വയനാട് ലക്കിടി ജവഹര്‍ നവോദയ വിദ്യാലയത്തില്‍ നോറോ വൈറസ് സ്ഥിരീകരിച്ചു. ആലപ്പുഴ വൈറോളജി ലാബിലെ സാമ്പിള്‍ പരിശോധനയിലാണ് നോറോ വൈറസ് കണ്ടെത്തിയത്. സ്‌കൂളിലെ 98 വിദ്യാര്‍ത്ഥികള്‍ വയറുവേദനയും ഛര്‍ദ്ദിയും അനുഭവപ്പെട്ട് ചികിത്സ തേടിയിരുന്നു. കുടിവെള്ള സ്രോതസുകളില്‍ നിന്നാണ് രോഗം പകര്‍ന്നതെന്നാണ് പ്രാഥമിക കണ്ടെത്തല്‍.

ആദായ നികുതിയില്‍ മധ്യവര്‍ഗത്തിനു തലോടലുമായി ലോക്‌സഭയില്‍ ധനമന്ത്രി നിര്‍മല സീതാരാമന്‍ കേന്ദ്ര ബജറ്റ് അവതരിപ്പിച്ചു. പുതിയ നികുതി സംവിധാനത്തില്‍ 7 ലക്ഷം വരെ നികുതിയില്ല. പുതിയ സംവിധാനമായിരിക്കും നടപ്പാക്കുകയെന്ന് മന്ത്രി പറഞ്ഞു. എന്നാല്‍ പഴയ നികുതി നിര്‍ണയരീതിയും തുടരുമെന്നും ധനമന്ത്രി കൂട്ടിച്ചേര്‍ത്തു. നികുതി സ്ലാബുകള്‍ അഞ്ചാക്കി കുറച്ചു.

3- 6 ലക്ഷം വരെ വരുമാനത്തിന് 5 % നികുതി. 6 ലക്ഷം മുതല്‍ 9 വരെ 10 % നികുതി. 9 ലക്ഷം മുതല്‍ 12 ലക്ഷം വരെ 15 %. 12-15 ലക്ഷം വരെ 20 % നികുതി. 15 ലക്ഷത്തില്‍ കൂടുതല്‍ 30 % നികുതി. 9 ലക്ഷം വരെയുള്ളവര്‍ 45,000 രൂപ വരെ നികുതി നല്‍കിയാല്‍ മതിയാവും.

സ്വര്‍ണം, വെള്ളി, ഡയമണ്ട്, വസ്ത്രം, സിഗരറ്റ് എന്നിവയുടെ വില കൂടും. കംപ്രസ്ഡ് ബയോഗ്യാസ്, ലിഥിയം അയണ്‍ ബാറ്ററി, മൊബൈല്‍ ഫോണ്‍ ഘടകങ്ങള്‍, ടിവി പാനലുകള്‍,

എറണാകുളം സെന്‍ട്രല്‍ സ്റ്റേഷനിലാണ് അഭിഭാഷകനെതിരെ കേസെടുത്തിരിക്കുന്നത്. കേസെടുക്കാന്‍ കൊച്ചി സിറ്റി പോലീസ് കമ്മീഷണര്‍ക്ക് ഡിജിപി നിര്‍ദ്ദേശം നല്‍കിയിരുന്നു. നിയമപദേശത്തിന്റെ അടിസ്ഥാനത്തിലാണ് ഡിജിപിയുടെ നടപടി.

പിസി 420 , അഴിമതി നിരോധനം സെക്ഷന്‍ 7 എന്നീ വകുപ്പുകള്‍ പ്രകാരമാണ് കേസെടുത്തത്. കേസ് പ്രത്യേക സംഘം അന്വേഷിക്കും. ഹൈക്കോടതി രജിസ്ട്രാറര്‍ ജനറല്‍ ഡിജിപിക്ക് നല്‍കിയ പരാതിയിലാണ് അന്വേഷണം തുടങ്ങിയത്.

മുന്‍കൂര്‍ ജാമ്യത്തിനായി ഒരു ജഡ്ജിക്ക് നല്‍കാനെന്ന പേരില്‍ കക്ഷിയില്‍ നിന്നും പണം കൈപ്പറ്റിയെന്നായിരുന്നു ഇയാള്‍ക്കെതിരെയുള്ള ആരോപണം. സിനിമാ മേഖലയിലുള്ള കക്ഷിയില്‍ നിന്നാണ് പണം വാങ്ങിയത്. ആരോപണം ഉയര്‍ന്നപ്പോല്‍ തന്നെ ഹൈക്കോടതി ആവശ്യപ്രകാരം അഭിഭാഷകനെതിരെ അന്വേഷണം

കെആര്‍ നാരായണന്‍ ഫിലിം ഇന്‍സ്റ്റിറ്റ്യൂട്ട് ചെയര്‍മാന്‍ സ്ഥാനം അടൂര്‍ ഗോപാലകൃഷ്ണന്‍ രാജിവെച്ചു. ഇന്ന് മാധ്യമങ്ങളെ കണ്ടാണ് രാജിവെച്ച കാര്യം അടൂര്‍ അറിയിച്ചത്. കഴിഞ്ഞ ദിവസം മുഖ്യമന്ത്രിയെ കണ്ട് രാജിക്കത്ത് കൈമാറിയതായും അദ്ദേഹം അറിയിച്ചു.

