തിരുവനന്തപുരത്ത് പോലീസിന് നേരെ ബോംബേറ്. കണിയാപുരത്ത് യുവാവിനെ തട്ടി കൊണ്ട് പോയ കേസിലെ പ്രതികളെ പിടികൂടാന്‍ എത്തിയ പോലീസ് സംഘത്തിന് നേരെയാണ് ബോംബെറിഞ്ഞത്. ആക്രമണത്തില്‍ നിന്ന് തലനാരിഴയ്ക്കാണ് പോലീസ് രക്ഷപ്പെട്ടത്. അണ്ടൂര്‍ക്കാണം പായ്ചിറയിലുള്ള സഹോദരങ്ങളായ ഷമീര്‍ ,ഷഫീഖ് എന്നിവരുടെ വീട്ടിലെത്തിയപ്പോള്‍ ആയിരുന്നു നാടന്‍ ബോംബ് പോലീസിന് നേരെ എറിഞ്ഞത്. ബോംബറിന് പിന്നാലെ പ്രതികള്‍ മഴുവും പോലീസിന് നേരെ എറിഞ്ഞു.
പ്രതികളില്‍ ഒരാളായ ഷമീറിനെയും ഇയാളുടെ അമ്മയെയും പോലീസ് കസ്റ്റഡിയിലെടുത്തു. മറ്റൊരു പ്രതി സഹോദരനായ ഷഫീഖ് ഓടി രക്ഷപ്പെട്ടു. പ്രതികളെ പൊലീസ് സ്റ്റേഷനിലേക്ക് മാറ്റിയതിന് ശേഷം പോലീസ് സ്റ്റേഷനില്‍ വെച്ചും നാടകീയ സംഭവങ്ങളുമുണ്ടായി. പോലീസ് കസ്റ്റഡിയില്‍ പ്രതി ഷമീര്‍ ആത്മഹത്യക്ക്

വയനാട് ജില്ലയില്‍ രണ്ട് പഞ്ചായത്തുകളില്‍ നാളെ വിദ്യാഭ്യാസ സ്ഥാപനങ്ങള്‍ക്ക് അവധി പ്രഖ്യാപിച്ചു. തൊണ്ടര്‍നാട്, തവിഞ്ഞാല്‍ പഞ്ചായത്തിലെ മുഴുവന്‍ വിദ്യാഭ്യാസ സ്ഥാപനങ്ങള്‍ക്കുമാണ് വെള്ളിയാഴ്ച്ച ജില്ലാ കളക്ടര്‍ അവധി പ്രഖ്യാപിച്ചത്. പഞ്ചായത്തുകളില്‍ കടുവയുടെ സാന്നിധ്യം സ്ഥിരീകരിച്ച സാഹചര്യത്തിലാണ് അവധി.

നാളെ മാനന്തവാടി താലൂക്കില്‍ യുഡിഎഫ് ഹര്‍ത്താലും പ്രഖ്യാപിച്ചിട്ടുണ്ട്. വന്യജീവി ആക്രമങ്ങളില്‍ നിന്നും ജീവനും സ്വത്തിനും സുരക്ഷ വേണമെന്നാവശ്യപ്പെട്ടാണ് ഹര്‍ത്താലിന് ആഹ്വാനം ചെയ്തിരിക്കുന്നത്.


വാളാട് ഇന്ന് കടുവയുടെ ആക്രമണത്തില്‍ കര്‍ഷകന്‍ മരിച്ചിരുന്നു. ഗുരുതരമായി പരിക്കേറ്റ വാളാട് വെള്ളാരംകുന്ന് തോമസ് എന്ന പള്ളിപ്പുറത്ത് സാലുവാണ് മരിച്ചത്. കടുവയുടെ ആക്രമണത്തില്‍

ഭാര്യയെ കൊന്ന് വീടിനു സമീപം കുഴിച്ചിട്ട സംഭവത്തില്‍ കൂടുതല്‍ വെളിപ്പെടുത്തല്‍. എറണാകുളം എടവനക്കാട് വാചാക്കല്‍ സജീവനാണ് ഭാര്യയെ കൊലപ്പെടുത്തി വീടിന്റെ കാര്‍ പോര്‍ച്ചില്‍ കുഴിച്ചിട്ടത്. സംഭവത്തില്‍ ഒന്നര കൊല്ലത്തിനു ശേഷം ഇന്നാണ് ഇയാള്‍ പിടിയിലാകുന്നത്.

2021 ഓഗസ്റ്റ് 16 ന് ഭാര്യ രമ്യ(32)യെ കൊലപെടുത്തിയെന്നാണ് സജീവന്റെ മൊഴി. രമ്യയെ സജീവന് സംശയമായിരുന്നു. ഇതു സംബന്ധിച്ച് വാക്കുതര്‍ക്കമുണ്ടായി. തുടര്‍ന്ന് കയര്‍ കഴുത്തില്‍ കുരുക്കി കൊലപ്പെടുത്തിയെന്നാണ് മൊഴി. പകല്‍ സമയത്താണ് കൊലപാതകം നടത്തിയത്. രാത്രി വീട്ടുമുറ്റത്ത് മൃതദേഹം കുഴിച്ചിട്ടു. ഇയാള്‍ തന്നെ നല്‍കിയ മൊഴിയുടെ അടിസ്ഥാനത്തില്‍ നടത്തിയ അന്വേഷണമാണ് സിനിമാക്കഥകളെ വെല്ലുന്ന കൊലപാതകത്തിന്റെ ചുരുളഴിച്ചത്.

