സെപ്റ്റംബര്‍ 28 മുതല്‍ 30 വരെ നടക്കാനിരിക്കുന്ന ത്രിദിന ദേശീയ ബാങ്ക് പണിമുടക്കിന്റെ പശ്ചാത്തലത്തില്‍, പൊതുമേഖലാ ബാങ്കുകളും റീജ്യണല്‍ റൂറല്‍ ബാങ്കുകളും സെപ്റ്റംബര്‍ 27 ഞായറാഴ്ച സാധാരണ പോലെ പ്രവര്‍ത്തിക്കുമെന്ന് കേന്ദ്ര സര്‍ക്കാര്‍ അറിയിച്ചു. തുടര്‍ച്ചയായ അവധി ദിവസങ്ങള്‍ കാരണം ഇടപാടുകാര്‍ക്ക് ഉണ്ടാകുന്ന ബുദ്ധിമുട്ട് ഒഴിവാക്കാനാണ് ഈ നടപടി.
പ്രവര്‍ത്തിക്കുന്ന ദിവസങ്ങള്‍: സെപ്റ്റംബര്‍ 26, 27 തീയതികളിലെ വാരാന്ത്യ അവധിക്ക് തൊട്ടുപിന്നാലെയാണ് പണിമുടക്ക് വരുന്നത്. പൊതുജനങ്ങളുടെ അത്യാവശ്യ ബാങ്കിങ് ആവശ്യങ്ങള്‍ തടസ്സപ്പെടാതിരിക്കാന്‍ സെപ്റ്റംബര്‍ 27 ഞായറാഴ്ച എല്ലാ പൊതുമേഖലാ ബാങ്കുകളും അള്‍ട്രാ/റീജ്യണല്‍ ബാങ്കുകളും തുറന്നു പ്രവര്‍ത്തിക്കും.
ആര്‍ബിഐ അനുമതി: ബാങ്ക് ബ്രാഞ്ചുകള്‍, ഓഫീസുകള്‍, എടിഎം

കേരളത്തിലെ യുഡിഎഫ് സര്‍ക്കാര്‍ സംഘപരിവാറിന്റെ ബി ടീമായാണ് പ്രവര്‍ത്തിക്കുന്നതെന്ന് സിപിഐഎം സംസ്ഥാന സെക്രട്ടറി എം.വി. ഗോവിന്ദന്‍. മോദിയും ഇഡിയും വിഡിയും ഒത്തുചേര്‍ന്ന പ്രത്യേക കൂട്ടുകെട്ടാണത്. അതിന്റെ ഭാഗമായാണ് ഇഡി നിര്‍ദേശപ്രകാരം കേസെടുത്തത്. ഇഡിയെ ഉപയോഗപ്പെടുത്തി പ്രതിപക്ഷ നേതാക്കള്‍ക്കെതിരെ നിലപാട് സ്വീകരിച്ചു വരികയാണ് കേന്ദ്ര സര്‍ക്കാര്‍.

അത് പിന്തുടരുകയാണ് യുഡിഎഫ് സര്‍ക്കാര്‍. കോലീബി കാലംതൊട്ട് ആരംഭിച്ച ഈ കൂട്ടുകെട്ട് ഇപ്പോഴും തുടരുന്നു. തെരഞ്ഞെടുപ്പ് സമയത്ത് പരസ്പരം സഹായിച്ചു. ഭരണത്തില്‍ എത്തിയപ്പോള്‍ ആ ബന്ധം കൂടുതലായി തുടരുന്നു. പിണറായി വിജയനെ ലക്ഷ്യമിട്ടാണ് ഇഡിയുടെ നടപടികളെന്നത് പാര്‍ട്ടി നേരത്തെ തന്നെ വ്യക്തമാക്കിയതാണ്.

ഇഡിക്ക് ലഭിച്ച ഓരോ മൊഴികളും ഒന്നൊഴിയാതെ

കെഎസ്ആര്‍ടിസിയിലെ വനിതകള്‍ക്കായുള്ള 'പ്രിയദര്‍ശിനി' സൗജന്യയാത്രാ പദ്ധതി നൂറാം ദിവസത്തിലേക്ക് കടക്കുന്നു. പദ്ധതി ആരംഭിച്ച ജൂണ്‍ 15 മുതല്‍ ഇതുവരെയുള്ള കണക്കുകള്‍ പ്രകാരം വനിതകള്‍ ആകെ 13 കോടി സൗജന്യ യാത്രകളാണ് നടത്തിയത്. ഇതിനായി ഏകദേശം 275 കോടി രൂപയുടെ ടിക്കറ്റുകളാണ് സൗജന്യമായി നല്‍കിയതെന്ന് മന്ത്രി സി.പി. ജോണ്‍ അറിയിച്ചു.
പദ്ധതിയുടെ പ്രധാന നേട്ടങ്ങള്‍:
പ്രതിദിന യാത്രക്കാര്‍: പദ്ധതി പ്രയോജനപ്പെടുത്തുന്നവരുടെ പ്രതിദിന ശരാശരി 12.93 ലക്ഷമാണ്.
കൂടുതല്‍ യാത്രക്കാര്‍: ഏറ്റവും കൂടുതല്‍ വനിതകള്‍ സൗജന്യയാത്ര ചെയ്തത് സെപ്റ്റംബര്‍ 7നാണ് (15.53 ലക്ഷം പേര്‍, ടിക്കറ്റ് മൂല്യം 3.29 കോടി രൂപ).