കെ ആര്‍ നാരായണന്‍ ഇന്‍സ്റ്റിറ്റ്യൂട്ടിലെ സമരാഘോഷങ്ങള്‍ക്ക് പിന്നില്‍ ആരെന്നത് അന്വേഷിക്കണമെന്ന് അടൂര്‍ ആവശ്യപ്പെട്ടു. കള്ളം കള്ളത്തെ പ്രസവിച്ചുവെന്നും മാധ്യമങ്ങള്‍ ആടിനെ പേപ്പട്ടി ആക്കി പേപ്പട്ടിയെ തല്ലിക്കൊന്നുവെന്നും അദ്ദേഹം ആരോപിച്ചു.

കുറ്റവാളികള്‍ ഗേറ്റ് കീപ്പറായാലും ശുചീകരണ ജോലിക്കാരായാലും അധ്യാപകരായാലും അനധ്യാപകരോ വിദ്യാര്‍ത്ഥികളോ ആയാലും അവരെ കണ്ടെത്തി തക്ക ശിക്ഷ നല്‍കേണ്ടത് സ്ഥാപനത്തിന്റെ തുടര്‍ന്നുള്ള നടത്തിപ്പിന്

ഇടനിലക്കാരന്‍ വഴി വഴി 50,000 രൂപ കൈക്കൂലി വാങ്ങിയ ക്രൈംബ്രാഞ്ച് എസ്.ഐയെ വിജിലന്‍സ് പിടികൂടി. മലപ്പുറം ജില്ലാ ക്രൈംബ്രാഞ്ച് എസ്ഐ സുഹൈലിനെയാണ് വിജിലന്‍സ് സംഘം പിടികൂടിയത്. അന്വേഷണം നടന്നുവരുന്ന വഞ്ചനാ കേസിലെ പ്രതിയില്‍ നിന്ന് കൈക്കൂലി വാങ്ങുന്നതിനിടെയാണ് സെുഹൈലിനെയും ഇടനിലക്കാരന്‍ മഞ്ചേരി സ്വദേശി മുഹമ്മദ് ബഷീറിനേയും വിജിലന്‍സ് പിടികൂടിയത്.

2017ല്‍ മലപ്പുറം പൊലീസ് രജിസ്റ്റര്‍ ചെയ്ത കേസിലെ പ്രതിയാണ് പരാതിക്കാരന്‍. ഈ കേസില്‍ 2019ല്‍ ഹൈക്കോടതിയില്‍നിന്ന് ജാമ്യം ലഭിച്ചെങ്കിലും മറ്റൊരു കേസില്‍ ഇദ്ദേഹം ബംഗളുരുവില്‍നിന്ന് അറസ്റ്റിലായിരുന്നു. വളരെ വേഗം ജാമ്യം ലഭിച്ചെങ്കിലും, കേസ് അന്വേഷണ ഉദ്യോഗസ്ഥനായിരുന്ന സുഹൈല്‍ പരാതിക്കാരനെ ഭീഷണിപ്പെടുത്താന്‍ തുടങ്ങി. കൂടുതല്‍ വാറണ്ടുകളുണ്ടെന്നും

പുനലൂരില്‍ ആളില്ലാത്ത വീട്ടില്‍ നിന്ന് 25 പവന്‍ കവര്‍ന്ന പ്രതിയെ പൊലീസ് അറസ്റ്റ് ചെയ്തു. പുനലൂര്‍ തൊളിക്കോട്ട് പട്ടാപകല്‍ വീട്ടില്‍ നിന്ന് 25 പവന്‍ സ്വര്‍ണം കവര്‍ന്ന കേസിലെ പ്രതിയെയാണ് പുനലൂര്‍ പൊലീസ് അറസ്റ്റ് ചെയ്തത്. കണ്ണൂര്‍ ഇരിക്കൂര്‍ പട്ടുവയില്‍ ദൂറുല്‍ ഹലാഹ് വീട്ടില്‍ ഇസ്മായില്‍ (30) ആണ് അറസ്റ്റിലായത്.

