ലണ്ടന്‍: സര്‍ക്കാരിന്റെ ഭീകരപട്ടികയില്‍ നിന്നും നീക്കം ചെയ്യണമെന്ന ആവശ്യം നിരസിച്ചതിനെതിരേ യുകെ കോടതിയില്‍ ഹമാസ് അപ്പീല്‍ നല്‍കി. യുകെ ആഭ്യന്തര സെക്രട്ടറി വെറ്റെ കൂപ്പറുടെ തീരുമാനത്തെയാണ് ബാരിസ്റ്റര്‍മാരായ ഫ്രാങ്ക് മഗെന്നിസ്, ഡാനിയേല്‍ ഗ്രട്ടേഴ്സ് എന്നിവര്‍ മുഖേനെ ഹമാസ് ചോദ്യം ചെയ്യുന്നത്. ഏപ്രില്‍ ഒമ്പതിന് ആഭ്യന്തര സെക്രട്ടറി തങ്ങളുടെ അപ്പീല്‍ തള്ളിയെന്നും പക്ഷേ കൃത്യമായ കാരണം കാണിച്ചില്ലെന്നും ഹമാസിന്റെ ആറു പേജുള്ള അപ്പീല്‍ പറയുന്നു. '' സയണിസത്തോടും വര്‍ണവിവേചന ഇസ്രായേലി ഭരണകൂടത്തോടുമുള്ള കൂറ് നേരത്തെ തന്നെ പ്രഖ്യാപിച്ച വ്യക്തിയാണ് ആഭ്യന്തര സെക്രട്ടറി. ഫലസ്തീനികളോടുള്ള അവരുടെ വെറുപ്പാണ് തീരുമാനത്തിന് കാരണം.'' -അപ്പീല്‍ പറയുന്നു.
Full Story

ഡബ്ലിന്‍: അയര്‍ലന്‍ഡില്‍ ഇന്ത്യക്കാര്‍ക്കെതിരെ ഒട്ടറെ വംശീയാക്രമണങ്ങള്‍ റിപ്പോര്‍ട്ട് ചെയ്തതിന് പിന്നാലെ ഇന്ത്യക്കാരെ പിന്തുണച്ച് ലത്തീന്‍ കത്തോലിക്കാ സഭയുടെ ഡബ്ലിന്‍ അതിരൂപത ആര്‍ച്ച് ബിഷപ് ഇടയലേഖനം പുറത്തിറങ്ങി. 'അവരെ ചേര്‍ത്തുപിടിക്കണം, അവര്‍ നമ്മുടെ സ്വന്തമാണ്' എന്നിങ്ങനെയുള്ള വരികള്‍ ഉള്‍പ്പെടുന്ന ഇടയ ലേഖനമാണ് ആര്‍ച്ച് ബിഷപ് ഡെര്‍മോട്ട് ഫാറെല്‍ പുറത്തിറക്കിയത്. ആദ്യമായാണ് രാജ്യത്തുള്ള ഒരു വിഭാഗം ജനങ്ങള്‍ക്ക് വേണ്ടി ഡബ്ലിന്‍ അതിരൂപത ഇടയലേഖനം പുറപ്പെടുവിക്കുന്നത്. ഇന്ത്യന്‍ ജനതയെ പിന്തുണയ്ക്കണമെന്നും അവര്‍ക്ക് സര്‍വവിധ സഹകരണവും നല്‍കണമെന്നും ആര്‍ച്ച് ബിഷപ് ഡെര്‍മോട്ട് ഫാറെല്‍ ആവശ്യപ്പെട്ടു. വിശ്വാസസമൂഹത്തിന് ഇന്ത്യന്‍ സമൂഹത്തെ

ഹെര്‍ട്ട്‌ഫോര്‍ഡ്ഷയര്‍: റെയ്ഡിനിടെ വീട്ടുടമസ്ഥയുടെ അടിവസ്ത്രം മോഷ്ടിച്ച കേസില്‍ മുന്‍ പൊലീസ് ഉദ്യോഗസ്ഥന് നാല് മാസം തടവ് ശിക്ഷ വിധിച്ച് കോടതി . 2024 സെപ്റ്റംബര്‍ 12നാണ് കേസിനാസ്പദമായ സംഭവം നടന്നത്. ലിയ-ആന്‍ സള്ളിവന്റെ വീട്ടിലെ ഡ്രോയറുകള്‍ പരിശോധിക്കുന്നതിനിടെയാണ് ഹെര്‍ട്ട്‌ഫോര്‍ഡ്ഷയര്‍ പൊലീസ് സേനയിലെ ഉദ്യോഗസ്ഥനായിരുന്ന മാര്‍സിന്‍ സീലിന്‍സ്‌കി അടിവസ്ത്രം മോഷ്ടിച്ചത്. മാര്‍സിന്‍ ഇത് പോക്കറ്റിലിടുന്ന ദൃശ്യങ്ങള്‍ പുറത്തുവന്നതോടെ സംഭവം പുറത്തറിയുന്നത്. മോഷണം, അധികാര ദുര്‍വിനിയോഗം എന്നീ വകുപ്പുകള്‍ ചുമത്തിയാണ് ശിക്ഷ. സംഭവദിവസം ലിയ-ആന്‍ സള്ളിവനെ പൊലീസ് അറസ്റ്റ് ചെയ്തിരുന്നു. പിന്നീട് നിരപരാധിയാണെന്ന് കണ്ടെത്തി വിട്ടയക്കുകയായിരുന്നു. ലിയ പൊലീസ്

