മൂവാറ്റുപുഴ (എറണാകുളം): വിദേശത്ത് ജോലി വാഗ്ദാനം ചെയ്ത് പണം തട്ടിയെന്ന പരാതിയില് മറ്റൊരാള് കൂടി പൊലീസ് പിടിയിലായി. മൂവാറ്റുപുഴ രണ്ടാര്കര കല്ലിക്കുഴിയില് വീട്ടില് അമര്ദത്ത് സുരേഷ് (25) എന്ന യുവാവിനെയാണ് പൊലീസ് അറസ്റ്റ് ചെയ്തത്.
- യുകെയില് ജോലിയും വീസയും വാഗ്ദാനം ചെയ്ത് മുളവൂര് സ്വദേശിയില് നിന്നു ലക്ഷങ്ങള് തട്ടിയെടുത്ത കേസിലാണ് ഇയാളെ അറസ്റ്റ് ചെയ്തത്.
- മൂവാറ്റുപുഴ അരമനപ്പടിയില് പോഷ് സ്റ്റഡി എബ്രോഡ് എന്ന പേരില് സ്ഥാപനം നടത്തി വരികയായിരുന്നു പ്രതി.
- കഴിഞ്ഞ ദിവസങ്ങളില് ഇറ്റലിയിലും ദുബായിലും ജോലിയും വീസയും വാഗ്ദാനം ചെയ്ത് പണം തട്ടിയെന്ന കേസില് രണ്ടുപേരെ പൊലീസ് അറസ്റ്റ് ചെയ്തിരുന്നു.
- അതിന്റെ തുടര്ച്ചയായി യുകെയില് ജോലി വാഗ്ദാനം ചെയ്ത കേസില് സുരേഷിനെയും പിടികൂടി.
- കോടതിയില് ഹാജരാക്കിയ പ്രതിയെ റിമാന്ഡ് ചെയ്തു.
ഇതോടെ വിദേശ ജോലി വാഗ്ദാനം ചെയ്ത് പണം തട്ടിയ കേസുകളില് മൂവാറ്റുപുഴയില് മൂന്നുപേര് പൊലീസ് പിടിയിലായിരിക്കുകയാണ്.
