തൃശൂര്‍ ചെറുതുരുത്തിയില്‍ സ്ത്രീയെ മരിച്ച നിലയില്‍ കണ്ടെത്തി. ചെറുതുരുത്തി യിലെ ഒരു ഹോട്ടല്‍ മുറിയിലാണ്‌ സ്ത്രീയെ മരിച്ച നിലയില്‍ കണ്ടെത്തിയത്. മലപ്പുറം ചേറൂര്‍ സ്വദേശിനി ധനലക്ഷ്മി (56) ആണ് കൊല്ലപ്പെട്ടത്. കഴിഞ്ഞദിവസം രാത്രി വിജീഷ് എന്ന ആളുടെ പേരിലാണ് റൂം എടുത്തത്. ഇന്ന് രണ്ടു മണിയോടുകൂടിയാണ് മരണവിവരം പുറത്തറിയുന്നത്.
ചെറുതുരുത്തി പോലീസ് സ്റ്റേഷന്‍ സിഐയുടെ നേതൃത്വത്തില്‍ പരിശോധന നടത്തി. വിരലടയാള വിദഗ്ധരും സ്ഥലത്തെത്തി. സംഭവം കൊലപാതകമാണെന്നും പ്രതി വിജീഷ് മലപ്പുറത്തെ ഒരു സ്റ്റേഷനില്‍ കീഴടങ്ങി എന്നും പോലീസ് അറിയിച്ചു. ധനലക്ഷ്മി നൃത്താധ്യാപികയാണ്. വിവാഹത്തിന് നിര്‍ബന്ധിച്ചതാണ് കൊലപാതകത്തിന് കാരണമായതെന്നാണ് വിവരം.