കോമണ്‍വെല്‍ത്ത് ഗെയിംസില്‍ ഇന്ത്യയ്ക്ക് ആദ്യ സ്വര്‍ണം. ഗ്ലാസ്ഗോയില്‍ നടന്ന കോമണ്‍വെല്‍ത്ത് ഗെയിംസ് വനിതകളുടെ 48 കിലോഗ്രാം ഭാരോദ്വഹന മത്സരത്തില്‍ ഇന്ത്യയ്ക്ക് ആദ്യ സ്വര്‍ണ മെഡല്‍ സമ്മാനിച്ച് മീരാഭായ് ചാനു. തുടര്‍ച്ചയായ മൂന്നാം കോമണ്‍വെല്‍ത്ത് ഗെയിംസിലാണ് മീരാഭായ് ചനു സ്വര്‍ണ്ണം നേടുന്നത്.

48 കിലോഗ്രാം വിഭാഗത്തിലാണ് മീരാഭായ് ചനുവിന്റെ സ്വര്‍ണ നേട്ടം. ആകെ 190 കിലോഗ്രാം ഭാരമാണ് മീരാഭായ് ചനു ഉയര്‍ത്തിയത്. സ്‌നാച്ചില്‍ 85 കിലോയും ക്ലീന്‍ ആന്‍ഡ് ജെര്‍ക്കില്‍ 105 കിലോഗ്രാമും ഉയര്‍ത്തി. സ്നാച്ചില്‍ 85 കിലോ ഉയര്‍ത്തി പുതിയ കോമണ്‍വെല്‍ത്ത് റെക്കോര്‍ഡിടുകയായിരുന്നു ചനു. കോമണ്‍വെല്‍ത്ത് ഗെയിംസില്‍ മീരാഭായ് ചനുവിന്റെ തുടര്‍ച്ചയായ മൂന്നാമത്തെ സ്വര്‍ണമാണിത്. ടോക്കിയോ ഒളിമ്പിക്സില്‍ വെള്ളി മെഡല്‍

ഇന്ത്യയുടെ പരീക്ഷാ സമ്പ്രദായം കൂടുതല്‍ സുതാര്യവും വിശ്വസനീയവും സാങ്കേതിക വിദ്യ അധിഷ്ഠിതവും ആക്കുന്നതിനായി ഇന്‍ഫോസിസ് ചെയര്‍മാന്‍ നന്ദന്‍ നിലേകനിയുടെ നേതൃത്വത്തില്‍ ഉന്നതതല ടാസ്‌ക് ഫോഴ്‌സ് രൂപീകരിച്ചതായി പ്രധാനമന്ത്രി നരേന്ദ്ര മോദി. ഇന്‍സ്റ്റാഗ്രാം വീഡിയോയിലൂടെയായിരുന്നു പ്രധാനമന്ത്രിയുടെ പ്രഖ്യാപനം.
2026 നീറ്റ്-യുജി പരീക്ഷാ ചോദ്യപേപ്പര്‍ ചോര്‍ച്ചയുമായി ബന്ധപ്പെട്ട ആരോപണങ്ങള്‍ക്ക് ശേഷം വിദ്യാര്‍ത്ഥികളുടെ താല്‍പര്യങ്ങള്‍ സംരക്ഷിക്കുന്നതിനായി സര്‍ക്കാര്‍ ഇതിനകം നിരവധി നടപടികള്‍ സ്വീകരിച്ചിട്ടുണ്ടെന്നും ഭാവിയിലെ പരീക്ഷാ സമ്പ്രദായം ശക്തിപ്പെടുത്തുന്നതിനാണ് ഇനി പരിഷ്‌കാരങ്ങള്‍ ഊന്നല്‍ നല്‍കുന്നതെന്നും പ്രധാനമന്ത്രി വീഡിയോ സന്ദേശത്തില്‍ വ്യക്തമാക്കി.
വിദ്യാര്‍ത്ഥികളുടെ

നീറ്റ്-യുജി പരീക്ഷാ ചോര്‍ച്ചയും വിദ്യാഭ്യാസ സമ്പ്രദായത്തിലെ ക്രമക്കേടുകളും ചൂണ്ടിക്കാട്ടി ഡല്‍ഹി ജന്തര്‍മന്തറില്‍ നടത്തിവന്ന 49 ദിവസത്തെ സമരം അവസാനിപ്പിക്കുന്നതായി കോക്രോച്ച് ജനതാ പാര്‍ട്ടി (സി.ജെ.പി) അറിയിച്ചു. കേന്ദ്ര സര്‍ക്കാരുമായി നടത്തിയ മൂന്നാംഘട്ട ചര്‍ച്ചയ്ക്ക് ശേഷമാണ് ഈ തീരുമാനം.

