|
ഇതോടെ സംസ്ഥാനത്തെ അടുത്ത മുഖ്യമന്ത്രിയായി അദ്ദേഹം ചുമതലയേല്ക്കാന് വഴിയൊരുങ്ങി. ഡല്ഹിയില് നടന്ന പാര്ട്ടി യോഗത്തിലാണ് ഈ തീരുമാനമുണ്ടായത്. ഏകദേശം ഒരു വര്ഷത്തോളമായി രാഷ്ട്രപതി ഭരണത്തിന് കീഴിലായിരുന്ന മണിപ്പൂരില് തിരഞ്ഞെടുക്കപ്പെട്ട ഒരു സര്ക്കാര് തിരികെ വരുന്നതിലേക്കുള്ള സുപ്രധാന നീക്കമാണിത്.
നിയമസഭാ കക്ഷി നേതാവായി സിംഗിനെ തിരഞ്ഞെടുത്തതോടെ, ബിജെപി ഉടന് തന്നെ ഗവര്ണറെ കണ്ട് സര്ക്കാര് രൂപീകരിക്കാനുള്ള അവകാശവാദം ഉന്നയിക്കും. രാഷ്ട്രീയ അനിശ്ചിതത്വത്തെയും ഭരണപരമായ വെല്ലുവിളികളെയും തുടര്ന്ന് 2025 ഫെബ്രുവരി മുതലാണ് മണിപ്പൂരില് കേന്ദ്രഭരണം ഏര്പ്പെടുത്തിയത്.
ഈ തീരുമാനത്തെ സ്വാഗതം ചെയ്ത ബിജെപി എംഎല്എ തോക്ചോം രാധേശ്യാം സിംഗ്, തിരഞ്ഞെടുക്കപ്പെട്ട ഒരു സര്ക്കാര് വരുന്നത് ഏറെ വൈകിയെങ്കിലും സ്വാഗതാര്ഹമാണെന്ന് പറഞ്ഞു. 'തിരഞ്ഞെടുക്കപ്പെട്ട ഒരു സര്ക്കാര് ഉണ്ടാകുന്നത് നല്ല കാര്യമാണ്. കേന്ദ്ര നേതൃത്വത്തിന്റെ മാര്ഗനിര്ദേശപ്രകാരം യുമ്നം ഖേംചന്ദ് സിംഗിന്റെ നേതൃത്വത്തിലുള്ള പുതിയ മന്ത്രിസഭയ്ക്ക് കീഴില് പ്രശ്നങ്ങള്ക്ക് പരിഹാരം കാണാന് സാധിക്കുമെന്ന് ഞങ്ങള് വിശ്വസിക്കുന്നു,' അദ്ദേഹം പറഞ്ഞു. |
