ലണ്ടന്: ബ്രിട്ടിഷ് പ്രധാനമന്ത്രിയായിരിക്കെ ഋഷി സുനകിന് വംശീയത നിറഞ്ഞ വധഭീഷണി സന്ദേശമയച്ച യുവാവിന് 14 ആഴ്ചത്തെ തടവുശിക്ഷ. വടക്കുപടിഞ്ഞാറന് ഇംഗ്ലണ്ടിലെ ബിര്കെന്ഹെഡ് സ്വദേശിയായ ലിയം ഷാ (21) ആണു ശിക്ഷിക്കപ്പെട്ടത്.
ഇ മെയില് വഴി ഭീഷണി സന്ദേശമയച്ച ഷായെ 2024 സെപ്റ്റംബര് 3ന് ആണ് അറസ്റ്റ് ചെയ്തത്. മദ്യപിച്ച് ബോധമില്ലാതെ ചെയ്തതാണെന്നായിരുന്നു പ്രതിയുടെ കുറ്റസമ്മതം. ഇത്തരം വംശീയ വിദ്വേഷ പ്രവര്ത്തനങ്ങള് അംഗീകരിക്കാന് കഴിയില്ലെന്ന് കോടതി വ്യക്തമാക്കി.