വിദ്യാഭ്യാസ മന്ത്രി ധര്‍മേന്ദ്ര പ്രധാന്റെ രാജിക്ക് തൊട്ടുപിന്നാലെ, രണ്ട് അംഗങ്ങളുള്ള സി.ജെ.പി പ്രതിനിധി സംഘം കേന്ദ്ര മന്ത്രിമാരായ ജെ.പി നദ്ദ, ജിതേന്ദ്ര സിംഗ് എന്നിവരുമായി ശനിയാഴ്ച കൂടിക്കാഴ്ച നടത്തി. ചര്‍ച്ചകള്‍ക്ക് ശേഷം സമരം പിന്‍വലിക്കുന്നതായി പ്രഖ്യാപിച്ച സി.ജെ.പി, പ്രതിഷേധക്കാര്‍ എല്ലാവരും സമാധാനപരമായി വീടുകളിലേക്ക് മടങ്ങാന്‍ അഭ്യര്‍ത്ഥിച്ചു.

ധര്‍മേന്ദ്ര പ്രധാന്‍ രാജിവെച്ചതിനെ തുടര്‍ന്ന് കേന്ദ്രമന്ത്രി പ്രള്‍ഹാദ് ജോഷിയെ പുതിയ വിദ്യാഭ്യാസ മന്ത്രിയായി നിയമിച്ചു. നിലവിലെ ചുമതലകള്‍ക്ക് പുറമെ വിദ്യാഭ്യാസ മന്ത്രാലയത്തിന്റെ അധികച്ചുമതലയാണ് നല്‍കിയിരിക്കുന്നത്.
ധര്‍മേന്ദ്ര പ്രധാന്റെ രാജി രാഷ്ട്രപതി ദ്രൗപതി മുര്‍മു അംഗീകരിച്ചതിനെ തുടര്‍ന്നാണ് പുതിയ മാറ്റം. ക്യാബിനറ്റ് മന്ത്രിയായ പ്രള്‍ഹാദ് ജോഷിക്ക് നിലവിലെ വകുപ്പുകള്‍ക്ക് പുറമെ വിദ്യാഭ്യാസ മന്ത്രാലയത്തിന്റെ ചുമതല കൂടി നല്‍കാന്‍ പ്രധാനമന്ത്രിയുടെ നിര്‍ദ്ദേശപ്രകാരം രാഷ്ട്രപതി ഉത്തരവിട്ടു.
ഭരണഘടനയുടെ ആര്‍ട്ടിക്കിള്‍ 75(2) പ്രകാരം ധര്‍മേന്ദ്ര പ്രധാന്റെ രാജി പ്രധാനമന്ത്രിയുടെ ഉപദേശപ്രകാരം രാഷ്ട്രപതി ഉടനടി പ്രാബല്യത്തില്‍ വരുത്തി അംഗീകരിച്ചതായി രാഷ്ട്രപതി ഭവന്‍

കേന്ദ്രസര്‍ക്കാരും സിജെപിയുമായി നടത്തിയ രണ്ടാംഘട്ട ചര്‍ച്ച പൂര്‍ത്തിയായി. സിജെപി ഉന്നയിച്ച മൂന്ന് ആവശ്യങ്ങളില്‍ രണ്ട് കാര്യങ്ങള്‍ കേന്ദ്രസര്‍ക്കാര്‍ അംഗീകരിച്ചു. ധര്‍മേന്ദ്ര പ്രധാന്‍ രാജിവയ്ക്കില്ലെന്നാണ് വിവരം. കോണ്‍സ്റ്റിറ്റിയൂഷന്‍ ക്ലബ്ബിലാണ് യോഗം ചേര്‍ന്നത്. സിജെപി പ്രതിനിധികളുമായി നടത്തിയ ചര്‍ച്ച സൗഹാര്‍ദ്ദപരമായിരുന്നുവെന്ന് കേന്ദ്രമന്ത്രി ജെപി നദ്ദ. ചര്‍ച്ച നാളെയും തുടരുമെന്ന് അദ്ദേഹം വ്യക്തമാക്കി.
ധര്‍മ്മേന്ദ്ര പ്രധാനെ മാറ്റുന്ന കാര്യത്തില്‍ നാളെ തീരുമാനം അറിയിക്കും. നാളെയും ചര്‍ച്ച നടക്കും. വിദ്യാര്‍ഥികള്‍ക്കെതിരായ കേസുകള്‍ പിന്‍വലിക്കണമെന്ന് ആവശ്യപ്പെട്ടു. മന്ത്രിയുടെ രാജിയെന്ന ആവശ്യത്തില്‍ ഉറച്ചു നിന്നതായും സിജെപി പ്രതിനിധികള്‍ അറിയിച്ചു.

