|
ചേരുവ
ഇളം ചിക്കന്‍ - അര കിലോ
മുളക്‌പൊടി - 4 ടീസ്പൂണ്‍
മഞ്ഞള്‍പ്പൊടി - അര ടീസ്പൂണ്‍
ഗരംമസാലപ്പൊടി - അര ടീസ്പൂണ്‍
ഇഞ്ചി വെളുത്തുള്ളി പേസ്റ്റ് - അര ടീസ്പൂണ്‍
തക്കാളി- മൂന്ന്
ഉപ്പ് - പാകത്തിന്
വെളിച്ചെണ്ണ - 100 മില്ലി
കറിവേപ്പില - ഒരു തണ്ട്
വെള്ളം - അര കപ്പ്
പാകം ചെയ്യുന്ന വിധം
ചിക്കന്‍ വൃത്തിയാക്കി ഇടത്തരം കഷ്ണങ്ങള്‍ ആക്കുക. ഇതിലേക്ക് മുളക്‌പൊടി, മഞ്ഞള്‍പ്പൊടി, ഗരംമസാലപ്പൊടി, ഇഞ്ചി വെളുത്തുള്ളി പേസ്റ്റ് , ഉപ്പ് എന്നിവ ചേര്‍ത്ത് ഇളക്കി അര മണിക്കൂര്‍ നേരം വയ്ക്കുക . ഒരു പാനില്‍ 2 ടേബിള്‍സ്പൂണ്‍ വെളിച്ചെണ്ണ ഒഴിച്ച് ചൂടാകുമ്പോള്‍ ചിക്കന്‍ കഷണങ്ങള്‍ അതിലേക്കു ചേര്‍ത്ത് ഇളക്കി ചിക്കന്‍ വേകുവാന്‍ മാത്രം വേണ്ടത്ര വെള്ളം ഒഴിച്ച് മൂടി വച്ച് വേവിക്കുക. ഗ്രേവി അധികം ആകരുത്.ചിക്കന്‍ പകുതി വേവാകുമ്പോള്‍ ഇടത്തരം കഷണങ്ങള്‍ ആക്കിയ തക്കാളി ഇതിലേക്ക് ചേര്‍ത്ത് വരട്ടി എടുക്കുക. തക്കാളി നന്നായി വെന്തുടഞ്ഞു ചിക്കന്‍ കഷ്ണങ്ങളില്‍ പിടിക്കണം. വെള്ളം വറ്റിയ ശേഷം വെളിച്ചെണ്ണ ഒഴിച്ച് ഗ്രേവി കുറുകുമ്പോള്‍ കറിവേപ്പില ചേര്‍ത്ത് ഇളക്കി വാങ്ങി വയ്ക്കാം. ചപ്പാത്തി ചോറ് എന്നിവയുടെ കൂടെ വിളമ്പാം. |