ഇസ്മായില്‍ തൃശ്ശൂര്‍ കുന്നംകുളത്ത് 95 പവന്‍ സ്വര്‍ണം കവര്‍ന്ന കേസില്‍ അറസ്സിലായതിനെ തുടര്‍ന്ന് ജയിലിലായിരുന്നു. ഇയാളെ പുനലൂര്‍ പൊലീസ് നാല് ദിവസത്തേക്ക് കസ്റ്റഡിയില്‍ വാങ്ങുകയായിരുന്നു.

മോഷണം നടന്ന തൊളിക്കോട്ടെ വീട്ടില്‍ പ്രതിയെ എത്തിച്ച് തെളിവെടുപ്പ് നടത്തി. പുനലൂര്‍ തൊളിക്കോട്ട് ജയപ്രകാശിന്റെ വീട്ടില്‍ 2022 ഡിസംബര്‍ 10 നാണ് മോഷണം നടന്നത്. വീട്ടുകാര്‍ വിവാഹ ചടങ്ങില്‍ പങ്കെടുക്കാനായി

തൃശ്ശൂര്‍ കുണ്ടന്നൂരില്‍ പടക്കപുരയ്ക്ക് തീ പിടിച്ചു. സ്ഫോടനത്തില്‍ പടക്കപുര പൂര്‍ണമായും കത്തി നശിച്ചു. സംഭവത്തില്‍ കാവശേരി സ്വദേശി മണിക്ക് ഗുരുതര പരുക്കേറ്റിട്ടുണ്ട്. കുണ്ടന്നൂര്‍ സുന്ദരാക്ഷന്‍ എന്ന വ്യക്തിയുടെ ഉടമസ്ഥതയിലുള്ള വെടിക്കെട്ട് പുരയ്ക്കാണ് തീ പിടിച്ചത്. രാധാകൃഷ്ണന്‍ എന്ന വ്യക്തിയുടെ പേരിലുള്ള ലൈസന്‍സിലാണ് പടക്കപ്പുര പ്രവര്‍ത്തിച്ചിരുന്നത്.

ഇന്ന് വൈകീട്ട് അഞ്ച് മണിയോടെയാണ് സ്ഫോടനം നടക്കുന്നത്. വലിയ ശബ്ദത്തോടെയാണ് പൊട്ടിത്തെറിയുണ്ടായത്. മിനിറ്റുകളുടെ വ്യത്യാസത്തില്‍ രണ്ട് സ്ഫോടനങ്ങളാണ് ഉണ്ടായത്. വടക്കാഞ്ചേരി നഗരത്തില്‍ മാത്രമല്ല കുന്നംകുളം ഉള്‍പ്പെടെയുള്ള പ്രദേശങ്ങല്‍ലും പൊട്ടിത്തെറിയുടെ ശബ്ദം കേട്ടുവെന്നാണ് നാട്ടുകാര്‍ പറയുന്നത്. 20 കിമി പരിധിയില്‍ സ്ഫോടന ശബ്ദം

അത്യന്തം ആവേശകരമായ അന്തരീക്ഷത്തില്‍ ഭാരത് ജോഡോ യാത്രയുടെ സമാപനം. ശ്രീനഗറില്‍ കനത്ത മഞ്ഞുവീഴ്ച്ചയെ അവഗണിച്ചായിരുന്നു രാഹുല്‍ ഗാന്ധി സമാപന സമ്മേളനത്തില്‍ സംസാരിച്ചത്. പതിനായിരക്കണക്കിന് ആളുകള്‍ പ്രതികൂല കാലാവസ്ഥയിലും ജോഡോ യാത്രാ സമാപന സമ്മേളനത്തിന് എത്തി. മഞ്ഞു വീഴ്ചയെ തുടര്‍ന്ന് വൈകിയാണ് സമാപന സമ്മേളനം ആരംഭിച്ചത്. സിപിഐ ഉള്‍പ്പെടെ പതിനൊന്ന് രാഷ്ട്രീയ പാര്‍ട്ടി ഭാഗമായി പങ്കെടുത്തു.

യാത്ര പൂര്‍ത്തിയാക്കാന്‍ കഴിയുമോയെന്ന് ഉറപ്പില്ലായിരുന്നെന്നും ജനങ്ങളുടെ പിന്തുണയ്ക്ക് നന്ദിയെന്നും രാഹുല്‍ ഗാന്ധി പറഞ്ഞു. വെറുപ്പ് വിതയ്ക്കുന്ന കൊലപാതകങ്ങള്‍ ഇല്ലാതാക്കാനാണ് തന്റെ യാത്ര. ഇന്ദിരാഗാന്ധിയുടെയും രാജീവ് ഗാന്ധിയുടെയും രക്തസാക്ഷിത്വത്തിന്റെ ഓര്‍മ്മകള്‍ വികാരാധീനനായി രാഹുല്‍