തിരുവനന്തപുരം: സംസ്ഥാനത്തെ തദ്ദേശ സ്ഥാപനങ്ങളിലേക്കുള്ള തെരഞ്ഞെടുപ്പ് തീയതി പ്രഖ്യാപിച്ചു. രണ്ട് ഘട്ടങ്ങളിലായാണ് വോട്ടെടുപ്പ് നടക്കുക. തിരുവനന്തപുരം മുതല്‍ എറണാകുളം വരെയുള്ള ഏഴ് ജില്ലകളില്‍ ഡിസംബര്‍ 9-നാണ് വോട്ടെടുപ്പ്. തൃശൂര്‍ മുതല്‍ കാസര്‍ഗോഡ് വരെയുള്ള ഏഴ് ജില്ലകളില്‍ വോട്ടെടുപ്പ് ഡിസംബര്‍ 11-ന്. വോട്ടെണ്ണല്‍ ഡിസംബര്‍ 13-ന് ശനിയാഴ്ച നടക്കും.

തീയതി പ്രഖ്യാപിച്ചതോടെ, മട്ടന്നൂര്‍ നഗരസഭ ഒഴികെയുള്ള എല്ലാ തദ്ദേശ സ്ഥാപനങ്ങളിലും മാതൃകാ പെരുമാറ്റച്ചട്ടം നിലവില്‍ വന്നതായി സംസ്ഥാന തെരഞ്ഞെടുപ്പ് കമ്മീഷണര്‍ എ ഷാജഹാന്‍ അറിയിച്ചു. മട്ടന്നൂര്‍ നഗരസഭയുടെ കാലാവധി അവസാനിച്ചിട്ടില്ലാത്തതിനാല്‍ അവിടെ തെരഞ്ഞെടുപ്പ് നടക്കില്ല.

വര്‍ക്കല: കേരളത്തിലെ പ്രകൃതിസൗന്ദര്യവും ശാന്തതയും പ്രശംസിച്ച് വിദേശ സഞ്ചാരി എമ്മയുടെ വാക്കുകള്‍ സോഷ്യല്‍ മീഡിയയില്‍ ശ്രദ്ധേയമാകുന്നു. വര്‍ക്കല സന്ദര്‍ശിച്ച എമ്മ, ''ഇത് സിനിമയില്‍ നിന്ന് ഇറങ്ങി വന്നതുപോലുള്ള അനുഭവമാണ്'' എന്ന അഭിപ്രായം പങ്കുവെച്ചതോടെയാണ് ചര്‍ച്ചകള്‍ ആരംഭിച്ചത്.

''ഇന്ത്യയിലേക്ക് പോകരുത്, അവിടം വൃത്തിയില്ലാത്തതും തട്ടിപ്പുകള്‍ നിറഞ്ഞതുമാണ്'' എന്നായിരുന്നു പലരും പറഞ്ഞത്. എന്നാല്‍ അതല്ല ഇന്ത്യയുടെ പൂര്‍ണചിത്രമെന്ന് കാണിക്കാന്‍ താനിവിടെ എത്തിയിരിക്കുകയാണെന്ന് എമ്മ പറയുന്നു. വര്‍ക്കല ക്ലിഫ്, ഈന്തപ്പനകള്‍, തിരമാലകള്‍, സൂര്യാസ്തമയങ്ങള്‍ എന്നിവയെക്കുറിച്ചുള്ള എമ്മയുടെ വിവരണം കേരളത്തെക്കുറിച്ചുള്ള

ന്യൂഡല്‍ഹി: അഹമ്മദാബാദില്‍ നിന്നു കഴിഞ്ഞ ദിവസം അറസ്റ്റിലായ ഡോക്ടര്‍ അഹമ്മദ് മുഹയുദ്ദീന്‍ സയീദ് അതിമാരകമായ റൈസിന്‍ വിഷം തയ്യാറാക്കിയതായി ഗുജറാത്ത് ഭീകരവിരുദ്ധ സേന (എടിഎസ്). ഡല്‍ഹി, അഹമ്മദാബാദ്, ലഖ്‌നൗ എന്നീ നഗരങ്ങളിലെ തിരക്കേറിയ പൊതുഭക്ഷ്യചന്തകളില്‍ ഭീകരര്‍ നിരീക്ഷണം നടത്തിയിരുന്നുവെന്നും എടിഎസ് വ്യക്തമാക്കി.

ഡല്‍ഹിയിലെ ആസാദ്പൂര്‍ മണ്ടി, അഹമ്മദാബാദിലെ നരോദ പഴച്ചന്ത, ലഖ്‌നൗവിലെ ആര്‍എസ്എസ് ഓഫീസ് എന്നിവിടങ്ങളിലാണ് കഴിഞ്ഞ ആറുമാസത്തിനിടെ ഡോക്ടര്‍ നിരീക്ഷണം നടത്തിയിരുന്നത്. ജനത്തിരക്കും പൊതുജന സാന്നിധ്യവും കൂടുതലുള്ള സ്ഥലങ്ങളാണ് ലക്ഷ്യമിട്ടതെന്ന് അന്വേഷണ സംഘം വിലയിരുത്തുന്നു. വിഷപദാര്‍ത്ഥങ്ങളോ സ്ഫോടകവസ്തുക്കളോ

കൊച്ചി: സര്‍ക്കാര്‍ നടപടികളെ വിമര്‍ശിച്ചതിന്റെ പേരില്‍ പൗരന്മാരുടെ അഭിപ്രായ സ്വാതന്ത്ര്യം നിയന്ത്രിക്കാനാകില്ലെന്ന് ഹൈക്കോടതി വ്യക്തമാക്കി. ഭരണഘടന ഈ സ്വാതന്ത്ര്യം ഉറപ്പുനല്‍കുന്നുവെന്നും, വിമര്‍ശനത്തിനുള്ള അവകാശം അതിലുള്‍പ്പെടുന്നതാണെന്നും ജസ്റ്റിസ് വി.ജി. അരുണ്‍ അധ്യക്ഷനായ ബെഞ്ച് ചൂണ്ടിക്കാട്ടി.

