ലണ്ടന്‍: റെക്കോര്‍ഡ് ചൂട് അനുഭവപ്പെട്ട വേനല്‍ക്കാലത്തിനു പിന്നാലെ ഇംഗ്ലണ്ടിലെ ആറ് മേഖലകളില്‍ കടുത്ത വരള്‍ച്ച പ്രഖ്യാപിച്ചു. ഡെവണ്‍, കോണ്‍വാള്‍, ഡോര്‍സെറ്റ്, സോമര്‍സെറ്റ്, ഈസ്റ്റ് സസെക്‌സ്, വെസ്റ്റ് സസെക്‌സ് എന്നിവിടങ്ങളിലാണ് പ്രതിസന്ധി രൂക്ഷമായത്. തെക്കുകിഴക്കന്‍, തെക്കുപടിഞ്ഞാറന്‍ ഇംഗ്ലണ്ടിലെ ജലസംഭരണികളില്‍ വെള്ളത്തിന്റെ അളവ് ഗണ്യമായി കുറഞ്ഞതോടെ പൊതുജലവിതരണം തടസ്സപ്പെടുമെന്ന ആശങ്ക ശക്തമായി. ഏപ്രില്‍ മുതല്‍ സെപ്റ്റംബര്‍ വരെയുള്ള കാലയളവില്‍ ഒരു നൂറ്റാണ്ടിലേറെയായി രേഖപ്പെടുത്തിയതില്‍ ഏറ്റവും വരണ്ട കാലാവസ്ഥയാണ് ഇത്തവണ അനുഭവപ്പെട്ടത്. കാലാവസ്ഥാ വ്യതിയാനവും വരള്‍ച്ചയുടെ തീവ്രത വര്‍ധിപ്പിക്കുന്ന പ്രധാന ഘടകമായി ചൂണ്ടിക്കാട്ടപ്പെടുന്നു.

ലണ്ടന്‍: ഈ മാസം അവസാനം അവതരിപ്പിക്കാനിരിക്കുന്ന യുകെ ബജറ്റില്‍ ബാങ്കിങ് മേഖലയ്ക്ക് അധിക നികുതി ചുമത്തിയേക്കുമെന്ന് റിപ്പോര്‍ട്ട്. മുതിര്‍ന്ന ബാങ്കിങ് ഉദ്യോഗസ്ഥരെ ഉദ്ധരിച്ച് ബിബിസിയാണ് ഇക്കാര്യം റിപ്പോര്‍ട്ട് ചെയ്തത്. സര്‍ക്കാരിന്റെ വരുമാനം വര്‍ധിപ്പിക്കുന്നതിനായി നിലവിലുള്ള ബാങ്ക് നികുതികളില്‍ മാറ്റം വരുത്തുന്നതാണ് പരിഗണനയിലുള്ളതെന്നാണ് വിവരം. ഈ വര്‍ഷത്തെ ആദ്യ ആറുമാസത്തിനിടെ രാജ്യത്തെ ഏറ്റവും വലിയ നാല് ബാങ്കുകള്‍ ചേര്‍ന്ന് ഏകദേശം 1,500 കോടി പൗണ്ട് ലാഭം നേടിയ സാഹചര്യത്തിലാണ് അധിക നികുതിയെന്ന ആവശ്യം ശക്തമായത്. ഉയര്‍ന്ന പലിശനിരക്കിലൂടെ നേട്ടമുണ്ടാക്കിയ ബാങ്കുകള്‍ കൂടുതല്‍ നികുതി നല്‍കണമെന്ന് ട്രേഡ് യൂണിയനുകള്‍ ആവശ്യപ്പെടുന്നു. അതേസമയം, നികുതി

