പ്രണയം സന്തോഷം മാത്രം നല്‍കുന്ന കാലം പിന്നിട്ടുവെന്ന് സൂചിപ്പിക്കുന്ന പുതിയ പഠനം പുറത്തുവന്നു. 13 മുതല്‍ 17 വയസ്സ് വരെയുള്ള കുട്ടികളില്‍ നടത്തിയ സര്‍വേയില്‍, പ്രണയബന്ധത്തിലുള്ളവരില്‍ നാലില്‍ രണ്ടുപേര്‍ മാനസികമോ ശാരീരികമോ ആയ പീഡനത്തിനിരയായതായി കണ്ടെത്തി.
കഴിഞ്ഞ ഒരു വര്‍ഷത്തിനിടെ കൗമാരക്കാരില്‍ 39 ശതമാനം പേര്‍ നിയന്ത്രണം, സമ്മര്‍ദ്ദം, ഭീഷണി എന്നിവ നേരിട്ടതായി തുറന്നു സമ്മതിച്ചു. യൂത്ത് എന്‍ഡോവ്മെന്റ് ഫണ്ടിന്റെ നേതൃത്വത്തിലായിരുന്നു പഠനം.
ടോക്സിക് ബന്ധങ്ങളുടെ രൂപങ്ങള്‍
- മൊബൈല്‍, സോഷ്യല്‍ മീഡിയ പരിശോധിക്കല്‍
- ലൊക്കേഷന്‍ ചോദിക്കല്‍
- ശരീരത്തെ കുറിച്ചുള്ള വിമര്‍ശനം
- എതിര്‍പ്പറിയിക്കാന്‍ ഭയം
ഇത്തരത്തിലുള്ള പ്രവണതകള്‍ പല ബന്ധങ്ങളെയും വിഷമയമാക്കുന്നുവെന്ന് റിപ്പോര്‍ട്ട് വ്യക്തമാക്കുന്നു.
പഠനത്തില്‍ കണ്ടെത്തിയ പ്രത്യാഘാതങ്ങള്‍
- ആത്മവിശ്വാസ കുറവ്
- ഉറക്കമില്ലായ്മ
- പഠനത്തില്‍ ശ്രദ്ധയില്ലായ്മ
- കുടുംബ-സുഹൃത്ത് ബന്ധങ്ങളില്‍ അകലം
- 22% പേര്‍ ക്ലാസുകളില്‍ പങ്കെടുക്കുന്നത് ഒഴിവാക്കി
- ചിലര്‍ സ്വകാര്യ ദൃശ്യങ്ങള്‍ പങ്കുവയ്‌ക്കേണ്ടി വന്ന തിരിച്ചടികള്‍ നേരിട്ടു
വിദഗ്ധര്‍ മുന്നറിയിപ്പ് നല്‍കുന്നത്, കുട്ടികളില്‍ ബോധവത്കരണം അനിവാര്യമാണെന്നും സ്‌കൂളുകളില്‍ മാനസികാരോഗ്യം വീണ്ടെടുക്കാനുള്ള നടപടികള്‍ ഉടന്‍ ആരംഭിക്കണമെന്നും ആണ്
