തിയെറ്ററുകളില്‍ ചിരി നിറയ്ക്കാന്‍ ബിജു മേനോന്‍ നായകനായി പുതിയ ചിത്രം: കൂടെയുള്ളത് സുരാജ്
Text By: Team ukmalayalampathram
തിയെറ്ററുകളില്‍ ചിരി നിറയ്ക്കാന്‍ ബിജു മേനോന്‍- സുരാജ് വെഞ്ഞാറമൂട് ടീമിന്റെ ഫണ്‍ ഫാമിലി ഡ്രാമ ചിത്രമായ 'നടന്ന സംഭവം' വരുന്നു. മാര്‍ച്ച് 22ന് പുറത്തിറങ്ങുന്ന ചിത്രത്തിന്റെ ടീസര്‍ അണിയറക്കാര്‍ പുറത്തുവിട്ടു. മറഡോണ എന്ന ചിത്രത്തിന് ശേഷം വിഷ്ണു നാരായണ്‍ സംവിധാനം ചെയ്യുന്ന ഈ ചിത്രം നിര്‍മ്മിക്കുന്നത് അനൂപ് കണ്ണനും രേണുവും ചേര്‍ന്നാണ്. ഒരു മെക്‌സിക്കന്‍ അപാരത എന്ന ചിത്രത്തിന് ശേഷം അനൂപ് കണ്ണന്‍ സ്റ്റോറീസിന്റെ ബാനറില്‍ പുറത്തിറങ്ങുന്ന ചിത്രമാണ് 'നടന്ന സംഭവം'.
ന?ഗരത്തിലെ ഒരു വില്ല കമ്യൂണിറ്റിക്കകത്ത് നടക്കുന്ന രസകരമായ സംഭവങ്ങളുടെ നര്‍മ്മത്തിലൂടെയുള്ള ആവിഷ്‌ക്കാരമാണ് ചിത്രം. ഉണ്ണി എന്ന കഥാപാത്രമായി ബിജു മേനോനും അജിത്ത് എന്ന കഥാപാത്രമായി സുരാജും എത്തുന്നു. ഇവര്‍ക്ക് പുറമേ ലിജോ മോള്‍, ശ്രുതി രാമചന്ദ്രന്‍, സുധി കോപ്പ, ജോണി ആന്റണി, ലാലു അലക്‌സ്, നൗഷാദ് അലി, ആതിര ?ഹരികുമാര്‍, അനഘ അശോക്, ശ്രീജിത്ത് നായര്‍, എയ്തള്‍ അവ്‌ന ഷെറിന്‍, ജെസ് സുജന്‍ എന്നിവരും പ്രധാന കഥാപാത്രങ്ങളെ അവതരിപ്പിക്കുന്നു.