ഇളമ്പകപ്പിള്ളി തറനിലം പുരുഷോത്തമന്‍ (73), ഭാര്യ ഇടവൂര്‍ കളപ്പുരയ്ക്കല്‍ ലതാ പുരുഷോത്തമന്‍ (67) എന്നിവരാണ് മരണപ്പെട്ടത്. കിടപ്പുരോഗിയായ ലതയെ ഡോക്ടര്‍ വീട്ടിലെത്തി പരിശോധിച്ചു മടങ്ങുന്നതിനിടെ ഭര്‍ത്താവ് പുരുഷോത്തമന്‍ കുഴഞ്ഞുവീഴുകയായിരുന്നു. ഉടന്‍ ആശുപത്രിയിലെത്തിക്കാന്‍ ശ്രമിച്ചെങ്കിലും വഴിമധ്യേ മരണം സംഭവിക്കുകയായിരുന്നു.
തുടര്‍ന്ന് പുരുഷോത്തമന്റെ സംസ്‌കാരം ശനിയാഴ്ച രാവിലെ 10 മണിക്ക് നടത്താന്‍ തീരുമാനിച്ചിരിക്കെ, അന്ന് രാത്രി 11 മണിയോടെ ഭാര്യ ലതയും മരണത്തിന് കീഴടങ്ങി. ജിഷ്ണു, അതുല്‍ വിഷ്ണു എന്നിവരാണ് മക്കള്‍. മരുമക്കള്‍: ഗീതു, ശ്രീലക്ഷ്മി. ഇരുവരുടെയും വേര്‍പാടിന്റെ ദുഃഖത്തില്‍ ഒക്കല്‍ എസ്.എന്‍.ഡി.പി. ശാന്തി നിലയത്തില്‍ ദമ്പതികളുടെ സംസ്‌കാര ചടങ്ങുകള്‍ ന�

വീട്ടില്‍ നിന്ന് അനധികൃത മദ്യം കണ്ടെത്തിയ കേസില്‍ റിപ്പോര്‍ട്ടര്‍ ടിവി മാനേജിങ്ങ് എഡിറ്റര്‍ ആന്റോ അഗസ്റ്റിനെ 24 മണിക്കൂര്‍ എക്‌സൈസ് കസ്റ്റഡിയില്‍ വിട്ടു. സുല്‍ത്താന്‍ ബത്തേരി മജിസ്‌ട്രേറ്റ് കോടതിയുടേതാണ് ഉത്തരവ്. മദ്യത്തിന്റെ ഉറവിടം കണ്ടെത്തണമെന്നും വിശദമായ അന്വേഷണം നടത്തണമെന്നുമുള്ള എക്‌സൈസ് ആവശ്യം കോടതി അംഗീകരിക്കുകയായിരുന്നു. ആല്‍ക്കഹോള്‍ അടങ്ങിയ പാനീയം എവിടെ നിര്‍മിച്ചു എന്ന് അറിയേണ്ടതുണ്ട്. മദ്യം എവിടെനിന്ന് കൊണ്ടുവന്നു, ഏത് മാര്‍ഗം കൊണ്ടുവന്നു എന്നെല്ലാം അന്വേഷിക്കേണ്ടത് സര്‍ക്കാരിന്റെ ഉത്തരവാദിത്തമാണെന്ന് പ്രോസിക്യൂഷന്‍ വാദിച്ചു.

43.85 ലിറ്റര്‍ മദ്യം കൊണ്ടുവന്നാല്‍ 5000 രൂപയും തടവും മാത്രമാണ് വരുന്നതെന്നും എന്തിനാണ് പ്രതിയെ മാധ്യമങ്ങളില്‍ മുന്നില്‍