ലണ്ടന്‍: ബ്രിട്ടിഷ് പ്രധാനമന്ത്രിയായിരിക്കെ ഋഷി സുനകിന് വംശീയത നിറഞ്ഞ വധഭീഷണി സന്ദേശമയച്ച യുവാവിന് 14 ആഴ്ചത്തെ തടവുശിക്ഷ. വടക്കുപടിഞ്ഞാറന്‍ ഇംഗ്ലണ്ടിലെ ബിര്‍കെന്‍ഹെഡ് സ്വദേശിയായ ലിയം ഷാ (21) ആണു ശിക്ഷിക്കപ്പെട്ടത്.

ഇ മെയില്‍ വഴി ഭീഷണി സന്ദേശമയച്ച ഷായെ 2024 സെപ്റ്റംബര്‍ 3ന് ആണ് അറസ്റ്റ് ചെയ്തത്. മദ്യപിച്ച് ബോധമില്ലാതെ ചെയ്തതാണെന്നായിരുന്നു പ്രതിയുടെ കുറ്റസമ്മതം. ഇത്തരം വംശീയ വിദ്വേഷ പ്രവര്‍ത്തനങ്ങള്‍ അംഗീകരിക്കാന്‍ കഴിയില്ലെന്ന് കോടതി വ്യക്തമാക്കി.

ഡബ്ലിന്‍: അയര്‍ലണ്ടില്‍ കളിച്ചുകൊണ്ടിരുന്ന ഒന്‍പത് വയസുകാരനായ ഇന്ത്യന്‍ വംശജനെ തലയ്ക്ക് കല്ലെറിഞ്ഞ് പരിക്കേല്‍പ്പിച്ചു. ആക്രമണം നടത്തിയ കൗമാരക്കാരനെ അയര്‍ലണ്ട് പൊലീസ് തിരിച്ചറിഞ്ഞതായാണ് വിവരം. 15 വയസുകാരനാണ് പ്രതി. കോര്‍ക്ക് കൗണ്ടിയില്‍ വെച്ചാണ് കുട്ടി ആക്രമിക്കപ്പെട്ടത്. തലയ്ക്ക് ഗുരുതരമായി പരിക്കേറ്റ കുട്ടിയെ ആശുപത്രിയില്‍ പ്രവേശിപ്പിച്ചിരിക്കുകയാണ്. വംശീയ പ്രേരിതമായ വിദ്വേഷ ആക്രമണമാണിതെന്ന് പരിക്കേറ്റ കുട്ടിയുടെ കുടുംബം ആരോപിക്കുന്നു. ആക്രമണം കുട്ടിക്ക് ജീവിതകാലം മുഴുവന്‍ അനുഭവിക്കേണ്ട മാനസികാഘാതം ഉണ്ടാക്കുമെന്നാണ് സംഭവത്തില്‍ അയര്‍ലന്‍ഡ് ഇന്ത്യ കൗണ്‍സില്‍ മേധാവി പ്രശാന്ത് ശുക്ല പ്രതികരിച്ചത്. രണ്ട് രാജ്യങ്ങളിലെയും സര്‍ക്കാരുകളോട് വിഷയം