ടെക്‌സസ്: പാറപോലുള്ള ആവരണത്തിനുള്ളില്‍ കണ്ടെത്തിയ 'ലണ്ടന്‍ ഹാമര്‍' ദിനോസറുകളുടെ കാലത്ത് മനുഷ്യര്‍ ജീവിച്ചിരുന്നതിന്റെ തെളിവാണെന്ന വാദത്തിന് ശാസ്ത്രീയ പിന്തുണയില്ല. താരതമ്യേന ആധുനികമായ ചുറ്റികയ്ക്കു ചുറ്റും ധാതുക്കള്‍ അടിഞ്ഞുകൂടിയതാകാമെന്നാണ് യുക്തിസഹമായ വിശദീകരണം. പ്രചാരത്തിലുള്ള കണ്ടെത്തല്‍വിവരണമനുസരിച്ച്, 1936ല്‍ അമേരിക്കയിലെ ടെക്‌സസിലുള്ള ലണ്ടന്‍ പ്രദേശത്തിനു സമീപത്തുനിന്നാണ് മാക്‌സ് ഹാനും ഭാര്യ എമ്മയും ഈ വസ്തു കണ്ടെത്തിയത്. കല്ലില്‍നിന്ന് മരക്കഷണം പുറത്തേക്കു നീണ്ടുനില്‍ക്കുന്നത് ശ്രദ്ധിച്ച ഇവര്‍ അത് വീട്ടിലെത്തിച്ചു. പിന്നീട് കല്ല് പൊട്ടിച്ചപ്പോള്‍ ഉള്ളില്‍ ലോഹച്ചുറ്റിക കണ്ടെത്തുകയായിരുന്നു.

Full Story

ലണ്ടന്‍: ഇംഗ്ലണ്ടിലും വെയില്‍സിലും ഹിന്ദുക്കളെ ലക്ഷ്യമിട്ടുള്ള മതവിദ്വേഷ കുറ്റകൃത്യങ്ങളില്‍ 15 ശതമാനം വര്‍ധനയുണ്ടായതായി ബ്രിട്ടീഷ് ആഭ്യന്തര മന്ത്രാലയത്തിന്റെ കണക്കുകള്‍ ഉദ്ധരിച്ചുള്ള റിപ്പോര്‍ട്ട്. മുസ്ലിം, ജൂത, സിഖ്, ക്രിസ്ത്യന്‍ വിഭാഗങ്ങള്‍ക്കെതിരായ കുറ്റകൃത്യങ്ങളിലും വര്‍ധന രേഖപ്പെടുത്തി. 2026 മാര്‍ച്ചില്‍ അവസാനിച്ച ഒരു വര്‍ഷത്തിനിടെ പൊലീസ് ആകെ 1,46,825 വിദ്വേഷ കുറ്റകൃത്യങ്ങളാണ് രേഖപ്പെടുത്തിയത്. മുന്‍വര്‍ഷത്തെ അപേക്ഷിച്ച് ഏഴ് ശതമാനമാണ് വര്‍ധന. ഇതില്‍ മതവിദ്വേഷവുമായി ബന്ധപ്പെട്ട കേസുകള്‍ 13 ശതമാനം ഉയര്‍ന്ന് 11,419 ആയി.

മുസ്ലിംകള്‍ക്കെതിരായ വിദ്വേഷ കുറ്റകൃത്യങ്ങള്‍ 15 ശതമാനവും ജൂതര്‍ക്കെതിരായവ പത്ത് ശതമാനവും

ലണ്ടന്‍: ഇന്ത്യന്‍ വംശജനായ പൊലീസ് ഉദ്യോഗസ്ഥന്‍ ഹര്‍മാന്‍ സിങ്ങിനെതിരെ ബലാത്സംഗശ്രമം ഉള്‍പ്പെടെയുള്ള ഗുരുതര കുറ്റങ്ങള്‍ ചുമത്തി കേസ്. മെട്രോപൊളിറ്റന്‍ പൊലീസിന്റെ നോര്‍ത്ത് ഏരിയ കമാന്‍ഡ് യൂണിറ്റില്‍ കോണ്‍സ്റ്റബിളായി പ്രവര്‍ത്തിച്ചിരുന്ന ഇയാളെ ഔദ്യോഗിക ചുമതലകളില്‍നിന്ന് സസ്പെന്‍ഡ് ചെയ്തു.

ഇരുപതുകളിലുള്ള യുവതിയുടെ പരാതിയിലാണ് നടപടി. 2026 ജനുവരിയില്‍ നടന്നതായി പരാതിയില്‍ പറയുന്ന സംഭവവുമായി ബന്ധപ്പെട്ട് ജനുവരി 10ന് സിങ്ങിനെ അറസ്റ്റ് ചെയ്തിരുന്നു. ബലാത്സംഗശ്രമം, രണ്ട് ലൈംഗികാതിക്രമ ആരോപണങ്ങള്‍ എന്നിവയുടെ അടിസ്ഥാനത്തിലായിരുന്നു അറസ്റ്റ്. തുടര്‍ന്ന് അന്വേഷണം തുടരുന്നതിനായി ഇയാളെ ജാമ്യത്തില്‍ വിട്ടയച്ചു.