ലണ്ടന്‍: യാത്രയ്ക്കിടെ സാങ്കേതിക പ്രശ്‌നം നേരിട്ടതിനെത്തുടര്‍ന്ന് ലണ്ടനില്‍നിന്ന് യുഎസിലെ ഷിക്കാഗോയിലേക്ക് പുറപ്പെട്ട ബ്രിട്ടിഷ് എയര്‍വേയ്സ് വിമാനം ഹീത്രൂ വിമാനത്താവളത്തില്‍ സുരക്ഷിതമായി തിരിച്ചിറക്കി. അയര്‍ലന്‍ഡിനു മുകളിലൂടെ പറക്കുന്നതിനിടെ പൈലറ്റ് അടിയന്തര സന്ദേശം നല്‍കിയതോടെയാണ് സംഭവം പുറത്തറിഞ്ഞത്. പുറപ്പെട്ട് ഏകദേശം ഒരു മണിക്കൂറിനുള്ളില്‍ വിമാനത്തിന്റെ പറക്കല്‍ ഉയരം 37,000 അടിയില്‍നിന്ന് 9,000 അടിയായി കുറച്ചു. ഏകദേശം 28,000 അടി താഴ്ത്തുന്നതിനൊപ്പം അടിയന്തര സാഹചര്യം സൂചിപ്പിക്കുന്ന '7700' കോഡും പൈലറ്റ് കൈമാറി.

അടിയന്തര സന്ദേശത്തിന്റെ കാരണം തുടക്കത്തില്‍ വ്യക്തമായിരുന്നില്ല. പിന്നീട് വിമാനത്തിന് സാങ്കേതിക

ലണ്ടന്‍: ഇന്ത്യന്‍ അറോമ റെസ്റ്റോറന്റില്‍ തീവെച്ച് ഉപഭോക്താക്കള്‍ക്ക് ഗുരുതര പരിക്കേല്‍പ്പിച്ച കേസില്‍ പതിനേഴുകാരായ രണ്ടുപേര്‍ക്ക് പത്തുവര്‍ഷം വീതം തടവുശിക്ഷ. ജീവന്‍ അപകടത്തിലാക്കുന്ന തരത്തില്‍ തീവെച്ചതിനും ആയുധങ്ങള്‍ കൈവശംവച്ചതിനുമാണ് ഓള്‍ഡ് ബെയ്ലി കോടതി ശിക്ഷ വിധിച്ചത്. 2025 ഓഗസ്റ്റ് 22നുണ്ടായ ആക്രമണത്തില്‍ അഞ്ച് ഉപഭോക്താക്കള്‍ക്ക് ഗുരുതരമായി പൊള്ളലേറ്റിരുന്നു. സംഭവസമയത്ത് എട്ട് ഉപഭോക്താക്കള്‍ റെസ്റ്റോറന്റിലുണ്ടായിരുന്നു.

മുന്‍കൂട്ടി ആസൂത്രണം ചെയ്ത ആക്രമണമാണ് നടന്നതെന്ന് കോടതി വിലയിരുത്തി. ആളുകളുടെ മരണത്തിനോ ഗുരുതര പരിക്കുകള്‍ക്കോ കാരണമാകാവുന്ന പ്രവൃത്തിയാണിതെന്ന് പ്രതികള്‍ക്ക്

ലണ്ടന്‍: ഇന്ത്യ-യുകെ സ്വതന്ത്ര വ്യാപാരക്കരാറിന്റെ പശ്ചാത്തലത്തില്‍ സ്‌കോച്ച് വിസ്‌കികളുടെ വില കുറഞ്ഞതോടെ ആഭ്യന്തര ബ്രാന്‍ഡുകള്‍ വിപണിയില്‍ കൂടുതല്‍ മത്സരം നേരിടുന്നതായി റിപ്പോര്‍ട്ട്. ഇറക്കുമതി തീരുവയിലെ കുറവ് വിദേശ-ഇന്ത്യന്‍ വിസ്‌കികള്‍ തമ്മിലുള്ള വിലവ്യത്യാസം ചുരുങ്ങി. കര്‍ണാടകയില്‍ 750 മില്ലി റെഡ് ലേബലിന്റെ വില 2,810 രൂപയില്‍നിന്ന് 2,620 രൂപയായും ബ്ലാക്ക് ലേബലിന്റേത് 4,005 രൂപയില്‍നിന്ന് 3,645 രൂപയായും കുറഞ്ഞു. ജെ ആന്‍ഡ് ബി വിസ്‌കിയുടെ വില 2,835 രൂപയില്‍നിന്ന് 1,375 രൂപയിലെത്തിയതായും റിപ്പോര്‍ട്ടിലുണ്ട്.

