ന്യൂഡല്‍ഹി: വിദേശസംഭാവന ഉപയോഗിച്ചുള്ള മതപരിവര്‍ത്തന പ്രവര്‍ത്തനങ്ങള്‍ കര്‍ശനമായി വിലക്കി കേന്ദ്രസര്‍ക്കാര്‍ എഫ്സിആര്‍എ ചട്ടങ്ങള്‍ ഭേദഗതി ചെയ്തു. വിദേശസംഭാവന സ്വീകരിക്കുന്ന സന്നദ്ധസംഘടനകളുടെ രജിസ്‌ട്രേഷന്‍, പ്രവര്‍ത്തനമേഖല, ഫണ്ട് വിനിയോഗം, റിപ്പോര്‍ട്ടിങ് എന്നിവയില്‍ കൂടുതല്‍ കര്‍ശനമായ മാനദണ്ഡങ്ങളാണ് പുതിയ ചട്ടങ്ങളില്‍ ഉള്‍പ്പെടുത്തിയിരിക്കുന്നത്. മതപരമായ ലക്ഷ്യങ്ങളോടെ എഫ്സിആര്‍എ രജിസ്‌ട്രേഷന് അര്‍ഹമായ പ്രവര്‍ത്തനങ്ങളുടെ പ്രത്യേക പട്ടികയും ചട്ടഭേദഗതിയില്‍ ഉള്‍പ്പെടുത്തി. മതവിദ്യാഭ്യാസം, ധാര്‍മികബോധവത്കരണം, സത്സംഗങ്ങള്‍, മതപ്രഭാഷണങ്ങള്‍, ധ്യാനക്യാമ്പുകള്‍, ഭക്തിഗാന-കലാപരിപാടികള്‍ തുടങ്ങിയവ നടത്താമെങ്കിലും മതപരിവര്‍ത്തനമോ

കൊച്ചി: തിരുവനന്തപുരം കോര്‍പ്പറേഷനിലെ സത്യപ്രതിജ്ഞാ വിവാദത്തില്‍ ബിജെപിക്ക് തിരിച്ചടി. ദേവതകളുടെയും ബലിദാനികളുടെയും ഭാരതാംബയുടെയും പേരില്‍ സത്യപ്രതിജ്ഞ ചെയ്ത 20 ബിജെപി കൗണ്‍സിലര്‍മാരുടെ പ്രതിജ്ഞ കേരള ഹൈക്കോടതി അസാധുവാക്കി. നാലാഴ്ചയ്ക്കകം നിയമത്തില്‍ നിര്‍ദേശിച്ചിരിക്കുന്ന മാതൃകയില്‍ വീണ്ടും സത്യപ്രതിജ്ഞ ചെയ്യണമെന്നും കോടതി ഉത്തരവിട്ടു. കോര്‍പ്പറേഷനിലെ സിപിഎം പാര്‍ലമെന്ററി പാര്‍ട്ടി നേതാവും കൗണ്‍സിലറുമായ എസ്.പി. ദീപക് നല്‍കിയ ഹര്‍ജിയിലാണ് ജസ്റ്റിസ് പി.വി. കുഞ്ഞിക്കൃഷ്ണന്റെ ഉത്തരവ്. കേരള മുനിസിപ്പാലിറ്റി നിയമം, 1994-ലെ സെക്ഷന്‍ 143-ഉം മൂന്നാം ഷെഡ്യൂളും അനുസരിച്ച് തിരഞ്ഞെടുക്കപ്പെടുന്ന കൗണ്‍സിലര്‍ ചുമതലയേല്‍ക്കുന്നതിനുമുമ്പ് 'ദൈവനാമത്തില്‍'

തിരുവനന്തപുരം: സംസ്ഥാനത്ത് പി.എം. ശ്രീ പദ്ധതി നടപ്പാക്കാനുള്ള നീക്കത്തിലും വീര്യം കുറഞ്ഞ മദ്യപാനീയങ്ങളുടെ നികുതി കുറയ്ക്കാനുള്ള ബജറ്റ് നിര്‍ദേശത്തിലും ശക്തമായ വിയോജിപ്പ് അറിയിച്ച് മുസ്ലിം ലീഗ്. ഇരു വിഷയങ്ങളിലുമുള്ള ആശങ്കകള്‍ പാര്‍ട്ടി നേതൃത്വം മുഖ്യമന്ത്രി വി.ഡി. സതീശനെ ഔദ്യോഗികമായി അറിയിച്ചു. ബജറ്റ് ചര്‍ച്ചയ്ക്കുള്ള മറുപടി പ്രസംഗത്തില്‍ മുഖ്യമന്ത്രി ആശങ്കകള്‍ക്ക് വ്യക്തമായ പരിഹാരം കാണുമെന്നാണ് ലീഗ് വൃത്തങ്ങളുടെ പ്രതീക്ഷ. അനുയോജ്യമായ വേദികളില്‍ ഉചിതമായ രീതിയില്‍ പാര്‍ട്ടി നിലപാട് ഉന്നയിക്കുമെന്ന് മുസ്ലിം ലീഗ് സംസ്ഥാന ജനറല്‍ സെക്രട്ടറി പി.എം.എ. സലാം വ്യക്തമാക്കി. ഭരണത്തിന്റെ തുടക്കത്തില്‍ത്തന്നെ മുഖ്യമന്ത്രിയുമായി നേരിട്ടുള്ള ഏറ്റുമുട്ടലിന് ലീഗ്