രമ്യ വിദേശത്തേയ്ക്കു പോയെന്നും

സംസ്ഥാനത്തെ മന്ത്രിമാരുടെയും എംഎല്‍എമാരുടെയും ശമ്പളവും അലവന്‍സും പെന്‍ഷനും കൂട്ടാന്‍ ശുപാര്‍ശ. 35 ശതമാനത്തോളം വര്‍ധനവാണ് വിഷയത്തെ കുറിച്ച് പഠിക്കാന്‍ നിയോഗിച്ച ജസ്റ്റിസ് (റിട്ട) സിഎന്‍ രാമചന്ദ്രന്‍ നായര്‍ ശുപാര്‍ശ ചെയ്തിരിക്കുന്നത്. സ്പീക്കര്‍ എ.എന്‍ ഷംസീറിന് സമര്‍പ്പിച്ച റിപ്പോര്‍ട്ട് തുടര്‍നടപടികള്‍ക്കായി മുഖ്യമന്ത്രിക്ക് കൈമാറി.

നിലവില്‍ മന്ത്രിമാര്‍, പ്രതിപക്ഷ നേതാവ്, ചീഫ് വിപ്പ് എന്നിവര്‍ക്ക് ശമ്പളവും അലവന്‍സുകളും ചേര്‍ന്ന് 96,000 രൂപയാണ് ലഭിക്കുന്നത്. ഇത് ഏകദേശം 1.2 ലക്ഷമായി ഉയര്‍ന്നേക്കും. എംഎല്‍എമാര്‍ക്ക് ലഭിച്ചിരുന്ന 70,000 രൂപയില്‍ നിന്ന് ഒരു ലക്ഷത്തിലധികം രൂപയായി വര്‍ധിപ്പിക്കാനാണ് ശുപാര്‍ശ. യാത്രപ്പടി അടക്കമുള്ള ആനുകൂല്യങ്ങളിലും 35 ശതമാനംവരെ വര്‍ധന ശുപാര്‍ശ

സംസ്ഥാനത്ത് പ്ലാസ്റ്റിക് ക്യാരി ബാഗുകള്‍ക്ക് ഏര്‍പ്പെടുത്തിയ നിരോധനം ഹൈക്കോടതി റദ്ദാക്കി. 60 ഗ്രാംസ് പെര്‍ സ്‌ക്വയര്‍ മീറ്ററിന് താഴെ ഘനമുള്ള പ്ലാസ്റ്റിക് ക്യാരി ബാഗുകള്‍ക്കു ഏര്‍പ്പെടുത്തിയ നിരോധനമാണ് റദ്ദാക്കിയത്.

പ്ലാസ്റ്റിക് ക്യാരി ബാഗുകള്‍ക്ക് നിരോധനം ഏര്‍പ്പെടുത്താന്‍ സംസ്ഥാന സര്‍ക്കാരിന് അധികാരം ഇല്ലെന്നു ജസ്റ്റിസ് എന്‍ നഗരേഷ് വ്യക്തമാക്കി. നിരോധിക്കാനുള്ള അധികാരം പ്ലാസ്റ്റിക് വേസ്റ്റ് മാനേജ്മന്റ് ചട്ട പ്രകാരം കേന്ദ്ര സര്‍ക്കാരിന് ആണെന്ന് കോടതി ചൂണ്ടി കാട്ടി.

പ്ലാസ്റ്റിക് ക്യാരി ബാഗ് നിരോധനത്തിനെതിരെ അങ്കമാലി സ്വദേശി ഡോക്ടര്‍ തിരുമേനിയും മറ്റുള്ളവരും സമര്‍പ്പിച്ച ഹര്‍ജികള്‍ പരിഗണിച്ചാണ് കോടതി ഉത്തരവ്. ഹര്‍ജിക്കാര്‍ക്ക് വേണ്ടി അഡ്വ. പി എന്‍ സന്തോഷ്

ഇത്തരം കാര്യങ്ങളെ പ്രോത്സാഹിപ്പിക്കുന്ന സ്ത്രീകളുണ്ടെന്നത് നിര്‍ഭാഗ്യകാരമാണ്. സ്ത്രീകളുടെ അവകാശങ്ങള്‍ നിഷേധിക്കാന്‍ ചിലര്‍ ശ്രമിക്കുന്നുണ്ട്. അക്രമിയെ കുറ്റപ്പെടുത്തുന്നതിന് പകരം അക്രമത്തിനിരയായ സ്ത്രീയെ കുറ്റപ്പെടുത്താനാണ് ശ്രമം നടക്കുന്നത്. അതായത് ഇവിടെയിപ്പോള്‍ വിക്ടിം ഷെയിമിംഗാണ് നടക്കുന്നത്. സ്ത്രീകള്‍ അടിച്ചമര്‍ത്തപ്പെടണമെന്ന ഒരു വിഭാഗത്തിന്റെ താല്‍പര്യമാണ് ഇതിനൊക്കെ പിന്നില്‍.


