ലക്നൗ: ഉത്തർപ്രദേശിൽ തീർഥാടകർ സഞ്ചരിച്ച ബസിനു മുകളിലേക്ക് ട്രക്ക് മറിഞ്ഞ് 11 പേർ മരിച്ചു. 10 പേർക്ക് പരിക്കേറ്റു. ഷാജഹാൻപൂരിൽ ഇന്നലെ രാത്രിയായിരുന്നു സംഭവം. തീർഥാടകർ സഞ്ചരിച്ച ബസ് യാത്രക്കാർക്ക് ഭക്ഷണം കഴിക്കാനായി വഴിയരികിൽ നിർത്തിയിട്ടിരിക്കുകയായിരുന്നു. ഇതേ സമയം ഗ്രാവലുമായി ഇതുവഴി വന്ന ട്രക്ക് നിയന്ത്രണം വിട്ട് ബസിനു മുകളിലേക്ക് മറിയുകയായിരുന്നു.
സീതാപുരിൽനിന്നും ഉത്തരാഖണ്ഡിലെ പുർണഗിരിയിലേക്ക് തീർഥാടകരുമായ പോയ ബസാണ് അപകടത്തിൽപ്പെട്ടത്. എഴുപതോളം പേരാണ് ബസിലുണ്ടായിരുന്നത്. പരിക്കേറ്റവരെ ഉടൻ തന്നെ സമീപത്തെ ആശുപത്രികളിലെത്തിച്ചു.