ലണ്ടന്‍: ജെന്‍സിയും ജെന്‍ ആല്‍ഫയും ഉപയോഗിക്കുന്ന പല വാക്കുകളും 80-90 കിഡ്‌സിന് അത്ര പരിചിതമല്ല, അപ്പോള്‍ പിന്നെ പഴയ തലമുറയുടെ കാര്യം പറയാനുണ്ടോ. സ്‌കിബിഡി, ഡെലുലു...എന്നൊക്കെ കേട്ടാല്‍ ഇതെന്തൂട്ട് സാധനം എന്ന് അന്തം വിടുകയേ നിവൃത്തിയുള്ളൂ..എന്നാല്‍ ഈ ന്യൂജെന്‍ വാക്കുകളെയൊക്കെ കേംബ്രിഡ്ജ് ഡിക്ഷണറിക്ക് നന്നായി പിടിച്ചിട്ടുണ്ട്. പുതിയതായി ചേര്‍ത്ത 6000 വാക്കുകളുടെ കൂട്ടത്തില്‍ സ്‌കിബിഡിയും ഡെലുലുവും ഇടംപിടിച്ചിരിക്കുകയാണ്.കഴിഞ്ഞ കൊല്ലം സോഷ്യല്‍ മീഡിയ ഏറ്റവും അധികം ഏറ്റെടുത്ത വാക്കുകളാണ് സ്‌കിബിഡിയും ഡെലുലുവും. അനിമേറ്റഡ് സീരിസില്‍ നിന്നും ഉത്ഭവിച്ച സ്‌കിബിഡി എന്ന വാക്ക് കഴിഞ്ഞ വര്‍ഷം ഇന്‍സ്റ്റ അടക്കമുള്ള സമൂഹ മാധ്യമങ്ങളില്‍ ട്രന്‍ഡായിരുന്നു.
Full Story

ലണ്ടന്‍: യു.കെയിലെ വോള്‍വര്‍ഹാംപ്റ്റണ്‍ റെയില്‍വേ സ്റ്റേഷന് പുറത്ത് രണ്ട് വയോധികരായ സിഖ് വംശജരെ ക്രൂരമായി ഉപദ്രവിക്കുന്നതിന്റെ ദൃശ്യങ്ങള്‍ പുറത്ത്. ഇക്കഴിഞ്ഞ വെള്ളിയാഴ്ചയാണ് സംഭവം നടന്നത്. വംശീയാതിക്രമമാണ് ഇരുവര്‍ക്കുമെതിരെ നടന്നതെന്ന് യു.കെ പൊലീസ് സ്ഥിരീകരിച്ചിട്ടുണ്ട്. മര്‍ദനത്തിന്റെ വിഡിയോ സമൂഹമാധ്യമങ്ങളില്‍ പ്രചരിക്കുന്നത് ശ്രദ്ധയില്‍ പെട്ടിട്ടുണ്ടെന്നും പൊലീസ് പറഞ്ഞു. വയോധികരില്‍ ഒരാള്‍ റെയില്‍വേസ്റ്റഷന് പുറത്തെ റോഡില്‍ കിടക്കുന്നതാണ് വിഡിയോ ദൃശ്യങ്ങളിലുള്ളത്. അദ്ദേഹത്തിന്റെ തലപ്പാവ് അരികിലുണ്ടായിരുന്നു. മറ്റൊരു വയോധികനെ ചവിട്ടുന്നതും ഇടിക്കുന്നതും ദൃശ്യങ്ങളിലുണ്ട്. ക്രൂരമായ മര്‍ദനത്തിന് സാക്ഷിയായ ഒരു സ്ത്രീയാണ് സംഭവം പകര്‍ത്തിയത്.

കൊല്ലം: കടലിനെയും തീരത്തെയും പ്ലാസ്റ്റിക് മുക്തമാക്കാനുള്ള 'ശുചിത്വസാഗരം സുന്ദരതീരം' പദ്ധതിക്ക് ലണ്ടന്‍ എന്‍ജിഒയുടെ അഞ്ചുലക്ഷം രൂപ കൈപ്പറ്റി. സിപിഎം പിബിയില്‍നിന്ന് ചോര്‍ന്ന പരാതിയില്‍ പറയുന്ന രാജേഷ് കൃഷ്ണയുമായി ബന്ധമുള്ള 'പ്ലാസ്റ്റ് സേവ് ' എന്ന എന്‍ജിഒയുടെ ഇടപെടലില്‍ ശുചിത്വസാഗരം പദ്ധതിയുടെ അക്കൗണ്ടിലേക്കാണ് പണംവന്നത്. ലണ്ടനില്‍നിന്ന് 50 ലക്ഷം കൈപ്പറ്റുകയും അഞ്ചുലക്ഷം മാത്രം ഫിഷറീസ് വകുപ്പിന് കൈമാറുകയും ചെയ്‌തെന്നാണ് വിവരം.

അഞ്ചുലക്ഷം രൂപയും പ്ലാസ്റ്റിക് സംസ്‌കരിച്ച ഷ്രെഡിങ് യൂണിറ്റിലെ തൊഴിലാളികളുടെ ശമ്പളത്തിനാണ് ഉപയോഗിച്ചത്. അഞ്ചുലക്ഷം രൂപ ലണ്ടന്‍ എന്‍ജിഒ നല്‍കിയെന്ന് അന്നത്തെ ഫിഷറീസ് മന്ത്രി ജെ.