സംഘപരിവാര്‍ ജനങ്ങളെ ഭിന്നപ്പിക്കാനാണ് ശ്രമിക്കുന്നത്. ന്യൂനപക്ഷ വിഭാഗമായി ഹിന്ദുക്കള്‍ പല രാജ്യങ്ങളിലുമുണ്ട്. മുസ്ലീമിനേയും ക്രിസ്ത്യാനിയേയും ശതുക്കളായാണ് സംഘപരിവാര്‍ കാണുന്നത്. മതന്യൂനപക്ഷങ്ങളെ ആശങ്കയിലാക്കുന്ന നടപടിയാണ് ബി ജെ പി സര്‍ക്കാര്‍ സ്വീകരിക്കുന്നത്. മതനിരപേക്ഷതയാണ് ഭരണ ഘടന

ഓര്‍ത്തഡോക്‌സ് സഭാ പരമാധ്യക്ഷന്‍ ബസേലിയോസ് മാര്‍ത്തോമ്മാ മാത്യൂസ് തൃതീയന്‍ കാതോലിക്കാ ബാവായുമായി കോണ്‍ഗ്രസ് നേതാവ് ശശി തരൂര്‍ എംപി കൂടിക്കാഴ്ച നടത്തി. കോണ്‍ഗ്രസിനെ ശക്തിപ്പെടുത്താന്‍ തരൂര്‍ കേരളത്തില്‍ സജീവമാകണമെന്ന് അദ്ദേഹം ആവശ്യപ്പെട്ടു. ഇത്തവണ പ്രതിപക്ഷത്ത് ആകാന്‍ കാരണം കോണ്‍ഗ്രസ് ശക്തമല്ലാത്തതുകൊണ്ടാണ്.

തുടര്‍ച്ചയായി രണ്ടു തവണ പ്രതിപക്ഷത്ത് ആയത് കോണ്‍ഗ്രസിന്റെ അപചയമാണ്. കേരളത്തില്‍ മാറി മാറിയുള്ള ഭരണമാണ് നല്ലതെന്ന് ഓര്‍ത്തഡോക്‌സ് സഭ പരമാധ്യക്ഷന്‍ അഭിപ്രായപ്പെട്ടു. കോണ്‍ഗ്രസിന്റെ ഐക്യം ശക്തിപ്പെടുത്താന്‍ തരൂരിനെ കൊണ്ട് സാധിക്കും എന്ന് കരുതുന്നതായി അദ്ദേഹം കൂട്ടിച്ചേര്‍ത്തു.

അതേസമയം, നിയമസഭാ തെരഞ്ഞെടുപ്പില്‍ മത്സരിക്കാന്‍ താല്പര്യമുണ്ടെന്ന് ശശി തരൂര്‍ വ്യക്തമാക്കി.

ആലപ്പുഴ സര്‍ക്കാര്‍ മെഡിക്കല്‍ കോളേജില്‍ ഡോക്ടര്‍മാരുടെ കൂട്ട സ്ഥലം മാറ്റം. ഡോക്ടര്‍മാരുടെ സ്വകാര്യ പ്രാക്ടീസിലാണ് നടപടി. 6 സീനിയര്‍ ഡോക്ടര്‍മാര്‍ക്കാണ് സ്ഥലം മാറ്റം. മെഡിക്കല്‍ വിദ്യാഭ്യാസ വകുപ്പ് ഇത് സംബന്ധിച്ച ഉത്തരവ് പുറപ്പെടുവിച്ചു.

ആലപ്പുഴ മെഡിക്കല്‍ കോളേജിനെ പറ്റി പരാതിയുയര്‍ന്ന സാഹചര്യത്തില്‍ ആരോഗ്യ വകുപ്പ് മന്ത്രി വീണാ ജോര്‍ജ് നേരിട്ട് മെഡിക്കല്‍ കോളേജ് ആശുപത്രി സന്ദര്‍ശിച്ചിരുന്നു. അന്ന് പല പോരായ്മകളും കണ്ടെത്തിയിരുന്നു.

തുടര്‍ന്ന് മെഡിക്കല്‍ കോളേജിന്റെ പ്രവര്‍ത്തനങ്ങള്‍ ശക്തിപ്പെടുത്തുന്നതിന് മെഡിക്കല്‍ വിദ്യാഭ്യാസ വകുപ്പ് ജോ. ഡയറക്ടര്‍ക്ക് പ്രത്യേക ചുമതല നല്‍കിയിരുന്നു. തുടര്‍ന്ന് ലഭിച്ച റിപ്പോര്‍ട്ടുകളുടെ അടിസ്ഥാനത്തിലാണ് 6 സീനിയര്‍ ഡോക്ടര്‍മാരെ