വ്യാപാരക്കരാറിന്റെ ഭാഗമായി ഇറക്കുമതി തീരുവ 150 ശതമാനത്തില്‍നിന്ന് 75 ശതമാനമായി കുറച്ചതാണ് വിലമാറ്റത്തിന്റെ പ്രധാന

ലണ്ടന്‍: എറാസ്മസ് പ്ലസ് പദ്ധതിയില്‍ പങ്കെടുക്കുന്നവര്‍ക്കുള്ള കുടിയേറ്റനടപടികള്‍ ലഘൂകരിക്കാന്‍ യുകെ. ഒക്ടോബര്‍ എട്ടുമുതല്‍ യോഗ്യരായ പങ്കാളികള്‍ക്ക് ഹ്രസ്വകാല പഠനം, പരിശീലനം, തൊഴില്‍നിരീക്ഷണത്തിലൂടെയുള്ള പഠനം എന്നിവയ്ക്കായി വിസിറ്റര്‍ റൂട്ട് ഉപയോഗിക്കാമെന്നാണ് റിപ്പോര്‍ട്ട്.

ഈ മാര്‍ഗത്തിലൂടെ അനുവദിച്ചിട്ടുള്ള പ്രവര്‍ത്തനങ്ങള്‍ക്ക് പ്രത്യേക സ്‌പോണ്‍സര്‍ഷിപ്പ് ആവശ്യമുണ്ടാകില്ല. ഇതോടെ വിദേശ പങ്കാളികളെ സ്വീകരിക്കുന്ന ബ്രിട്ടിഷ് വിദ്യാഭ്യാസ സ്ഥാപനങ്ങളുടെയും സംഘടനകളുടെയും നടപടിക്രമങ്ങള്‍ ലളിതമാകും. 2027ല്‍ എറാസ്മസ് പ്ലസ് പദ്ധതിയിലേക്ക് യുകെ മടങ്ങിവരുന്നതിന് മുന്നോടിയായാണ് മാറ്റം. പദ്ധതിയുടെ

ലണ്ടന്‍: ഭീകരാക്രമണ സാധ്യതയെക്കുറിച്ചുള്ള അന്വേഷണത്തിനിടെ ബ്രിട്ടനിലെ ആര്‍എഎഫ് ഫെയര്‍ഫോര്‍ഡ് വ്യോമതാവളത്തില്‍ വിന്യസിച്ചിരുന്ന ബി-1 ബോംബര്‍ വിമാനങ്ങള്‍ അമേരിക്ക പിന്‍വലിച്ചു. വിമാനങ്ങള്‍ അമേരിക്കയിലെ സ്വന്തം താവളങ്ങളിലേക്ക് മടങ്ങിയതായി പെന്റഗണ്‍ സ്ഥിരീകരിച്ചു. സുരക്ഷാ കാരണങ്ങളാല്‍ വിമാനങ്ങളുടെ നീക്കം നേരത്തേ പരസ്യപ്പെടുത്തിയിരുന്നില്ലെന്നും അധികൃതര്‍ അറിയിച്ചു.

താവളത്തെ ലക്ഷ്യമിട്ട് ആക്രമണത്തിന് പദ്ധതിയിട്ടെന്ന സംശയത്തില്‍ സെപ്റ്റംബര്‍ 27ന് അഞ്ച് ബ്രിട്ടിഷ് പൗരന്മാരെ പൊലീസ് അറസ്റ്റ് ചെയ്തിരുന്നു. ഇവരുടെ വാഹനങ്ങളില്‍ പെട്രോള്‍ കണ്ടെത്തിയെങ്കിലും സ്‌ഫോടകവസ്തുക്കള്‍ ലഭിച്ചിരുന്നില്ല. പിന്നീട് ഇവരെ

കോട്ടയം: യുകെയിലെ സ്റ്റോക്ക്-ഓണ്‍-ട്രെന്റില്‍ താമസിച്ചിരുന്ന അയര്‍ക്കുന്നം സ്വദേശി വിനു പോള്‍ (37) നാട്ടില്‍ ചികിത്സയിലിരിക്കെ അന്തരിച്ചു. അയര്‍ക്കുന്നം കല്ലെത്തറ കിഴക്കേതില്‍ തങ്കച്ചന്‍-ലിസി ദമ്പതികളുടെ മകനാണ്. കടുത്ത വയറുവേദനയെ തുടര്‍ന്ന് വിനു യുകെയില്‍ ചികിത്സ തേടിയിരുന്നെങ്കിലും രോഗം തിരിച്ചറിഞ്ഞിരുന്നില്ലെന്നാണ് റിപ്പോര്‍ട്ട്. തുടര്‍ന്ന് ജൂലൈ അവസാനത്തോടെ നാട്ടിലെത്തി കോട്ടയത്തെ ആശുപത്രിയില്‍ ചികിത്സ തേടി. പിന്നീട് കൊച്ചിയിലെ ആശുപത്രിയില്‍ നടത്തിയ വിശദമായ പരിശോധനയിലാണ് കാന്‍സര്‍ അവസാനഘട്ടത്തിലാണെന്ന് കണ്ടെത്തിയത്.

സൗദി അറേബ്യയില്‍നിന്ന് കുടുംബസമേതം യുകെയിലേക്ക് താമസം മാറിയ വിനു നോര്‍ത്ത്