|
ഇന്ത്യയും യൂറോപ്യന് യൂണിയനുമായുള്ള ചരിത്രപ്രധാനമായ സ്വതന്ത്ര വ്യാപാര കരാര് പ്രഖ്യാപിച്ച വേളയില്, തന്റെ ഇന്ത്യന് വേരുകള് അനുസ്മരിച്ച് യൂറോപ്യന് കൗണ്സില് പ്രസിഡന്റ് അന്റോണിയോ കോസ്റ്റ. തന്റെ ഒസിഐ (OCI) കാര്ഡ് പ്രദര്ശിപ്പിച്ച അദ്ദേഹം, ഈ കരാര് തന്നെ സംബന്ധിച്ചിടത്തോളം 'പ്രത്യേക അര്ത്ഥമുള്ള ഒന്നാണെന്നും' പറഞ്ഞു.
തന്റെ കുടുംബത്തിന് ഗോവയുമായുള്ള ബന്ധത്തെക്കുറിച്ച് കോസ്റ്റ വാചാലനായി. 'ഞാന് യൂറോപ്യന് കൗണ്സില് പ്രസിഡന്റാണ്, ഒപ്പം ഒരു ഓവര്സീസ് ഇന്ത്യന് സിറ്റിസണ് കൂടിയാണ്. അതുകൊണ്ടുതന്നെ ഈ നിമിഷത്തിന് എന്നെ സംബന്ധിച്ചിടത്തോളം പ്രത്യേക പ്രാധാന്യമുണ്ട്. എന്റെ പിതാവിന്റെ കുടുംബം ഗോവയില് നിന്നുള്ളവരാണ്. ആ വേരുകളില് ഞാന് അഭിമാനിക്കുന്നു,' അദ്ദേഹം പറഞ്ഞു. |
