വാലാസി വില്ലേജിലെ മെര്‍സിസൈഡില്‍ ഒരു പബ്ബില്‍ തോക്കുധാരിയുടെ വെടിവയ്പ്പില്‍ 26 കാരി കൊല്ലപ്പെട്ടു. നാല് പേര്‍ക്ക് പരിക്കേറ്റു, ഇതില്‍ ഒരാളുടെ നില ഗുരുതരമാണ്.ക്രിസ്മസ് രാവില്‍ ആണ് സംഭവം. ഷൂട്ടിംഗിനെത്തുടര്‍ന്ന് ആശുപത്രിയില്‍ പ്രവേശിപ്പിച്ച ശേഷം ആണ് യുവതി മരിച്ചതെന്ന് പോലീസ് പറഞ്ഞു. സഹോദരിക്കും സുഹൃത്തുക്കള്‍ക്കുമൊപ്പം പുറത്തുപോയ ഇരയെ ലക്ഷ്യം വച്ചതായി വിശ്വസിക്കുന്നില്ലെന്ന് മെര്‍സിസൈഡ് പോലീസ് പറഞ്ഞു. ശനിയാഴ്ച രാത്രി 11:50 ന് വിറലിലെ വാലസെ വില്ലേജിലെ ലൈറ്റ്ഹൗസിന്റെ മുന്‍വശത്തെ കവാടത്തിന് നേരെ തോക്കുധാരി വെടിയുതിര്‍ത്തതായി പോലീസ് പറഞ്ഞു. യുവതിയുടെ തലയ്ക്കാണ് വെടിയേറ്റത്. ആരോപാര്‍ക്ക് ആശുപത്രിയിലേക്ക് കൊണ്ടുപോയ ശേഷം ആണ് യുവതി മരണമടഞ്ഞത്. നാല് പുരുഷന്മാര്‍ക്കും പരിക്കേറ്റു, അവരില്‍ ഒരാളായ ബീച്ച്വുഡില്‍ നിന്നുള്ള 28 കാരന്‍ ഗുരുതരാവസ്ഥയിലാണ്. ബീച്ച്വുഡ് സ്വദേശിയായ മറ്റൊരു 22കാരന് കാലുകള്‍ക്ക് വെടിയേറ്റു, വാലസിയില്‍ നിന്നുള്ള 24കാരന് കൈക്കും 33കാരന് കൈത്തണ്ടയ്ക്കും ആണ് വെടിയേറ്റത്. പത്രസമ്മേളനത്തില്‍ സംസാരിച്ച മെര്‍സിസൈഡ് പോലീസ് അസിസ്റ്റന്റ് ചീഫ് കോണ്‍സ്റ്റബിള്‍ ജെന്നി സിംസ് പറഞ്ഞു: 'ഞങ്ങളുടെ അന്വേഷണം പൊതുജനങ്ങളില്‍ നിന്ന് ഞങ്ങള്‍ക്ക് ലഭിക്കുന്ന വിവരങ്ങളെ ആശ്രയിച്ചിരിക്കും, ഞങ്ങളെ സഹായിക്കാന്‍ കഴിയുന്ന എന്തെങ്കിലും വിവരമുള്ള പൊതുജനങ്ങളോടും പ്രാദേശിക സമൂഹത്തോടും അഭ്യര്‍ത്ഥിക്കുന്നു. മുന്നോട്ട് വരൂ, അങ്ങനെ ക്രിസ്മസിന് ഒരു യുവതിയുടെ ഈ ദാരുണമായ കൊലപാതകത്തിന് ഉത്തരവാദികളായവരെ നമുക്ക് നിയമത്തിന് മുന്നില്‍ കൊണ്ടുവരാം'. കഴിഞ്ഞ വര്‍ഷം മെര്‍സിസൈഡില്‍ നടന്ന തോക്ക് മരണങ്ങള്‍ക്ക് ശേഷം, തോക്കും കത്തിയും മൂലമുള്ള കുറ്റകൃത്യങ്ങള്‍ വെട്ടിക്കുറയ്ക്കുന്നതിനുള്ള ഒരു പൈലറ്റ് സ്‌കീം മേഖലയിലുടനീളം നടപ്പിലാക്കുന്നതിനായി സര്‍ക്കാര്‍ 350,000 പൗണ്ട് അനുവദിച്ചിരുന്നു.