അനധികൃതമായി മദ്യം കൈവശം വെച്ച കേസില്‍ റിപ്പോര്‍ട്ടര്‍ ടിവി എംഡി ആന്റോ അഗസ്റ്റിനെ 14 ദിവസത്തേക്ക് കോടതി റിമാന്‍ഡ് ചെയ്തു. മാനന്തവാടി ജില്ലാ ജയിലിലേക്കാണ് മാറ്റിയത്. അതേസമയം, അദ്ദേഹത്തിന്റെ ജാമ്യാപേക്ഷയില്‍ നാളെ വിധി പറയും. പിടിച്ചെടുത്തതില്‍ 12.75 ലിറ്റര്‍ വ്യാജമദ്യമാണെന്നാണ് എക്‌സൈസ് അധികൃതര്‍ വ്യക്തമാക്കുന്നത്. ഇന്ന് അറസ്റ്റിലായ ആന്റോയെ രാത്രി ഏഴരയോടെയാണ് കോടതിയില്‍ ഹാജരാക്കിയത്.
മീനങ്ങാടിയിലെ എക്‌സൈസ് അസിസ്റ്റന്റ് കമ്മിഷണര്‍ ഓഫിസില്‍ ചോദ്യം ചെയ്ത് മൊഴി രേഖപ്പെടുത്തിയിരുന്നു. ഇതിന് ശേഷമാണ് ബത്തേരി ജുഡീഷ്യല്‍ ഫസ്റ്റ് ക്ലാസ് മജിസ്‌ട്രേറ്റ് കോടതിയില്‍ ആന്റോ അഗസ്റ്റിനെ എത്തിച്ചത്.
വയനാട് വാഴവറ്റയിലെ വീട്ടില്‍ നിന്ന് അനധികൃത മദ്യശേഖരം കണ്ടെടുത്തതിനെ തുടര്‍ന്നാണ് ഈ നടപടി. എക്‌സൈസ് എസി

ഔദ്യോഗികപദവിയിലിരിക്കെ വരവില്‍ക്കവിഞ്ഞ സ്വത്ത് സമ്പാദിച്ചെന്ന കേസില്‍ മുന്‍ ഡിജിപി ടോമിന്‍ ജെ തച്ചങ്കരിക്ക് നാലുവര്‍ഷം തടവും 30.84 ലക്ഷം രൂപ പിഴയും കോടതി വിധിച്ചു. കോട്ടയം വിജിലന്‍സ് കോടതിയാണ് ശിക്ഷ വിധിച്ചത്. പിഴ അടച്ചില്ലെങ്കില്‍ രണ്ട് മാസം കൂടി ശിക്ഷ അനുഭവിക്കണം. ശിക്ഷ മൂന്നുവര്‍ഷത്തില്‍ കൂടുതലായതിനാല്‍ തച്ചങ്കരിയെ ഉടന്‍ ജയിലിലേക്ക് മാറ്റും.
കേസില്‍ തച്ചങ്കരി കുറ്റക്കാരനാണെന്ന് രാവിലെ കോടതി കണ്ടെത്തിയിരുന്നു. അസുഖബാധിതനാണെന്നും സര്‍ജറി കഴിഞ്ഞതാണെന്നും വീട്ടില്‍ ഒറ്റയ്ക്കാണ് കഴിയുന്നതും ശിക്ഷയില്‍ ഇളവ് നല്‍കണമെന്നും തച്ചങ്കരി നേരത്തെ കോടതിയില്‍ ആവശ്യപ്പെട്ടിരുന്നു. ഏതാനും ദിവസങ്ങള്‍ക്ക് മുന്‍പ് നെഞ്ചുവേദനയുണ്ടായെന്നും അദ്ദേഹം പറഞ്ഞിരുന്നു.
2003 ജനുവരിമുതല്‍ 2007 ജൂലായ്

പശ്ചിമ ബംഗാള്‍ മുര്‍ഷിദാബാദ് സ്വദേശി ബിഷ്ണു മണ്ഡല്‍ (24) ആണ് അറസ്റ്റിലായത്. നിര്‍മാണം നടന്നുകൊണ്ടിരിക്കുന്ന വീട്ടില്‍ നിന്ന് അരലക്ഷത്തോളം വില വരുന്ന വയറിങ് കേബിളുകള്‍ ആണ് മോഷ്ടിച്ചിരുന്നത്. എറണാകുളം പൈങ്ങോട്ടൂരില്‍ നിര്‍മാണത്തിലിരിക്കുന്ന എംഎല്‍എയുടെ തറവാട് വീട്ടിലാണ് മോഷണം നടന്നത്.
ഇലക്ട്രിക് വയറുകളാണ് മോഷ്ടാക്കള്‍ കവര്‍ന്നത്. കെട്ടിടത്തിന്റെ നിര്‍മാണം നടത്തുന്ന കരാറുകാരന്‍ പോലീസില്‍ പരാതി നല്‍കിയിരുന്നു. 50,000 രൂപ വിലവരുന്ന ഇലക്ട്രിക് വയറുകളാണ് മോഷണം പോയതെന്ന് പരാതിയില്‍ പറയുന്നു.ഞായറാഴ്ച വൈകിട്ട് ആറരയോടെയാണ് മോഷണം ഉണ്ടായത്.
ജീന്‍സും ടീഷര്‍ട്ടും ധരിച്ച യുവാവ് വീടിനുള്ളിലേക്ക് കയറുന്നത് സിസിടിവി ദൃശ്യങ്ങളില്‍ വ്യക്തമാണ്. വീടിന്റെ ഇലക്ട്രിക് മെയിന്‍ ബോര്‍ഡിലേക്ക് കണക്ട് ചെയ്ത്