കൊല്ലം: കൊട്ടാരക്കര നീലേശ്വരത്ത് നിയന്ത്രണംവിട്ട ടിപ്പര്‍ ലോറി ബസ് സ്റ്റോപ്പിലേക്ക് പാഞ്ഞുകയറി മറിഞ്ഞുണ്ടായ അപകടത്തില്‍ പത്താം ക്ലാസ് വിദ്യാര്‍ഥി ഉള്‍പ്പെടെ മൂന്നുപേര്‍ മരിച്ചു. അഞ്ചുപേര്‍ക്ക് പരുക്കേറ്റു. പരുക്കേറ്റവരില്‍ മൂന്നുപേരുടെ നില ഗുരുതരമാണ്. കുടവട്ടൂര്‍ ലക്ഷ്മി കോട്ടേജില്‍ ഹരിലാല്‍ (54), കാര്‍മല്‍ സ്‌കൂളിലെ പത്താം ക്ലാസ് വിദ്യാര്‍ഥി പാര്‍ഥിപ് (15), നീലേശ്വരം മുക്കോണിമുക്ക് സ്വദേശി അജയകുമാര്‍ എന്നിവരാണ് മരിച്ചത്. ട്യൂട്ടോറിയല്‍ അധ്യാപകനായ ഹരിലാലും മകനെ ബസ് കയറ്റിവിടാനെത്തിയ അജയകുമാറും അപകടസമയത്ത് ബസ് സ്റ്റോപ്പിന് സമീപത്തുണ്ടായിരുന്നു. റിഷബ് (15), കൗശിക് (15), നവനീത് കൃഷ്ണന്‍ (13), ജിബിമോള്‍ (15), ടിപ്പര്‍ ലോറി ഡ്രൈവര്‍ നിസാം (40) എന്നിവര്‍ക്കാണ്

തിരുവനന്തപുരം: സംസ്ഥാന ബജറ്റില്‍ പ്രഖ്യാപിച്ച വീര്യം കുറഞ്ഞ മദ്യത്തിനുള്ള നികുതിയിളവിനെച്ചൊല്ലി നിയമസഭയില്‍ ഭരണ-പ്രതിപക്ഷ ഏറ്റുമുട്ടല്‍. പുതിയ നികുതിഘടന അന്താരാഷ്ട്ര മദ്യക്കമ്പനിയായ ബക്കാര്‍ഡിക്ക് നേട്ടമുണ്ടാക്കുന്നതിനാണെന്നും തീരുമാനത്തിനു പിന്നില്‍ അഴിമതിയുണ്ടെന്നും പ്രതിപക്ഷ നേതാവ് പിണറായി വിജയന്‍ ആരോപിച്ചു. മുന്‍ എല്‍ഡിഎഫ് സര്‍ക്കാരിന്റെ കാലത്തും നികുതിയിളവ് ആവശ്യപ്പെട്ട് ബക്കാര്‍ഡി കമ്പനി രണ്ടുതവണ സര്‍ക്കാരിനെ സമീപിച്ചിരുന്നതായി പിണറായി വിജയന്‍ സഭയില്‍ പറഞ്ഞു. എന്നാല്‍ അന്ന് കമ്പനിയോട് അനുകൂലമായ തീരുമാനമെടുത്തിരുന്നില്ലെന്നും ഇപ്പോഴത്തെ സര്‍ക്കാരിന്റെ നടപടിയില്‍ ദുരൂഹതയുണ്ടെന്നും അദ്ദേഹം ആരോപിച്ചു. ബജറ്റ് നിര്‍ദേശപ്രകാരം പത്തു