ചര്‍ച്ചയ്ക്ക്

രാജ്യത്തെ പരീക്ഷാ സമ്പ്രദായം കൂടുതല്‍ സുതാര്യവും ശക്തവുമാക്കാന്‍ കേന്ദ്ര സര്‍ക്കാര്‍ ശ്രമങ്ങള്‍ ഊര്‍ജ്ജിതമാക്കിയതിന് പിന്നാലെ, നാഷണല്‍ ടെസ്റ്റിംഗ് ഏജന്‍സിയിലെ (NTA) 47 ഉദ്യോഗസ്ഥരെ വെള്ളിയാഴ്ച പിരിച്ചുവിട്ടതായി വിദ്യാഭ്യാസ മന്ത്രാലയ വൃത്തങ്ങള്‍ അറിയിച്ചു. ഏജന്‍സിയില്‍ ഉത്തരവാദിത്തം ഉറപ്പാക്കുന്നതിന്റെ ഭാഗമായി പുറത്താക്കപ്പെട്ട ചില ഉദ്യോഗസ്ഥര്‍ക്കെതിരെ അച്ചടക്ക നടപടികള്‍ ആരംഭിക്കാന്‍ സാധ്യതയുണ്ടെന്നും വിവരമുണ്ട്.
ചോദ്യപേപ്പര്‍ ചോര്‍ച്ച ആരോപണങ്ങളെ തുടര്‍ന്ന് വിവാദത്തിലായ എന്‍ടിഎയില്‍ വന്‍ അഴിച്ചുപണി നടത്തുന്നതിന്റെ ഭാഗമായാണ് ഈ നടപടി. ഏജന്‍സിയുടെ സമ്പൂര്‍ണ്ണ പുനഃസംഘടന ഉടന്‍ ഉണ്ടായേക്കും. അടുത്ത ഒരു മാസത്തിനുള്ളില്‍ ഈ മാറ്റങ്ങള്‍ നടപ്പിലാക്കുമെന്നാണ്

ശബരിമല സ്വര്‍ണക്കൊള്ള കേസില്‍ ദേവസ്വം ബോര്‍ഡ് മുന്‍ പ്രസിഡന്റ് പി എസ് പ്രശാന്തിന്റെയും മുന്‍ അംഗം അജികുമാറിന്റെയും അറസ്റ്റ് രേഖപ്പെടുത്തി. എസ് പി ശശിധരന്റെ സാന്നിധ്യത്തിലാണ് അറസ്റ്റ് രേഖപ്പെടുത്തിയത്. വൈകിട്ടോടെ കോടതിയില്‍ ഹാജരാക്കും. പി എസ് പ്രശാന്തിന്റെ അറസ്റ്റിന് പിന്നാലെ അജികുമാറിനെ വിളിച്ചുവരുത്തുകയായിരുന്നു. തുടര്‍ന്ന് കസ്റ്റഡിയിലെടുത്ത് ചോദ്യംചെയ്തു.
സ്വകാര്യ വാഹനത്തിലാണ് അജികുമാര്‍ പോലീസ് ക്ലബിലെത്തിയത്. അഭിഭാഷകനും സുഹൃത്തുക്കളും വാഹനത്തിലുണ്ടായിരുന്നു. എസ്പി ശശിധരന്റെ നേതൃത്വത്തിലാണ് അജികുമാറിനെയും പി എസ് പ്രശാന്തിനെയും ഒന്നിച്ചിരുത്തി ചോദ്യം ചെയ്തത്. കൊല്ലം വിജിലന്‍സ് കോടതിയിലായിരിക്കും ഇരുവരെയും ഹാജരാക്കുക.
ഇന്ന് രാവിലെ തിരുവനന്തപുരം കരകുളത്തിന് സമീപത്തെ

ഡല്‍ഹിയിലെ ജന്തര്‍ മന്തറില്‍ സിജെപിയുടെ നേതൃത്വത്തില്‍ നടക്കുന്ന വിദ്യാര്‍ത്ഥി സമരത്തിന് പിന്തുണയുമായി നടന്‍ മമ്മൂട്ടി. യുവജനങ്ങളാണ് നമ്മുടെ രാജ്യത്തിന്റെ യഥാര്‍ത്ഥ സമ്പത്തെന്നും അവരുടെ ശബ്ദങ്ങള്‍ക്ക് ചെവികൊടുക്കണമെന്നും ഫേസ്ബുക്കില്‍ പങ്കുവച്ച പോസ്റ്റില്‍ മമ്മൂട്ടി കുറിച്ചു. യുവാക്കളെ സംരക്ഷിക്കുകയും ശാക്തീകരിക്കുകയും ചെയ്യണമെന്നും അദ്ദേഹം തന്റെ പോസ്റ്റില്‍ കൂട്ടിച്ചേര്‍ത്തു.
നേരത്തെ ടൊവിനോ തോമസും കുഞ്ചാക്കോ ബോബനും ദുല്‍ഖര്‍ സല്‍മാനും ആസിഫ് അലിയും പാര്‍വതി തെരുവോത്തും വിദ്യാര്‍ത്ഥി പ്രക്ഷോഭത്തെ പന്തുണച്ച് രംഗത്ത് വന്നിരുന്നു.