|
2024 ഒളിമ്പിക്‌സ് മത്സരങ്ങളില്‍ പുരുഷന്മാരുടെ 57 കിലോഗ്രാം ഫ്രീ-സ്‌റ്റൈല്‍ വിഭാഗത്തില്‍ പ്യൂര്‍ട്ടോറിക്കോയുടെ ഡാരിയന്‍ ക്രൂസിനെ പരാജയപ്പെടുത്തി ഗുസ്തി താരം അമന്‍ ഷെരാവത്ത് വെങ്കലം നേടി. ഒളിംപിക്‌സിലെ ഇന്ത്യയുടെ ആറാം മെഡലാണ് ഇത്. വ്യാഴാഴ്ച ഇന്ത്യന്‍ സംഘം രണ്ട് മെഡലുകള്‍ കൂടി തങ്ങളുടെ പട്ടികയില്‍ ചേര്‍ത്തിരുന്നു. പാരീസ് ഒളിമ്പിക്സില്‍ ഇന്ത്യന്‍ ഷൂട്ടര്‍മാര്‍ നേരത്തെ നേടിയ മൂന്ന് വെങ്കല മെഡലുകള്‍ക്ക് പുറമേ, നീരജ് ചോപ്രയും ഇന്ത്യന്‍ പുരുഷ ഹോക്കി ടീമും യഥാക്രമം ഒരു വെള്ളിയും ഒരു വെങ്കലവും കരസ്ഥമാക്കിയിരുന്നു. |