കോഴിക്കോട് ന്മ കോഴിക്കോട് ഗവണ്‍മെന്റ് മെഡിക്കല്‍ കോളജ് ആശുപത്രിയില്‍ തലാസീമിയ രോഗികളുടെ പതിവ് രക്തമാറ്റ ചികിത്സയ്ക്ക് ഉപയോഗിക്കുന്ന ലൂക്കോസൈറ്റ് ഫില്‍ട്ടര്‍ സെറ്റുകളുടെ സ്റ്റോക്ക് തീര്‍ന്നത് രോഗികളെയും കുടുംബങ്ങളെയും പ്രതിസന്ധിയിലാക്കി. തിങ്കളാഴ്ച രക്തം കയറ്റുന്നതിനായി ആശുപത്രിയിലെത്തിയ നിരവധി രോഗികള്‍ക്ക് ഫില്‍ട്ടര്‍ സെറ്റ് ലഭിക്കാത്തതിനാല്‍ പുറത്തുനിന്നുള്ള ഫാര്‍മസികളില്‍നിന്ന് ഉയര്‍ന്ന വില നല്‍കി വാങ്ങേണ്ടിവന്നതായി ബ്ലഡ് പേഷ്യന്റ്‌സ് പ്രൊട്ടക്ഷന്‍ കൗണ്‍സില്‍ സംസ്ഥാന പ്രസിഡന്റ് കരീം കാരശ്ശേരി പറഞ്ഞു. രക്തഘടകങ്ങളിലുള്ള ദാതാവിന്റെ വെളുത്ത രക്താണുക്കളുടെ അളവ് കുറയ്ക്കുന്നതിനാണ് ലൂക്കോസൈറ്റ് ഫില്‍ട്ടറുകള്‍ ഉപയോഗിക്കുന്നത്. പതിവായി

കൊച്ചി: സംസ്ഥാനത്ത് ഈ വര്‍ഷം ജൂണ്‍ 20 വരെ പകര്‍ച്ചവ്യാധികള്‍ ബാധിച്ച് 186 പേര്‍ മരിച്ചതായി ആരോഗ്യവകുപ്പിന്റെ രോഗനിരീക്ഷണ കണക്കുകള്‍. ജൂണിലെ ആദ്യ 20 ദിവസത്തിനിടെ മാത്രം 48 മരണങ്ങളാണ് റിപ്പോര്‍ട്ട് ചെയ്തത്. മേയില്‍ 55 പേര്‍ പകര്‍ച്ചവ്യാധികള്‍ ബാധിച്ച് മരിച്ചിരുന്നു. കാലവര്‍ഷം ശക്തമായതോടെ ഷിഗെല്ല, ഇന്‍ഫ്‌ലുവന്‍സ, ഡെങ്കിപ്പനി, എലിപ്പനി, മഞ്ഞപ്പിത്തം തുടങ്ങിയ രോഗങ്ങളുടെ വ്യാപനം വര്‍ധിക്കുന്ന സാഹചര്യത്തില്‍ വരും മാസങ്ങള്‍ നിര്‍ണായകമാണെന്ന് ആരോഗ്യവിദഗ്ധര്‍ മുന്നറിയിപ്പ് നല്‍കുന്നു. രോഗവ്യാപനം തടയാന്‍ ശുചീകരണം, സുരക്ഷിത കുടിവെള്ള വിതരണം, മാലിന്യസംസ്‌കരണം എന്നിവ ശക്തിപ്പെടുത്തണമെന്നും അവര്‍ ആവശ്യപ്പെട്ടു. ആരോഗ്യവകുപ്പിന്റെ കണക്കുകള്‍ പ്രാഥമികമാണെന്നും

ആലപ്പുഴ: മദ്യനയം, ധാതുമണല്‍ ഖനനം തുടങ്ങിയ സംസ്ഥാനത്തെ ബാധിക്കുന്ന നയപരമായ വിഷയങ്ങളില്‍ കോണ്‍ഗ്രസിനുള്ളില്‍ വിശദമായ കൂടിയാലോചനകള്‍ നടത്തുമെന്ന് എഐസിസി ജനറല്‍ സെക്രട്ടറി കെ.സി. വേണുഗോപാല്‍. ഈ വിഷയങ്ങളില്‍ ഉയര്‍ന്നിട്ടുള്ള ആശങ്കകള്‍ പരിഹരിക്കേണ്ട ഉത്തരവാദിത്തം സംസ്ഥാന സര്‍ക്കാരിനുണ്ടെന്നും അദ്ദേഹം പറഞ്ഞു. നയപരമായ കാര്യങ്ങള്‍ ആവശ്യമായ സമയത്ത് പാര്‍ട്ടിക്കുള്ളില്‍ ചര്‍ച്ച ചെയ്യും. സര്‍ക്കാരിന്റെ നിലപാടുകളെക്കുറിച്ച് ആര്‍ക്കെങ്കിലും പരാതിയോ ആശങ്കയോ ഉണ്ടെങ്കില്‍ അത് പാര്‍ട്ടി തലത്തില്‍ പരിശോധിക്കും. പുതിയ സര്‍ക്കാര്‍ അധികാരത്തിലെത്തിയിട്ട് അധികകാലമായിട്ടില്ലെന്നും സര്‍ക്കാര്‍ പ്രവര്‍ത്തനം പൊതുവെ മികച്ച രീതിയിലാണ് മുന്നോട്ടുപോകുന്നതെന്നും