ചിന്തിക്കാനും പ്രതികരിക്കാനും പൗരന്‍ അവകാശപ്പെട്ടവനാണ്. സര്‍ക്കാരിനെതിരായ വിമര്‍ശനങ്ങളും വിയോജിപ്പുകളും അഭിപ്രായ സ്വാതന്ത്ര്യം നിയന്ത്രിക്കുന്നതിന് മതിയായ കാരണമല്ലെന്ന് കോടതി വ്യക്തമാക്കി.

മുഖ്യമന്ത്രിയുടെ ദുരിതാശ്വാസനിധിയിലേക്ക് സംഭാവന നല്കരുതെന്നും നേരിട്ട്

പാലക്കാട്: നിയന്ത്രണം വിട്ട കാര്‍ വയലിലേക്ക് മറിഞ്ഞ് മൂന്ന് യുവാക്കള്‍ ദുഃഖകരമായി മരിച്ചു. പാലക്കാട് കാടാംകോട് കനാല്‍ പാലത്തിന് സമീപം രാത്രി 11 മണിയോടെയാണ് അപകടം നടന്നത്.

പാലക്കാട് നൂറടി റോഡ് സ്വദേശി രഞ്ജിത്തിന്റെ മകന്‍ റോഹന്‍ (24), നൂറണി സ്വദേശി സന്തോഷിന്റെ മകന്‍ റോഹന്‍ സന്തോഷ് (22), യാക്കര സ്വദേശി ശാന്തകുമാറിന്റെ മകന്‍ സനൂഷ് (19) എന്നിവരാണ് മരിച്ചത്.

കാര്‍ ഓടിച്ചിരുന്ന ആദിത്യന്‍ (23), കാറിലുണ്ടായിരുന്ന ഋഷി (24), ജിതിന്‍ (21) എന്നിവര്‍ക്ക് പരിക്കേറ്റു. ഇവരെ ജില്ലാ ആശുപത്രിയില്‍ പ്രവേശിപ്പിച്ചിരിക്കുകയാണ്. സുഹൃത്തുക്കളായ ആറു പേരാണ് കാറിലുണ്ടായിരുന്നത്. ഇവര്‍ ചിറ്റൂരില്‍ പോയി പാലക്കാട്ടേക്ക്

കോഴിക്കോട്: ദുബൈയില്‍ ഫോട്ടോ എടുക്കുന്നതിനിടെ കെട്ടിടത്തില്‍ നിന്ന് വീണ് കോഴിക്കോട് സ്വദേശി യുവാവ് മരിച്ചു. വെള്ളിപറമ്പ് സ്വദേശി മുഹമ്മദ് മിശാല്‍ (19) ആണ് ദുഃഖകരമായി മരിച്ചത്.

സംഭവം ദുബൈയില്‍ വച്ചാണ് നടന്നത്. ഫോട്ടോ എടുക്കുന്നതിനിടെ കെട്ടിടത്തില്‍ നിന്ന് വീണ മിശാലിന് ഗുരുതരമായി പരിക്കേറ്റതോടെ ഉടന്‍ ദുബൈ റാഷിദ് ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല. സന്ദര്‍ശക വിസയില്‍ ദുബൈയില്‍ എത്തിയതായിരുന്നു മിശാല്‍.

പാലക്കാട്: നേത്രാവതി എക്സ്പ്രസില്‍ യാത്ര ചെയ്യുന്നതിനിടെ മുംബൈ സ്വദേശിയായ യുവാവിന് തിളച്ച വെള്ളം ഒഴിച്ച് പൊള്ളലേല്‍പ്പിച്ച സംഭവത്തില്‍ പാന്‍ട്രികാര്‍ ജീവനക്കാരന്‍ അറസ്റ്റില്‍. ഉത്തര്‍പ്രദേശ് സ്വദേശിയായ രാഗവേന്ദ്ര സിങ്ങിനെയാണ് ഷൊര്‍ണൂര്‍ റെയില്‍വേ പൊലീസ് അറസ്റ്റ് ചെയ്തത്.

24 വയസ്സുള്ള അഭിഷേക് ബാബുവാണ് ആക്രമണത്തില്‍ പരിക്കേറ്റത്. മുംബൈയില്‍ നിന്നും സുഹൃത്തുക്കളോടൊപ്പം തൃശൂരിലെ സുഹൃത്തിന്റെ വീട്ടിലേക്കുള്ള യാത്രയ്ക്കിടെയായിരുന്നു സംഭവം. വ്യാഴാഴ്ച രാത്രിയില്‍ കുടിവെള്ളം വാങ്ങുന്നതുമായി ബന്ധപ്പെട്ട തര്‍ക്കമാണ് ആക്രമണത്തിലേക്ക് വഴിമാറിയത്. 15 രൂപയുടെ കുപ്പിവെള്ളത്തിനായി 200 രൂപ നല്‍കിയതോടെയാണ് തര്‍ക്കം