമങ്ങളില്‍ ഭേദഗതി വരുത്തുമെന്നും മുഖ്യമന്ത്രി മന്ത്രിസഭായോഗ തീരുമാനങ്ങള്‍ വിശദീകരിച്ച വാര്‍ത്താസമ്മേളനത്തില്‍ പറഞ്ഞു. ?25 കോടി മുതല്‍ ?50 കോടി വരെയുള്ള നിക്ഷേപങ്ങള്‍ക്ക് ജില്ലാ തലത്തിലുള്ള സമിതിയും ?50 കോടിക്ക് മുകളിലുള്ള നിക്ഷേപങ്ങള്‍ക്ക് സംസ്ഥാന തലത്തിലുള്ള സമിതിയുമാണ് അനുമതി നല്‍കുക. നിക്ഷേപ നിര്‍ദേശം

ന്യൂഡല്‍ഹി: അന്താരാഷ്ട്ര സമുദ്രാതിര്‍ത്തിയില്‍ ഇന്ത്യന്‍ നാവികസേനയുടെ കപ്പലില്‍ പാകിസ്ഥാന്‍ നാവികസേനയുടെ യുദ്ധക്കപ്പല്‍ ഇടിച്ച് അപകടം. സംഭവത്തില്‍ പാകിസ്ഥാനോട് ശക്തമായ പ്രതിഷേധം രേഖപ്പെടുത്തിയ ഇന്ത്യ, ന്യൂഡല്‍ഹിയിലെ പാക് ഹൈക്കമ്മീഷനിലെ ചാര്‍ജ് ഡി അഫയേഴ്‌സിനെ വിളിച്ചുവരുത്തി അതൃപ്തി അറിയിച്ചു. കടലില്‍ പാകിസ്ഥാന്‍ നാവികസേനാ യൂണിറ്റുകളുടെ ഉത്തരവാദിത്തമില്ലാത്തതും അംഗീകരിക്കാനാവാത്തതുമായ നടപടികളാണ് കൂട്ടിയിടിക്ക് കാരണമായതെന്നാണ് കേന്ദ്ര വിദേശകാര്യ മന്ത്രാലയം വ്യക്തമാക്കിയത്. അന്താരാഷ്ട്ര സമുദ്രാതിര്‍ത്തിയിലാണ് സംഭവം നടന്നതെന്നും കൂട്ടിയിടിയില്‍ ഇരു കപ്പലുകള്‍ക്കും കാര്യമായ നാശനഷ്ടങ്ങളുണ്ടായിട്ടില്ലെന്നും മന്ത്രാലയം അറിയിച്ചു. അതേസമയം,