Subscribe : | Download Font | | RSS | | Get News In Email |
 
  1 POUND=0 INR  1 EURO=0 INR
ukmalayalampathram.com
Fri 19th Jul 2024
30 സെക്കന്റിനുള്ളില്‍ 39 ക്യാനുകള്‍ തകര്‍ത്ത് യുവാവ്

തല കൊണ്ട് ഒരു മെറ്റല്‍ കാന്‍ തകര്‍ക്കുന്നതിനെ കുറിച്ച് ആലോചിക്കാനാവുമോ ഇല്ല അല്ലേ മാത്രമല്ല, ഇനി അങ്ങനെ എങ്ങാനും ചെയ്താല്‍ തന്നെയും തലയ്ക്ക് കാര്യമായി പരിക്കേല്‍ക്കും എന്നല്ലാതെ മറ്റ് വിശേഷമൊന്നും ഉണ്ടാവാന്‍ പോകുന്നില്ല. എന്നാല്‍, പാകിസ്ഥാനില്‍ നിന്നുള്ള മുഹമ്മദ് റാഷിദിന്റെ കാര്യത്തില്‍ ഇപ്പറഞ്ഞതെല്ലാം തെറ്റും. ഏറ്റവും കൂടുതല്‍ ഡ്രിങ്ക് ക്യാനുകള്‍ തല കൊണ്ട് അടിച്ച് പൊട്ടിച്ചതിന് ആയോധന കലാ അധ്യാപകനായ റാഷിദ് ലോക റെക്കോര്‍ഡ് തന്നെ സ്വന്തമാക്കിയിരിക്കുകയാണ്. വെറും 30 സെക്കന്‍ഡിനുള്ളില്‍ 39 ക്യാനുകളാണ് വിജയകരമായി അദ്ദേഹം പൊട്ടിച്ചിരിക്കുന്നത്. 2024 മെയ് 19 -ന് പാകിസ്ഥാനിലെ കറാച്ചിയില്‍ വെച്ചാണ് മുഹമ്മദ് റാഷിദ് റെക്കോര്‍ഡ് സ്ഥാപിച്ചത്. ഗിന്നസ് വേള്‍ഡ് റെക്കോര്‍ഡ് ഇതിന്റെ വീഡിയോയും ഇന്‍സ്റ്റഗ്രാമില്‍ പങ്കുവച്ചിട്ടുണ്ട്. അതില്‍ മെറ്റല്‍ ഡ്രിങ്ക് ക്യാനുകള്‍ വച്ചിരിക്കുന്ന ഒരു നീണ്ട മേശ കാണാം. ആ നിരത്തിവച്ചിരിക്കുന്ന ക്യാനുകളിലോരോന്നും അയാള്‍ തന്റെ തലകൊണ്ട് ഇടിച്ച് പൊട്ടിക്കുന്നതും കാണാം.

വളരെ പെട്ടെന്നാണ് ഇതിന്റെ വീഡിയോ സോഷ്യല്‍ മീഡിയയില്‍ ശ്രദ്ധിക്കപ്പെട്ടത്. ഒരുപാട് പേര്‍ വീഡിയോയ്ക്ക് കമന്റുകളുമായി എത്തി. മിക്കവരും ഇയാളുടെ കഴിവിനെ അഭിനന്ദിച്ചു. എന്നാല്‍, ഇതുവഴി വലിയ അപകടം തന്നെ ഇയാള്‍ക്കുണ്ടായേക്കാം എന്നു പറഞ്ഞവരും കുറവല്ല. ഇത്തരത്തില്‍, ഒരാളുടെ ആരോഗ്യത്തെ തന്നെയും അപകടത്തിലാക്കുന്ന സംഭവങ്ങള്‍ ഗിന്നസ് വേള്‍ഡ് റെക്കോര്‍ഡ് പ്രോത്സാഹിപ്പിക്കുന്നത് ശരിയല്ല എന്നാണ് അവര്‍ അഭിപ്രായപ്പെട്ടത്. നേരത്തെയും വിചിത്രമായ പല കാര്യങ്ങളും ചെയ്തുകൊണ്ട് ആളുകള്‍ ഇതുപോലെ ഗിന്നസ് വേള്‍ഡ് റെക്കോര്‍ഡ് നേടിയിട്ടുണ്ട്. ഒരു മണിക്കൂര്‍ കൊണ്ട് 1100 -ലധികം മരങ്ങളെ കെട്ടിപ്പിടിച്ചുകൊണ്ട് ഗിന്നസ് വേള്‍ഡ് റെക്കോര്‍ഡില്‍ ഇടം നേടിയ ഘാനയില്‍ നിന്നുള്ള 29 -കാരനായ അബൂബക്കര്‍ താഹിരുവും സോഷ്യല്‍ മീഡിയയില്‍ ശ്രദ്ധ പിടിച്ചുപറ്റിയിരുന്നു.

 
Other News in this category

  • 30 സെക്കന്റിനുള്ളില്‍ 39 ക്യാനുകള്‍ തകര്‍ത്ത് യുവാവ്
  • യുപിയില്‍ വിവാഹത്തില്‍ നിന്ന് വധു പിന്‍മാറി, കാരണം രസകരം
  • വെള്ളം ചവിട്ടാതെ റോഡ് മുറിച്ചുകടക്കാന്‍ ശ്രമം, നടുവുംതല്ലി റോഡില്‍
  • അമൂലിന്റെ മോര് പാക്കറ്റിനൊപ്പം നുരയ്ക്കുന്ന പുഴുക്കളും
  • ജപ്പാന്‍ യുവതിയുടെ വിഡിയോ വൈറല്‍




  •  
    Close Window